Mise 6:6 - NQAARIIT NE ROOG

⁶ Fa xar um geenoorkaa mbaambir no Yaal oxe, gungtin mbaambir Roog fee Took-ee-took? Ndax sadax toxel um ɓisiidkan, fo nqeel naa njegna o hiid?

Mise 6:6 Referans Kwoze

A pi ake 2:37

Yaa da nanna fa lay faaga, cer den a ñaaƴa, too a laya a Piyeer fo apootar lakas waa yee: «Fog we, xar i mbaru o mbi?»

Mark 5:7

too a wuuq a maak ee: «Wo fee refna o Ƥeenqe no xe Took-ee-took, xar i nqetu? Waay waay, ɗeeti a Roog, fañaam o xijil.»

Mace 19:16

O koor a matiida, a laamit a Yeesu yee: «O Caajangin oxe, paax kum helum o fi ndax um jeg o ñoow o fagkeer ole?»

Dañel 3:26

Cinj kaaga, Nebukadnesaar a matiida begax ne na fuur fee na kaƥaa jir-jir, soo a falaloox ee: «Sadrak fa Mesak fa Abed-Nego, nuun dag we Roog fee Took-ee-took, sutooxiidyo too ngar!» Maaga, Sadrak fa Mesak fa Abed-Nego a sutooxiida fiɗel le.

A pi ake 16:30

Cinj kaaga, a suta a den tafil, too a lay ee: «Goor maak, xar warum o fi ndax um muc?»

A pi ake 16:17

O mbindaand onqeene a reefanooga a Pool fa in, too a falalooxaa yee: «Goor weeke faɗ Roog fee Took-ee-took a ndefu! Kaa yegnaa a nuun a ƭat ale na muc ale.»

YEGIL MBAAX NE YEESU ne Saŋ a bindtuuna 6:26

Yeesu a doona a den ee: «No ndigil, no ndigil, mexe layaa a nuun ee: Refee yee yaam ne nu nga’na xa anddiloor taxu nu mbaaƭaxam, ndaa yaam ne nu ñaamneena puuru boo naag tem.

YEGIL MBAAX NE YEESU ne Lik a bindtuuna 10:25

O caajangin o maak no kebil ke a bug’a o ɗeetloox a Yeesu. A inooxa, a laamtin ee: «O Caajangin oxe, xar warum o fi ndax um jeg o ñoow o fagkeer ole?»

Dañel 5:21

A raxte ndeer no wiin we, a saqat sagu muumeen, a genik fo xa paam-a-koƥ axe, a ñoowtataa daaƭ nen qoox ke, soo liim le a yenaa took um, boo neen a andu yee Roog fee Took-ee-took kelfa’u maat ke no wiin we soo a ci’an oxuu feluuna.

Dañel 5:18

Daali maad, Roog fee Took-ee-took a fi’a na faap of Nebukadnesaar o maad o maak oxaa mayna o ndam fo o magnel.

Dañel 4:9

Saqit le ten kaa neep’u bo, xa tim um a naang gañ, fop a ñoowaa teen. Muumeen ke na koƥ ale kaa yookooxoogu teen, tiiƭ ke a ndutaa na naaq um, mbindel nuu refna a xottaa no ten ñoowir um.

A kim a tedu ke 95:6

Ngaryo i ƈuug, ngooknoox, ngung mbaambir no Yaal oxe sakna a in,

A kim a tedu ke 22:29

yaam o Yaal oxe doŋ refu o maad, ten na maadooxanaa qeet ke fop.

2 Sami’el 21:3

Dawid a laamta a den ee: «Xar warum o fi’an a nuun? Nam waagum o xendandit paaxeer ke dalna a nuun, ndax nu mbarke’at xeet fee no Yaal oxe?»

A sutax ale 12:5

Fat a ref o njuk onqaa jegeerna sik fa leng, a jeg o hiid o leng. Nu mbaaga o mbaaƭ o mbaal mbaat o mbambe.

Efees 3:14

Ten taxu mexe gooknooxaa mbaambir Roog Faap fee.

Mark 12:33

Fex a Roog no xeeñ of fop fo na qalaat of fop fo na doole of fop, soo fex o kend of nen a xoox of moƴu yee o ɓoxotaa a Roog sadax fa ndoxel mbaat sadax kuu ndefna.»

Hebre 10:11

Ñaal oo ñaal o saasadax oxuu refna kaa geenooxaa yaa ta fadnaa calel um. Kaa gen no ɓoxotaa sadax leng kut ke mbaageerna o mborit pakaad boo muk.

1 Sami’el 15:22

Sami’el a layaan ee: «Ndax sadax toxel ke fo sadax lakas ke o Yaal oxe a moƴu o bug ee o nanan fa lay um? Nanan ne moƴanun sadax ke, njaɓan ne a moƴanin neebam fee na suk paal ake.

A kim a tedu ke 95:2

Fat i ndet mbaambir um, ƥoxotin o ngidim. Fat i soroxole’anin, yoonandtin a kim,

Esayi 40:16

Taxar ke Libaŋ sax ndeykee fiɗel fa ndoxir sadax, too cegel ke ten ndeykee o Yaal oxe sadax.

Yeremi 6:20

Xar soxla’um cuuraay faa inoorna Saba fo xeet fa mbelu tuñ laa hatiidna no saax goƭu? Muumeen ke nu ndoxaa took o sadaxand ole mbeliraam, too sadax ke nuun njemiraam.

Heseki’el 46:9

Yaa xeet fee no saax le a ngarkaa mbaambir no Yaal oxe no toofeen ke, oxuu rokitna no don-maax ole no ɓemb-roog o janoon, xan a sutoor no le no ɓemb-roog o ñamaak, too oxuu rokitna no don-maax ole no ɓemb-roog o ñamaak, xan a sutoor no le no ɓemb-roog o janoon. O leng sutoorkee me ta rokitna, ndaa oxuu refna xan a reef no don-maax ole ta faambritna.

Hoose 5:6

Xan a ndet fo a ked den fo xa siir den, ndax da ƥoxot teen sadax, a mbaaƭik o Yaal oxe, ndaa nga’kiran, yaam kaa riƈatoox a den.

Amos 5:22

Dara feliraam no sadax toxel ke fo no sadax tuufe-duufe ke nu ƥoxotaxam, xeeñ es a sib cegel ke nu nqirsaa, tee kaa nu sadaxtaa.

A sutax ale 23:15

Fa eetaand fee refu Xew fee no puuru canja’e ke. No ñaal ɓetuu ƭik ke ndameena no nqool onqe ne’eena Abiib, fat nu ñaamaa puuru canja’e, ne heblitanuuma a nuun, yaam no nqool onqeene nu sutooru Misira. Ba nu ngar fo xa ƥay xa ƥor me mi.

A kim a tedu ke 116:12

Nam um rabditkaa o Yaal oxe paax ke ta fi’anaxama fop?

Xa peƭit axe 15:8

O Yaal oxe kaa sib sadax ke no soxodu we, a qeƭ no jofu we mat a felin.

Xa peƭit axe 21:3

Fi’aa a pi a cofu fo a ƭat moƴanu o Yaal oxe sadax ke.