Mise 5:5 - NQAARIIT NE ROOG

⁵ Weene xan a maadooxan saax le Asuur fo laƥ, a maadooxan saax le Nimrood fo ƥonax mboose. Neene o maad oxe na jam fee a watitkaa a in no Aa-asuur we, yaa da songiidkaa saax le in, boo a caf ake den a ndak no fiisel ole in.

Mise 5:5 Referans Kwoze

YEGIL MBAAX NE YEESU ne Lik a bindtuuna 2:14

«Tedaanga a hela Roog took asamaan fa jam na adna, took no wiin we ta fexna.»

Sakari 10:3

O Yaal oxe kaa tee: «Fuuxanaam gaynaak we, too xam dal took a suk a tuudu ke. Mi o Yaal oxe Hupna fop, xam ƴufgiid ged le mi refna mbind Yudaa, fi’in nen naar-ngoor es na xire fee.

YEGIL MBAAX NE YEESU ne Saŋ a bindtuuna 14:27

Mexe xaƴtaa a nuun jam es, kaam ee ci’aam a nuun jam es. Kaa koy ci’titinum ne adna fee a ci’titaa. Ba nu njaaxiɗ, too ba nu ndiid.

Sakari 9:10

«Xan a fi boo a sareet-xire jegkatee kam Efrayim, a watin pis qire’ir ke kam Yeerusaleem, a qali ke nqire’toogeena a ƥolel. Xan a yegin qeet ke fop jam, a maadoox no ke xotitna na juwaam boo na fa lakas, a dalit no xuluɓ ole Ofrat boo no cat adna.»

O baawaare xe 11:2

Xaaji o jeg of no fo mbiñ ɓetuu ƭik mbaat sax no fo ɓetuu tadik, yaam andiro taamaala kum na nqewkaa took lanq ke.

Ke bindeena no xe ne’eena YOB 5:19

Xan a watong na naqad a caf a mayu, too taamaala dalkirang muk.

Mbeeñil 19:14

A yaj ake no yaal kumnax ke ndefna na asamaan kaa ndeefanoogun, oxuu refna a ŋaay bari. Weene koy kaa ndokoox’u sooy yelefu kaa ndanigna, too a nqool.

Mbeeñil 17:14

Xan a song o Mbaal onqe, ndaa xan o Mbaal onqe a maaf a den, yaam ten refu o Yaal oxe no yaal we fo o Maad oxe no maad we. Ten fo we mbogna no ten, ndefna we nqoyeena fo we njileena fo we ngimna, xan a maafandoor a den.»

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

Sakari 12:6

A koom koy, xam fi kelfa ke Yudaa a ndef nen gaagaañ fiɗel ndeer o joc, a ndef nen o jam olaa na kaƥaa ndeer a keeg, a ndaaɓaa o saax oo saax qeet ke mbiduuna fop, we ngenna Yeerusaleem o mat a moof me da ndefna, kam teeru fee den.»

Sakari 9:13

Xam ŋaayin a Yudaa fee a qali es, ɓonoox a Efrayim fee a kas es. Wo Siyoŋ, xam hoƥatrand xa ƥeef fo Yaayawan we, fi’ong nen laƥ a salma-koor no ɓay es.»

Amos 1:6

Keeke o Yaal oxe a layu: «Felaam o jaf no Fiifilista we Gaasa a caf a tadak boo na nahak sax, ta dak no paaxeer. Kaa mbokataa a yaj no faɗ, a njikooxaa a den no saax laa Edoom. Ten taxu o ɓay es ole yoɗooxna waagee ñak o dal:

Amos 1:3

Keeke o Yaal oxe a layu: «Felaam o jaf no Aa-araam we Damaas a caf a tadak boo na nahak sax, ta dak no paaxeer. Kaa ndok no saax laa Galaad, a mokandit wiin waa njelem ngaaƈir. Ten taxu o ɓay es ole yoɗooxna waagee ñak o dal:

Yeremi 33:15

No ñaal kaaga fo no camaane kaaga, xam looƴin no kurcala le Dawid dugatin jofu laa na ñaaƴinkaa a ƭat fo o cofel kam saax le.

Esayi 65:8

O Yaal oxe kaa tee: «Ne nduunq xa biiñ axaa mayna foofi a layteel ee: ‹Baa yaqel, yaam kaa barke›, neene um fesooritkaa fo dag es tigi, yaqkiim a den.

Esayi 59:19

Neene, xan gon le no Yaal oxe a saɗarel no mudand, soo o ndam um a niwel no batand, yaa ta fadiidkaa nen a ƈufnand a paŋe laa a und a balinna.

Esayi 44:28

Kaam layaa a Kiirus ee: ‹Wo refu oxe na gayanaxam.› Xan a fadin ke buguuma fop. Xan a lay a Yeerusaleem ee: ‹Xan o maxatinel›, soo Mbind Roog ne ta layin ee: ‹Xan o tabaxatinel.› »

Esayi 7:14

Ten taxu o Yaal oxe fa xoox um xan a ci a nuun o anddiloor. Xan o toog oxaa andeerna adna a ref fo fud, too xan a ñoot o ƥiy o ngoor onqaa ta ne’kaa Imanu’el tekitna Roog oxey fa in.

Xa peƭit axe 30:29

A jega tig tadik boo no nahik sax kaa mosna a keen, too a saq a ñaaƈooƭ a qenu:

Xa peƭit axe 30:18

A jega tig tadik boo no nahik sax kaa ñaamaxama, too andiim a den:

A kim a tedu ke 72:7

Na jamaane um, o cofel ole xan a xay, soo jam ee gañ, feek o nqool onqe xe maadaa.

Xa peƭit axe 6:16

A jega tig ɓetuu fa leng boo no ɓetuu ƭik sax kaa o Yaal oxe a sibna:

Esayi 14:25

Xam yaq katil fee Asuur kam saax es, duutin took xa coong axe mi. Kadoor ke ta ir’ina xeet es xan a ndontel, soo a toq ale ta gadin’ina a den a dontel na kand den.

Sakari 10:11

Xan a njoot o maag naqad ole. Mi o Yaal oxe xam xaw a yaand ake no maag ole, boo qooƭ ke no xuluɓ ole Niil a ŋiis, o nqaaƈ onqe Asuur a ñuf ɗuƭ, maat ne Misira a sooƴ.