Mise 6:3 - NQAARIIT NE ROOG

³ O Yaal oxe kaa tee: «Wo xeet es, xar fi’oong? Na xar xijlandtoong? Doonaam!

Mise 6:3 Referans Kwoze

Yeremi 2:5

O Yaal oxe kaa tee: «Ndi njofaƭar num daan nuun a nga’u na mi boo a tax da ngoƭaam, a ndeefan xa koɓong, boo a ndefat xa koɓong den fa qoox den?

A kim a tedu ke 81:13

Maaga, xaƴaam a den no ŋaj den, da ndeefan yuuƥ ke den.

Yeremi 2:31

Nuun wiin we no suk nene, nan-gilooxyo a paax ke o Yaal oxe a layna: Ndax a koƥ-a-ƥor reeƭum na Isra’el mbaat saax o niɓaan? Xar taxu xeet es a lay ee: ‹In njegu a qoox in, i mbugee o nomtooxiid me wo?›

A kim a tedu ke 50:7

«Xeet es, nan-gilooxi, jegaam kaa layoonga. Wo Isra’el, mexe jambang, mi fee Roog, refna ref Roog of.

O leetar ole Pool a bindna GIMU WE NGENNA ROM 3:19

I anda koy ee ke kebil ke a layaa fop, kaa layanin we njaɓna o ndeef kebil ke, ndax o don oluu refna a naag meek, soo adna fop a njaɓ ee baabakaad a ndefu mbaambir Roog.

Mise 6:5

Nuun xeet es, mbetandooxyo ke Balak fee o maad Mowaab a yuuɓan’ina a nuun fo ke Balam fee o ƥiy Bewoor a doon’uuna. Mbetandooxyo ke fi’anuuma a nuun xotitna Sitiim boo Gilgal, ndax nu andid a pi ake muclituuma a nuun, mi o Yaal oxe.»

A kim a tedu ke 81:8

Ye refoona na naqad, ƴufginooxaxamo, too wataaxoong. Jaaɓtaaxoong kam ee kam ƭuuɗ ne. Ɗeetloox’aaxoong paam poofi kaa Meriba. A maaf

A kim a tedu ke 51:4

Ɓogaam qac no tooñ es, xoolandaam na bakaad es.

Esayi 5:4

Ndax waag’aanum o fi’an kupu ke fi’uuma? Mexey yaakaarooga o jegit teen xa tim biiñ xa safu, soo ta dek a rimik kaa jaɓeerna no don.