Mise 7:1 - NQAARIIT NE ROOG

¹ Sabab took es, yaam kaam nand fo xaa na giskaa xa tim, nen oxaa na gisaatooxaa xa biiñ cinj a ƥoor ale. Nduunq leng naa ñaameena jegatee, ne’atiim o run o leng olaa yaawuuma.

Mise 7:1 Referans Kwoze

Hoose 9:10

O Yaal oxe kaa tee: «Ga’aam a Isra’el nen xa biiñ kam a koƥ-a-ƥor, ga daan we nuun nen xa tun xa peraand. Kaa koy, ye da mbadiidna Baal-Pe’oor rek, a soobooxa no mbaɗooxaa a Baal fa sednooxu feene, soo a ndefat cednooxu den fa qoox den nen o fes den oleene.

Esayi 28:4

soo mbiɗ leeƥu ne o mosel um a fodna took a yulanq a caɓu taxar ale a ref nen o jala laa foorateelna. No ɓay no xuu ta eetna, xan a ɗuudin ndak fo ndak.

Esayi 24:13

Ke na yoqkaa no qeet ke took lanq ke xan a nand nen yoqatin ndaxar oliiw ƥoore, nen fo nduunq biiñ fo ngisaatooxel cinj a ƥoor ale.

Esayi 17:6

Kisaatooxel soom na yoqkataa teen nen ndaxar oliiw ƥoore. Xa oliiw xa ƭaq mbaat xa tadaq rek na yoqataa na cul ale no ndaxar oliiw neene, soo xa nahaq mbaat xa ƥetaq a yoq na naaq ake. Keene o Yaal oxe Roog fee Isra’el a layu.

Yeremi 45:3

Kaa o layaa yee: ‹Sabab took es! O Yaal oxe a ɓaata naqad na ƭomaan es. Kaam xij laƈ no iinaa too jegiim a ñootnax sen.›

Yeremi 15:10

Sabab took es! Xar taxu o rimaam, wo ya es? Kaam ref o kiin o cofooraand fo o baagraand no saax le fop. Luɓiim too ɓandtiim, ndaa yaqanee fop kaa salooxaxam.

Yeremi 4:31

Yaam kaam nanaa xa buuq nen axe no tew oxaa na gaajooxaa, xa buuq o ƭomel nen axe no tew oxaa na ñootaa taaw um. O ñuxur ole Siyoŋ oo. Kaa iinaa, a dek xa ƥay ee: «Sabab took es! Kaam xonaa yaam a qaw ale no waawar we!»

Esayi 24:16

In we nanaa a kim a inooru no cat adna yee: «O cofu xe a ɗaaya.» Mi o mat, kaam lay ee: «Kaam fag! Kaam fag tak! Sabab took es!» Hoohod we owe ngodaa, owe ngodaa tigi, oxuu moƴuuna waag o kend um, oxe fi’an.

Esayi 6:5

Maaga, layaam ee: «Sabab took es! Saŋkooxaam kañ, yaam kaam ref o kiin oxaa xaaɗna o don, gen a ndeer xeet faa nqaaɗna o don itam, soo a kid es a nga o Maad oxe, o Yaal oxe Hupna fop!»

A kim a tedu ke 120:5

Ndaw o ñaatu xe refuuma, mi fee refna o gataakoon kam Mesek, gen a ndeer ƭiif ke Kedaar!

Yeremi 24:2

A leng na ƭamba ke kaa saq’u xa tun xa paaxu lool nen xa tun xa poorateel axe, soo a ƭamba lakas ale a saq xa tun axaa mbaaxaƭarna mbaaxaƭar, boo mbaagaand o ñaam.

A lim ale 18:13

Fop ke da ƥisiidkaxam no ke eetna o foor, nuun na njegkan. Oxuu fogna no ƥasil nuun too a xool, a waaga o ñaam teen.

Xa peƭit axe 20:6

Jaaku kaa yegnitaa o waag den, ndaa oxe woorna a ɗome o and.

Yeremi 5:1

O Yaal oxe kaa tee: «Mbidyo ped ke Yeerusaleem, ƭeet a paax, ngoroox, mbaaƭ no paayo ke ten. Nu nga’angaa teen o leng kut oxaa na fi’aa cofu, a jeemaa o gore, xam waasan a Yeerusaleem.»