Mise 6:1 - NQAARIIT NE ROOG

¹ Nan-gilooxyo ke o Yaal oxe a layiidaa! O Yaal oxe, inooxi layoorel mbaambir xa coong axe, too fat a ñaang ake a nan o ñuxur of!

Mise 6:1 Referans Kwoze

Yeremi 22:29

Saax le, saax le, saax le! Nan-gilooxyo fa lay fee no Yaal oxe.

A cangatin ale 32:1

«Asamaan, rungi nof of no ke um layaa, lanq ke, nan-gilooxyo fa lay fee na sutooraa no don es.

Mise 1:2

Nuun qeet ke fop, nan-gilooxyo! Lanq ke fo ke refna teen, ndungyo nof nuun! O Yaal oxe na refkaa boo faw xan a layoor fa nuun, a inoortiid no Mbind tedu ne ten.

Heseki’el 36:1

«Wo fee o ƥiy no kiin, jo’tanaam xa coong axe Isra’el! Fat o lay ee: Nuun xa coong axe Isra’el, nan-gilooxyo fa lay fee no Yaal oxe!

A kim a tedu ke 50:4

Kaa xoyaa asamaan fo lanq, da seede’in yaa ta hate’aa xeet um ee:

A cangatin ale 4:26

Boo nu mbi’na bakaad feene, mexe maƭooxaa a nuun xaye, too asamaan fo lanq ndefu seede ke, yee nu ñakkee o sooƴ no saax le nu njegkaa no mudand ne Yordaan. Nu miñkee teen dara, too xan nu moocandel boo nqet.

Heseki’el 36:8

Nuun xa coong axe Isra’el o mat, xan nu sax a naaq, saqan a Isra’el fee xeet es xa tim, yaam a nomtooxiid den a matiida.

Esayi 1:2

Asamaan, nan-gilooxi, lanq ke, mbetyo nof nuun, yaam o Yaal oxe na layaa: «Yaraam xa teɓandoong, fi a den maak, ndaa a siiknoora fa mi.

YEGIL MBAAX NE YEESU ne Lik a bindtuuna 19:40

Kaa koy, Yeesu a doona a den ee: «Mexe layaa a nuun ee a tiimangaa sax, xan a kac ake a mbalaloox!»

A kim a tedu ke 50:1

A kim a tedu laa fogna na ke Asaf oo. Roog o Yaal katil oxe refna o Yaal oxe xe layaa soo a xoyaa adna fa muum, a xotit no batand boo no mudand.

Mise 1:4

Xa coong axe kaa naayaa ɗuga a caf um nen likaañ kam fiɗel, a yulanq ake a ngasooxaa, nen maa foofi laa na caarooxaa na pudnand a gasna.

Heseki’el 37:4

Maaga, a layaxam ee: «Jo’tanaam xa kiiƈ axene! Fat o lay a den ee: Nuun xa kiiƈ xa beeru korong axe, nan-gilooxyo fa lay fee no Yaal oxe!

Yeremi 13:15

Nan-gilooxyo too mbet nof nuun, ba nu magnandooxat, yaam o Yaal oxe na layaa.

Amos 3:1

Nuun we xa taan Isra’el, o Yaal oxe a laya yee nu nan-giloox ke ta layna took nuun, nuun we ta sutitna no saax laa Misira.

1 Sami’el 15:16

Sami’el a ɗegooxaan ee: «A deya! Xam yegnong ke o Yaal oxe a layaxama no yeng ole faafna.» Sawul a doonaan ee: «Layi.»

1 Sami’el 12:7

Ndiiki koy, ngeenooxyo mbaambir no Yaal oxe, too xam wetand a nuun mbaambir um a pi a paax ake ta fi’anna a in, in fo daan we in.

Mise 6:2

Nuun xa coong axe fo a per a saƭku ke no lanq ke, nan-gilooxyo layoor ne no Yaal oxe! O Yaal oxe kaa layooriidaa fa xeet um, a xelooriidaa fa Isra’el.

Esayi 3:13

O Yaal oxe kaa layooriidel, a geenoox no hate xeet um.

Heseki’el 6:3

Fat o lay ee: Nuun xa coong axe Isra’el, nan-gilooxyo fa lay fee no Yaal oxe na refkaa boo faw! Keeke o Yaal oxe na refkaa boo faw a layu xa coong axe fo a ñaang ake, a kamb ake fo a yulanq ake: Mexey! Mexe hebliidaa xire fee took nuun too xam yaq a ñaang a sadaxand ake nuun.