Mise 5:4 - NQAARIIT NE ROOG

⁴ Ten fa xoox um na refkaa jam fee!» Yaa Aa-asuur we a songiidkaa saax le in, boo a ndok no pind mosu ke in, xan i ngebil took den aa-adax jaaku, sutan a den gelwaar mayu.

Mise 5:4 Referans Kwoze

Mise 7:14

O Yaal oxe, gayti xeet of o loq o gayir ole wo, o siir ole jegoodoona, kesooxna kam lanq maasu ke ndeer a ƭing ake! Fat da suuf kam Basan fo kam Galaad, nen camaane kaa yaaga!

YEGIL MBAAX NE YEESU ne Lik a bindtuuna 1:32

Xan a ref o kiin o maak, too xan a xoyeel o Ƥeenqe no xe Took-ee-took. Xan o Yaal oxe Roog a ci’in ta ref o maad nen a Dawid fee o taan um.

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

1 Piyeer 1:5

Yaam na pexey o ngim nuun, Roog kaa saytoortaa a nuun katil um boo yaa nu ndaawkaa a muc ale jagandeena, too a nar o feeñ na jamaane fa mbalakaand fee.

Yudaa 1:1

Mi Yudaa, o paɗ Yeesu Kiristaa fo o ndeɓ Saak, mexe simnaa a nuun, nuun we Roog a xoyna. Kaa nu njegit o mbeq na Roog Faap fee, soo saytooxeel na pexey Yeesu Kiristaa.

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

YEGIL MBAAX NE YEESU ne Saŋ a bindtuuna 20:17

Yeesu a layaan ee: «Ba o duqaam, yaam ŋaayafuliim maa Faap es. Reti maa na xa teɓ es, lay a den ee mexey ŋaayaa maa Faap es fee Faap nuun, refna ref Roog es fee Roog nuun.»

YEGIL MBAAX NE YEESU ne Saŋ a bindtuuna 10:38

Kaa koy, a soƥangaa yee a pi um saqum, koo nu ngimangiraam oo, ngimyo a pi akeene, ndax nu mbaag o nga xil ee Faap fee oxe na mi, mi, um ref no ten.»

Mace 25:31

«Yaa o Ƥeenqe no kiin oxe a garkaa kam o ndam um, a yoon fo malaaka ke fop, xan a moof no gamb no maad le ten jegna o ndam.

Mace 16:18

Mi koy, mexe layang ee: Wo refu Piyeer. Took ɓil leene um maxkaa o fog ole no gimu we mi. Fa nqon fee sax waagankiran dara.

Mace 2:6

‹Wo Betleheem, no lanq ke Yudaa, a woora yee moƴiro o neew na saax a maak ake Yudaa, yaam na wo o kelwaar oxe na gaykaa a Isra’el fee refna xeet es a sutoorkaa.› »

Sakari 9:10

«Xan a fi boo a sareet-xire jegkatee kam Efrayim, a watin pis qire’ir ke kam Yeerusaleem, a qali ke nqire’toogeena a ƥolel. Xan a yegin qeet ke fop jam, a maadoox no ke xotitna na juwaam boo na fa lakas, a dalit no xuluɓ ole Ofrat boo no cat adna.»

Esayi 52:13

O Yaal oxe kaa tee: «O tag es xan a jar, a kañel, a yoɗel soo a ɓoxotel tedaanga faa moƴna o magin.

Esayi 49:5

O Yaal oxe a ga’a o njiriiñ es, Roog es refu doole es. Ndiiki koy, o Yaal oxe moolaxama yaaga rimafulaandeem, ndax um ref o tag um, soo nomtiid xa taan axe Yakoob me ten, fokat xeet fee Isra’el paam um,

A kim a tedu ke 145:12

ndax da andnoor wiin we a pi katil of fo o niwel ole fo a qoolaand ale no maat of.

A kim a tedu ke 98:3

A wetandooxa o mbeq um fo ngor um no mbind Isra’el. Cat ke no lanq ke fop a nga’a a muc ale hatna na Roog in.

A kim a tedu ke 93:1

O Yaal oxe refu o maad, kaa rokoox o magnel, a humnoox doole. Lanq ke kaa saƭik koŋ boog too sendkee muk.

A kim a tedu ke 72:19

Gon um jegu o ndam a hela simateel boo cay! Fat lanq ke fop a may fo o ndam um! Amiini! Yaasam ta jegit neene!

A kim a tedu ke 72:8

Xan a maadoox no ke xotitna na juwaam boo na fa lakas, a dalit no xuluɓ ole Ofrat boo no cat adna.

A kim a tedu ke 22:27

We neewandooxna xan a ñaam boo a ngiñ, we na mbaaƭaa o Yaal oxe xan a simatin. «Yaasam nu ñoowaa boo kili!»

A sutax ale 23:21

Fat nu mbootooxin, nananin a paax, too ba nu naqadilin. Waasankee a nuun njofaƭar nuun, yaam gon le mi a bugko ñaaƴtaa.

Esayi 52:10

O Yaal oxe kaa lalaa qeet ke fop o ɓay o tedu le ten, too a muc ale Roog in xan a feeñ boo no cat adna.

Esayi 45:22

Nuun we ngenna no cat adna, ngeleerooxyo me mi too njaɓ o muclel, yaam mi refu Roog, too jegee fa lakas.

Sakari 13:7

«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.

Malaki 1:5

Xan nu nga’in jaxrañ soo layaa yee: «O Yaal oxe magnu boo kaltaa xa ŋat axe Isra’el.»

Esayi 8:7

xan o Yaal oxe a ɓakandiid took den poofi cegu doole ke no xuluɓ o maak ole, ndefna o maad oxe Asuur fa doole fee no katil um fop. O xuluɓ ole xan a mayin boo a luƈit, a bal muu refna.