Mise 5:7 - NQAARIIT NE ROOG

⁷ We yoqna na xa taan axe Yakoob ndeer a saax ake, a ndeer qeet mayu, xan a ndef nen njogoy kam puufuɗag lakas ke, nen njogoy njanglax kam ged. Yaa ta songkaa mbuufuɗag um, xan a dak, a lisit, too o leng suqitkiran no ten.

Mise 5:7 Referans Kwoze

Mise 5:3

Xan a inoox soo a gayit a den doole fee no Yaal oxe fo o magnel ole no gon le no Yaal oxe Roog um. Xan a ngenaa no yaadax, yaam xan a ɓoxotel o ndam boo no cat adna.

Esayi 44:3

yaam xam balin poofi took no xe hoɗomeena soo fi a banj took lanq ke mbeerna koroŋ. Xam fudin Yiif es took xa ƥeef, fa barke es took xa taan of.

A cangatin ale 32:2

Fat a cangin es a yuurtaa nen a teƥ, fa lay es a yentaa nen a liim, nen mbuyaam took daaƭ xuƥu, nen o suy-suyin took daaƭ le.

Hoose 14:5

O Yaal oxe kaa tee: «Maaga, xam supit o ñak o damax den. Xam jegood na den o mbeq o saƭku, yaam fuux es na den a ɓoosa.

A kim a tedu ke 72:6

Xan a fudooxiid nen a teƥ alaa na yuuraa took o saawit o gube, nen mbuyaam naa na sooraa lanq ke.

O leetar ole Pool a bindna GIMU WE NGENNA ROM 10:20

Esayi fa xoox um sax a reta boo a yegnit ee: «Roog kaa lay ee, waa mbaaƭoogeeraxama, a nga’axam, too feeñooxaam waa ƥaaloogeerna dara na mi.»

Sakari 14:8

A koom, xan poofi kaa na ñoownaa a sutoor Yeerusaleem, kene a nqot no maag o Xanju laa, kaana no laa Mediterane. Naaga a refitkaa ndiig fo ƈiid.

Hoose 6:3

Fat i mbaaƭ maa i anditna o Yaal oxe, a kar um kaa woorit nen mbeet. Xan a gar na in nen mbuyaam, nen a teƥ ndiig ale na xuƥandaa lanq ke bo dee sap.»

Yeremi 14:22

A ndeer pangool ke no qeet ke, ndax a jega na den faa na deɓaa? Ndax asamaan fee na cooxtaa a teƥ-eel ake? Ndax refee wo, o Yaal oxe Roog in? Na wo i yaakaaru, yaam wo na fi’aa keene fop.

A kim a tedu ke 110:3

Wo ngelwaar a helu naa rimee took xa coong xa tedu xe, o sutoor no mbuyukuun ne nen liim, ye rimoonga.

1 Korint 3:6

Kaam jimb, Apolos a soor, Roog a maakin ndaxar ne.

O leetar ole Pool a bindna GIMU WE NGENNA ROM 11:12

Ii, boo njom ne den a refanna adna fa muum o njiriiñ no kaa jofna na Roog, soo a neewand ale da neewandeena a refan we ndefeerna Yaawuur o njiriiñ, kaam ee nam o njiriiñ onqeene a fodkaa yaa da nomtooxna na Roog?

O leetar ole Pool a bindna GIMU WE NGENNA ROM 9:30

Xar i laykaa no keene boog? We ndefeerna Yaawuur mbaaƭoogeerna maa da njofitna mbaambir Roog, Roog kaa ɗeetat a den nen jofu na pexey o ngim onqe,

A pi ake 16:9

No yeng olaa, Pool a feeñooxe. A ga’a o kiin oxaa genna Makedoni a geenoox a xeɗooxan ee: «Koo gari Makedoni, ƴufgiid a in.»

A pi ake 13:46

Maaga, Pool fa Barnabaas a laya a den a qool qac ee: «Nuun o mat fa lay fee Roog a war’e eet o waare. Kaa koy, ne nu mbañuuna, nu ngate’ana a qoox nuun ee o ñoow o fagkeer ole a jomba a nuun. Ten taxu in we ndetaa farna fo we ndefeerna Yaawuur.

A pi ake 11:15

Ye refuuma no waare’aa, Yiif Tedu le a fudooxa took no wiin waaga ne ta fudoorit’ina took in no mberaand naa.

Mace 28:19

Ndetyo mbi’ik qeet ke fop daalbe. Mbatiise’yo a den no gon le na Faap fee fo Ƥeenqe fo Yiif Tedu le,

Mise 2:12

O Yaal oxe kaa tee: «Nuun xa taan axe Yakoob, a woora yee xam fokat a nuun, nuun we yoqna na Isra’el, um koltirand a nuun, korolit a nuun nen paal kam ged, too xan saax nuun a may fo combol no wiin sawaru nen o suufand olaa mayna gañ fo paal fo pambe.»

