Mise 7:10 - NQAARIIT NE ROOG

¹⁰ Xan fañ in a nga’in soo a may fa gaci, den we layoogna a in ee: «Taa o Yaal oxe Roog nuun?» Maaga, xan i mbuudaa a den, da nduuteel nen lopopooƈ le no ped ke.

Mise 7:10 Referans Kwoze

Sakari 10:5

Goor we Yudaa xan a nqire’taa nen a salma-koor, a nduutaa fañ den nen lopopooƈ le no ped ke. Neene a maafitkaa, yaam mi o Yaal oxe mexey a ndeer den, too sax we na ŋaaykaa pis, a nqetik fa den, gaci soom a nqotitkaa teen.

A kim a tedu ke 42:10

Kaam layaa a Roog fee refna ɓil es ee: «Xar taxu o weecaam? Xar taxu naqad a lifaa o cok es kili, o waas fañ we mi da ñagadilaxam?»

Mbeeñil 18:20

Ten taxu wo asamaan, felakinooxi! Nuun we mbogna na Roog fo apootar we fo duleer we, kaam ee mbelakinooxyo, no ne Roog a hate’na teeru feene yaam ɗom le ta fi’na a nuun.»

Yowel 2:17

Fat saasadax we na njalanaa o Yaal oxe a lool kam Mbind Roog ne ndeer begax ne fo o sadaxand ole soo a nqeɗooxin ee: «O Yaal oxe, wuusi a in, in we xeet of! Ba o ci a in gaci, boo a tax qeet lakas ke a nqaadnooxaa a in. Xar na taxkaa ta layeel a ndeer a saax ake yee: ‹Taa Roog den?› »

A kim a tedu ke 35:26

Fat fop we na mbelakinooxaa na taamaala fee mi a njeg gaci, a seeƈaar. Fat we inooxanaxama a sed, a naang ɓot.

A kim a tedu ke 18:42

Kaa ƈufginoox boo a nqij, ndaa o leng ƴufgee a den, da mbalaloox o Yaal oxe, ndaa doonee a den.

2 Sami’el 22:43

Kaam duguñaa a den boo da nandat fo fo ut ole no lanq ke, mokand a den soo duut a den nen lopopooƈ le no ped ke.

Mise 4:11

Ndiiki sax qeet mayu a mbokatooranaang, a ndamtin ee: «Fat i ngef a Siyoŋ, a kid in a mbuudaa yaq fee ten!»

Yeremi 51:51

Kaa nu layaa yee: «Kaa i sed’u, ye i nanna a ben ake, gaci fee a muur mukit in, ye wiin jan a maasandna o tedel ole no Mbind ne no Yaal oxe.»

A kim a tedu ke 79:10

Ba o xaƴ qeet ke da lay na in ee: «Taa Roog den?» Fat i nga’ood ne o rabdinooraa took qeet keene fo’oy le no dag we wo da ƥaxna.

Mace 27:43

A doona yaakaar um na Roog, Roog a fexangaan, pañtu ta muclin koy? Mee ndax kaa layoogu yee ten refu o Ƥeenqe Roog!»

Malaki 1:5

Xan nu nga’in jaxrañ soo layaa yee: «O Yaal oxe magnu boo kaltaa xa ŋat axe Isra’el.»

Abjaas 1:10

«Nuun xa taan axe Esawu, xan nu sed ɓot, too xan nu moocandel boo kili yaam ne nu mbariƴna fo xa taan axe Yakoob we fog nuun.

Dañel 3:15

Ndiiki koy, xan nu nanahin a luuƥ fo a liit fo simb fo o nqilimb fo riiti fo a seeluumb fo kuu na fakteel a njibaa, too nu nanangaan, ndax xan nu njaɓ o ngung a lanq, mbaɗoox nitaal ne fi’nuuma? Nu mbañangaa, xan nu ndeɓel ndak fo ndak kam fuur faa na kaƥaa jir-jir, too yaaga roog fum na waagkaa o mucil a nuun na xa ƥay es?»

Yeremi 51:24

Xan nu nga ne um rabditkaa a Babilon, fop we ngenna Kalde, paaxeer ke da mbi’na a Siyoŋ. Mi o Yaal oxe layun.

A kim a tedu ke 115:2

Xar na taxkaa qeet ke a layaa yee: «Taa Roog den boog?»

A kim a tedu ke 109:29

We na njambaxam xan a neewandel, gaci a muur a den nen pay.

A kim a tedu ke 58:10

Boo xa quɗoox axe nuun a ngelko fo yegaa a sumaan ale no ndugin ne, xan Roog a maƥit a den a und a maak, ta soƥ ee kaa maad o nquƥaa mbaat da kaƥaa.

A kim a tedu ke 42:3

O laaw es kaa diilooxaa a Roog, a Roog fa ñoow jok fee. A mban um jasnoorkaa fo ten?

Heseki’el 7:18

Xan a nderoox xa saaku, soo diid a dam a den. Xan mukit ke fop a seeƈaar, a qoox ake den fop a ƥuurel.

Esayi 41:25

Intaam o koor no ɓemb-roog o janoon, too oxey garaa. Gon um le ne’eel no batand. Kaa duutaa maad we ne lopopooƈ a nootteel mbaat ne o maamax qaw a duuttaa ƭok um.

Abjaas 1:12

Wo xeet fee Edoom, ba o sawar no njom ne no fog of, felakinoox ye fa yaq fee no Yuuyudaa we, xaadnoox a den, yaa da njegna naqad!

Mise 7:8

Nuun fañ in, ba nu mbelakinoox na in! I yenangaa sax oo, xan i inooxatin. I ndefangaa kam o niɓaan ole, xan o Yaal oxe a meleƈin a qoolaand um took in.

Yosuwe 7:9

Xan Kaakanaan we fo we ngenna no saax le fop a yegin, a mbid a in o kurul-keƥ soo a moocand a kon in no saax le. Ndi yaaga nam gon of a jegitkaa o ndam?»

A kim a tedu ke 92:12

Kaam fuudaa fañ es we maafeena, nof es a nanaa xa paɗax no soxodu we songiid’axama.

Esayi 26:11

O Yaal oxe, o ɓay of ole yoɗooxa took, ndaa nga’iran. Xan a mos o nga o jaflax of na xeet of soo a sed yaam keene. Xan fiɗel le jagandaneena fañ we wo a raaɓ a den!

Yeremi 49:15

Keeke o Yaal oxe a layu a Edoom: «Ga’angi, neewandaaxoong a ndeer qeet ke, fi o sibel a ndeer no wiin we.

Sofoni 3:15

O Yaal oxe a watna a qaw ale war’ina o dal a nuun, o pañ nuun, ta goƭandin. O maad oxe Isra’el refna o Yaal oxe xey a ndeer nuun. Nu njegatee taamaala faa nu ngelna o saɗar.