Mise 7:12 - NQAARIIT NE ROOG

¹² A koom, xan wiin a ngar me nuun, a inoortiid Asuur fo no teeru ke Misira, a xotit Misira boo no xuluɓ olaa Ofrat, ndeer o maag fo o gend um fo ndeer o joong fo o gend um.

Mise 7:12 Referans Kwoze

Hoose 11:11

Xan a inoortiid Misira nen tiiƭ, a ndaprapnaa, a inoortiid no saax laa Asuur nen a nuukuur. Xam nomtiid a den kam pind den. Mi o Yaal oxe layun.»

Esayi 11:16

Neene, xan yoqatin we na xeet um na maadkaa o ñoowaa Asuur a njeg a qal, ne Isra’el a jegit’uuna, ye ta sutooxaa Misira.

Heseki’el 37:21

Cinj kaaga, fat o lay a den ee: Keeke o Yaal oxe na refkaa boo faw a layu: Xam sutit Ii-isra’el we a ndeer qeet ke da ndet’ina, fokat a den soo nomtiid a den no lanq ke den.

Heseki’el 29:21

A koom, xam ɓaat doole fee no mbind Isra’el, soo wo fee o ƥiy no kiin, um wetanong o don of a ndeer den, too xan da and ee mi refu o Yaal oxe.»

Yeremi 31:8

Nga’yo, xam nomtitiid a den no saax laa no ɓemb-roog o janoon, fokatit a den no cat ke no lanq ke. A ndeer den xan a jeg fuul fo ɓoof, rew waa mbudna fo waa na ngaajooxaa. Den fop, xan a nomtooxiid mene, a mbi faan maak.

Yeremi 23:3

Mi fa xoox es xam fokatit onqe yoqna no paal ke mi na saax ake fop rax’uuma a den, nomtiid a den na xa suufand den, maa da ndimatiritkaa soo a may gañ.

Yeremi 3:18

A koom, we Yudaa xan a soƥik we Isra’el, soo den fop da yoonandoortiid no saax le no ɓemb-roog o janoon, a njagin no saax le ci’uuma daan nuun nen lamatir.»

Esayi 49:12

Den oo weene na mbadiidaa, koƭu a nomtoortiidu, wene no ɓemb-roog o janoon, waana no mudand, weeke no saax laa Siniim.»

Esayi 43:6

Xam lay o ɓemb-roog o janoon ee: ‹Cooxti a den›, soo o ɓemb-roog o ñamaak, um layin ee: ‹Ba o geek a den.› Nomtitiidyo xa ƥees xa koor na saax a koƭu ke, soo xa ƥees xa tew no cat adna.

Esayi 11:11

A koom, xan o Yaal oxe a letnahin o ɓay um, ndax ta wat yoqatin we na xeet um na muckaa Asuur fa Misira fa Patros fa Kuus fa Elam fa Sine’aar fa Hamat fo na pimb ake no maag ole.

Yeremi 46:27

«Wo Yakoob fee o tag es, ba o saɗar, ba o foof, wo Isra’el fee xeet es, yaam mexey muclitang no lanq koƭu, muclit xa taan of no saax le da ƥiseena took o hup doole. Xan Yakoob a nomtooxiid, a ñoowaa na jam fo o yaadax, too o leng jom’andkatiran.