Amos 5:15

Kaam ee, nu sib paaxeer, mbex paax, ñaaƴin o cofel no xeloorand ole. Yaaga o Yaal oxe Roog fee Hupna fop a waaga yirimkaa a nuun, nuun yoqatin we no mbind Yoseef.»

Heseki’el 47:1

O koor oxe a ɓisaxam farna fo ndokand ne no Mbind Roog ne. Maaga, ga’aam foofi laa sutoortoogna ɗuga peg ne no Mbind Roog ne, a sagaa no batand, yaam mbaambrand ne no Mbind Roog ne kaa faambir’u no batand. Foofi le kaa fudooxoogu ɗuga o saax o ñamaak ole no Mbind ne, a reef no ɓemb-roog o ñamaak ole no sadaxand ole.

Esayi 66:19

Xam doon me den o anddiloor sañ-sañ es soo lul no weene ƥostooxna me no qeet ke Tarsis, Puut, Luud, Mesek, Tubal fa Yawan fo na pimb ake liitooxna, muu andoona yee mosee o nan paru na mi too mosee o nga o ndam es. Weene hebluuma xan a mbeeñil qeet keene o ndam es.

Esayi 55:10

Ne a teƥ ale fo a kalam a ƥuuɓu ke a mbudoortaa na asamaan too nomtooxkee teen a refangeerna kaa nquƥand lanq ke bo dee sap, a ndos a den soo a saxin tuufe-duufe ke, a coox o tuuduuf oxe ax soo oxe na ñaamaa ta ci’in ñoowir,

Esayi 32:15

Neene a refitkaa boo yaa o Yaal oxe a fudinkaa took in Yiif um. Maaga, a koƥ-a-ƥor ale xan a ref nen a ƭing, soo a ƭing ale a nand fo suungaan niɓu.

Haahate we 6:36

Gedeyon a laya a Roog ee: «A soƥangaa tigi yee o ɓay es bugo watit Ii-isra’el we, ne laytanoona,

A pi ake 9:15

Kaa koy, o Yaal oxe a layaan ee: «Inooxi rek! Yaam kaam jil o koor oxeene, too xam jiriiñoorin, ndax ta ɓis gon es mbaambir no qeet ke fo mbaambir no maad den fo mbaambir xeet fee Isra’el.

Sofoni 3:13

We na yoqkaa na Isra’el mbi’katee njofaƭar leng, maaɓkatee, too naanaxir hatkatee na xa ton den. Xan a suufaa, a kooraa, too o leng jom’andkee a den.»

Mise 5:8

«Fat o ɓay of a dal took no fañ of, da moocandel, den fop!»

Heseki’el 14:22

xan a yoq teen yoqatin waa suteena, xa ƥiy xa koor fo xa tew. Den oo weene na sutooxiidaa a njagin me nuun. Xan nu nga a pesoorooƭ den fo a pi den, too xan nu yaaloox na taamaala fee ɓisiiduuma took Yeerusaleem, no fop ke fi’uuma took um.

2 Sami’el 17:12

Muu Dawid a waagna waag o rok oo, xan i ndaawin, yenit took um ne liim a yentaa a lanq, too jegkee na den o leng oxaa na daɗkaa, ten oo yoon um oo.

A kim a tedu ke 133:3

Kaa nand itam nen a liim alaa na fudoortiidaa Hermon soo a yen na xa coong axe Siyoŋ, yaam meene Siyoŋ o mat o Yaal oxe a cooxtitaa barke um, o ñoow ole na refkaa boo kili.

Xa peƭit axe 19:12

Fuux no maad kaa nand nen o bumb njogoy, yirmande um o mat a nand nen liim took daaƭ.

Dañel 11:32

Xan a soobaa wiin we mbesna a cinj ngiɓoor tedu ne, da saƭik teen. Kaa koy, fop we andna a Roog xan a saƭik no damax den.

Mise 4:7

No we na laƴaa, xam sutit na den yoqatin laa ñufkeerna, no we pasareena, um sutit na den xeet fa njegu doole, too xam maadooxan a den took o joong ole Siyoŋ, mi o Yaal oxe, no kaa xotitna a koom boo kili.

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.

Heseki’el 5:5

Keeke o Yaal oxe na refkaa boo faw a layu: «Yeerusaleem oo. Kaam doon’un ndeer qeet ke fo a saax ake mbiduuna.

Mise 4:13

«Wo Siyoŋ, o ndoog onqe, inooxi, sug a den. Xam fi xa can of a ndef njelem, xa poxos of a ndef xanjar. Xan o duguñ qeet mayu soo kesan o Yaal oxe ke da njaɓna, halal den, o geekanin o Yaal oxe jegna lanq ke fop.»

Sakari 9:13

Xam ŋaayin a Yudaa fee a qali es, ɓonoox a Efrayim fee a kas es. Wo Siyoŋ, xam hoƥatrand xa ƥeef fo Yaayawan we, fi’ong nen laƥ a salma-koor no ɓay es.»