Mise 5:8 - NQAARIIT NE ROOG

⁸ «Fat o ɓay of a dal took no fañ of, da moocandel, den fop!»

Mise 5:8 Referans Kwoze

Sakari 10:5

Goor we Yudaa xan a nqire’taa nen a salma-koor, a nduutaa fañ den nen lopopooƈ le no ped ke. Neene a maafitkaa, yaam mi o Yaal oxe mexey a ndeer den, too sax we na ŋaaykaa pis, a nqetik fa den, gaci soom a nqotitkaa teen.

Mise 4:13

«Wo Siyoŋ, o ndoog onqe, inooxi, sug a den. Xam fi xa can of a ndef njelem, xa poxos of a ndef xanjar. Xan o duguñ qeet mayu soo kesan o Yaal oxe ke da njaɓna, halal den, o geekanin o Yaal oxe jegna lanq ke fop.»

Sakari 12:3

A koom, xam fi Yeerusaleem a ref gac meɗu laa ɓoowna qeet ke fop. Den fop xan a mbokatooranin, ndaa oxe na jeemkan o yoɗ xan a gaañoox ƭomu.

Sakari 9:15

O Yaal oxe Hupna fop xan a saytoox xeet um, a maafit fañ we a ƭak ake no suusaand um soo a duut a den. Xan a ƥax fo’oy le no fañ den, wee ndax biiñ fee da yeraa, ta sil took den fop nen fo’oy le na wiiseel no kooñ ke no sadaxand ole.

Hoose 5:14

Yaam mi fa xoox es, xam ref nen njogoy na Efrayim, ref nen o njogoy o njanglax no mbind Yudaa. Mi, mi na lisitkaa, cinj kaaga um naag col, ret. Xam ɓis mbuufuɗag es, too o leng suqitkiran na mi.

A kim a tedu ke 50:22

Nuun we na njuumaarooxaxam, mi fee Roog nuun, andyo a paax ke layuuma. Nu mbi’angiran, xam lisit a nuun, too o leng waagkee o mucil a nuun.

Hebre 12:25

Yetooxyo boog! Ba nu mbañ o nan-giloox oxe na layaa fa nuun. We mbañ’ina o nan-giloox oxe cooxoogna a den yaaga a maƭax a katu na Roog, ndaɗ’ee a qaw ale. Yaaga boog, i mbaagkee o ndaɗ, yaa i mbesna a cinj oxe fodna took asamaan, a layaa fa in.

A pi ake 18:6

Kaa koy, Yaawuur we kaa siiknoor’u fo ten, a ndef no mbenan. Maaga, Pool a yirfa took den fo ut tikoorik um, ndax ta ref seede na den, too a lay a den ee: «Xan a saŋkax nuun a ref fo diy nuun. Ɓogooxaam teen! Ndiiki koy, mexe retaa farna fo we ndefeerna Yaawuur.»

Mace 10:14

A ngenarangee a nuun, nan-gilooxee fa lay nuun, fat nu sutoox mbind naaga mbaat teeru faaga. Yirifyo fo ut a caf nuun, ta ref seede took den.

Mberaand 49:9

Yudaa kaa ref o njogoy o njanglax, o ƥees, kaa o inoor no nqawlax, tuuƭ o ɓay of, soo wondoox nen njogoy: An na inkan?

Hebre 2:3

yaaga nam i ndaɗitkaa a qaw ale Roog, yaa i yaacaanna a muc a podu neene? O Yaal oxe mat o mat eetu o yegnit a muc aleene, soo we nan’uuna a ñoowdand a in o njiriiñ um.

A lim ale 24:9

Xeet feene kaa nand nen njogoy, nen njogoy ƥasil naa o leng a saɗeerna o yok, yaa ta wondooxna. Oxuu barke’oonga, xan a barke’el, ndaa oxuu salooxoonga, xan a salooxel.»

A kim a tedu ke 44:5

Wo Roog, wo refu o maad es. too na wo fo ndam ne mbind Yakoob a ngataa.

A kim a tedu ke 104:20

Kaa o hebliidaa o niɓaan ole, soo ta yeng, muumeen-a-koƥ ke fop a ƭis.

Xa peƭit axe 30:30

njogoy ne refna a salma-koor ale no muumeen ke, nomtooxkeerna o jiijing mbaambir oxuu ta waagna waag o ref,

Esayi 5:29

Kaa mbumbtaa nen njogoy ƥasil, a ŋuuraa nen njogoy njanglax naa pokooxna mbuufuɗag um, a ɓisan, too o leng saɗee gar, a suqtin no ten.

Heseki’el 39:10

Ndaxanikkee xa cuuƭ na koƥ ale too seɓkee a den kam suungaan le, yaam ƥonax ke na ndefkaa umbel ke na fiɗel le. Xan a mbalit o jeg no we mbalit’ina o jeg den soo a njang kalal ke no we njang’ina kalal ke den. Mi o Yaal oxe na refkaa boo faw layun.

Mise 2:12

O Yaal oxe kaa tee: «Nuun xa taan axe Yakoob, a woora yee xam fokat a nuun, nuun we yoqna na Isra’el, um koltirand a nuun, korolit a nuun nen paal kam ged, too xan saax nuun a may fo combol no wiin sawaru nen o suufand olaa mayna gañ fo paal fo pambe.»

Mise 4:7

No we na laƴaa, xam sutit na den yoqatin laa ñufkeerna, no we pasareena, um sutit na den xeet fa njegu doole, too xam maadooxan a den took o joong ole Siyoŋ, mi o Yaal oxe, no kaa xotitna a koom boo kili.

Mise 5:3

Xan a inoox soo a gayit a den doole fee no Yaal oxe fo o magnel ole no gon le no Yaal oxe Roog um. Xan a ngenaa no yaadax, yaam xan a ɓoxotel o ndam boo no cat adna.

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.

Sakari 11:6

Mi yoo yirimkatiim we ngenna na adna fee. Xam hoƥatrand a den, o kiin a gomrik fo o kend um, da yen no ɓay no maad we na toroxandaa a den. Maad weene xan a ngef adna fa muum, too a koom mucilkiim o leng na xa ƥay den. Mi o Yaal oxe layun.»

Sakari 14:18

Miimisira we a ndetangee Yeerusaleem, a teƥ samkee na xa qol den, ta ref a qaw ale o Yaal oxe a doonkaa qeet ke ndoofandkeerna Xew fee no ƭiif ke.