Mise 6:5 - NQAARIIT NE ROOG

⁵ Nuun xeet es, mbetandooxyo ke Balak fee o maad Mowaab a yuuɓan’ina a nuun fo ke Balam fee o ƥiy Bewoor a doon’uuna. Mbetandooxyo ke fi’anuuma a nuun xotitna Sitiim boo Gilgal, ndax nu andid a pi ake muclituuma a nuun, mi o Yaal oxe.»

Mise 6:5 Referans Kwoze

A lim ale 25:1

Ii-isra’el we a ngenooga Sitiim. Maaga goor we na xeet fee a njimbooxa no ceeq fo roog Moomowaab we.

Haahate we 5:11

Paam palka ke, we na lastaa foofi le owe simataa a pi a paax ake no Yaal oxe, a pi a paax ake ten no kelfa ke Isra’el, ye xeet fee no Yaal oxe a mbodna no tokand ke.

Yosuwe 4:19

No ñaal xarɓaxayandeer ne no nqool o eetaand onqe Ii-isra’el we a nqaañu a Yordaan. A sipa saŋe den kam Gilgal no cat kaa no jegel ole Yeriko farna fo batand naa.

Mbeeñil 2:14

Kaa koy, a jega onqaa ɗomaxama na wo: Ten refu yee kaa o jeg meene wiin waa ndamooxna na cangin ale Balam. Kaa jangnoogu a Balak yaaga, ta sip a panq alaa na baɓaa Ii-isra’el we, a maafnooraa a den na bakaad yaa ta koocaa a den da ñaam a tegeƴ a sadaxte akaa ne’teena pangool, soo a seeqaa.

Yudaa 1:11

Ndaw sabab took den, yaam kaa ndeef a ƭat ale Kayin, a ndeɓoox na ƭat a naanax ale Balam yaam xaaliis, too xan a saŋkoox, yaam kaa mbañoogu a Roog nen a Koora.

1Saŋ 1:9

I mbeejlangaa pakaad in, Roog a gore’a, too a jofa boo a waasanaa a in pakaad ke in, a xoolandaa a in no njofaƭar nuu refna.

2 Piyeer 2:15

Cinj ye da nqaƴna a ƭat a cofu le a mo’a, soo a ndeef a ƭat ale Balam fee o ƥiy Bewoor, fex’ina o fi paaxeer, ndax ta cooxel xaaliis.

A kim a tedu ke 143:11

O Yaal oxe, ñoowdandaam yaam oxe refoona, Suudi o laaw es na naqad fee, yaam kaa o jof.

A cangatin ale 16:3

Ba nu ñaam dara kaa foɗaxna yaa fo xew fee, ndaa fat nu ñaamaa puuru canja’e boo ñaal ɓetuu ƭik, yaam a ñofandax a maak nu sutooru saax le Misira. Neene, yaa nu ñaamaa puuru yaxandooxe keene, xan nu mbetandooxaa no ñoow o ñis nuun fop bes fee nu sutooxna a Misira.

A cangatin ale 9:7

«Mbetandooxyo too ba nu mbeecit muk ne nu mbuuxnoortoogna o Yaal oxe Roog nuun kam a koƥ-a-ƥor alaa. No kaa xotitna no ñaal naa nu sutooxna saax laa Misira boo neen nu mbadiidu o mbiñ onqene kaa nu siiknooraa fo ten.

A cangatin ale 8:18

Fat nu mbetandoox ee o Yaal oxe Roog nuun na ci’aa a nuun doole faa nu njegitna halal feene, ndax ta saƭkand ngiɓoor ne ta daaɓooxna fo daan nuun, ne ta fi’tan boo xaye.

Efees 2:11

Nuun we ndefeerna Yaawuur, nuun o mat we Yaawuur we a nqoyaa xa kaat, soo koy a ne’ooxaa we nqucooxna yaam Roog – keene koy no cer rek a ndayu, a ref o ñaas, o ɓay no kiin a fi’in – nuun boog, fat nu mbetandoox ke nu ndeeƭna yaaga.

A cangatin ale 8:2

Fat nu mbetandooxaa a ƭat ale o Yaal oxe Roog nuun a xotnoorna a nuun fop kam a koƥ-a-ƥor ale na xa kiid qarɓeen nahik axeene. A doona a nuun coono mayu, ndax ta ɗeetloox a nuun boo a ga ke refna kam a qeeñ nuun, a and ndax nu mbuga ndeef kebil ke ten, ndax nam.

A lim ale 31:16

A woora a nuun toox de yee den o mat ndeef’u xa as axe Balam, a soob Ii-isra’el we bo da ngore’aƭar no Yaal oxe, a mbaɗooxataa a Baal-Pe’oor, boo a tax taamaala a dal xeet fee no Yaal oxe.

A lim ale 31:8

A mbara itam maad ɓetuk we Majan ndefna: Eewi, Rexem, Sur, Xuur fa Reba, soo a mbarit itam a Balam fee o ƥiy Bewoor laƥ.

A lim ale 23:27

Balak a laya a Balam ee: «Gari um ɓisahinong o mbiñ o lakas. Xeƈa maaga boog, xan Roog a jaɓ o salooxanaam xeet fene.»

A lim ale 22:41

No feet nqes olaa, Balak a yoona fa Balam, a ŋaay fo ten no jul olaa Bamot-Baal maa ta waag’ina o ga’it cat ke no saŋe ne na xeet fee Isra’el.

A kim a tedu ke 111:4

A buga com’andtu ke ten a mbetandooxeel. O Yaal oxe kaa jeg yirmande, a yaaj kam.

A kim a tedu ke 71:19

Wo Roog, o cofel of kaa ret boo took-ee-took, wo fee fi’na tig magnu. Wo Roog, an fodu fa wo?

A kim a tedu ke 36:10

Me wo o mat, a cur foofi le na ñoownaa a refu, na qoolaand of i nga’taa a qoolaand.

1 Sami’el 12:7

Ndiiki koy, ngeenooxyo mbaambir no Yaal oxe, too xam wetand a nuun mbaambir um a pi a paax ake ta fi’anna a in, in fo daan we in.

A lim ale 33:49

Maaga na xa saawit axaa Mowaab paam Yordaan, a ndala a ndeer Bet-Yesimot fa Abel-Sitiim.

Yosuwe 2:1

Yosuwe fee o ƥiy Nun a lulta hoohorax ɗik no saŋe ne den Sitiim, a lay a den da ngorook na pet saax le Kanaan fa teeru fee Yeriko. Ye weene a mbadiidna Yeriko, a ndoka no mbind na caga laa ne’eena Rahab, ndax da mbe maaga.

Yosuwe 3:1

No feet olaa ƥiiɓ teel Yosuwe fo Ii-isra’el we fop a inoora Sitiim, a ngar bo no xuluɓ olaa Yordaan soo a mbe’aa maaga, a cungaa yaa da njootkaa.

Haahate we 11:25

Ndax wo moƴu a Balak fee o ƥiy Sipoor, ten fee o maad Mowaab? Ndax a mosa o ñimatir fa xeet fee Isra’el mbaat ta xire fa den?

Esayi 1:27

Xan a ƭat es a wat a Siyoŋ, soo we ngenna teen a mbattel o cofel es.

A lim ale 25:2

Weene a ƥeka a den da ñaamaa sadax ke ƥoxoteena roog ke den, soo a mbaɗooxaa roog keene.

A cangatin ale 23:6

Kaa koy, o Yaal oxe Roog nuun nan-gilooxee a Balam, ndaa a suptana a nuun a salax ale, ta refat barke, yaam kaa fex a nuun.