Mise 5:3 - NQAARIIT NE ROOG

³ Xan a inoox soo a gayit a den doole fee no Yaal oxe fo o magnel ole no gon le no Yaal oxe Roog um. Xan a ngenaa no yaadax, yaam xan a ɓoxotel o ndam boo no cat adna.

Mise 5:3 Referans Kwoze

Mace 1:21

Xan a ñoot o ƥiy o ngoor, too fat o ne’in Yeesu, yaam ten na mucilkaa xeet um no pakaad den.»

Mise 4:7

No we na laƴaa, xam sutit na den yoqatin laa ñufkeerna, no we pasareena, um sutit na den xeet fa njegu doole, too xam maadooxan a den took o joong ole Siyoŋ, mi o Yaal oxe, no kaa xotitna a koom boo kili.

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

Mise 7:13

A saax akeene xan a ngefel yaam a pi no we ngenna teen.

Hoose 2:14

Xam fiitin a ƭing taxar biiñ ake ten fo tun ke ten, ta layoogna yee: ‹Ndabid ne xa pes axe mi a cooxaxama yoo.› Xam supit a den suungaan, soo muumeen-a-koƥ ke a nduudin a den.

Hoose 2:9

Xan a daab xa pes um, ndaa daawkee a den. Xan a waaƭ a den, ndaa ga’kee a den. Cinj kaaga, xan a lay ee: ‹Xam nomtoox maa no kor o eetaand es, yaam yaaga moƴ’um o ɗaay ee ndiiki.›

O leetar ole Pool a bindna GIMU WE NGENNA ROM 8:29

Roog kaa heboox’u o nandand we ta jilna yaaga fo o Ƥeem, ndax o Ƥeem onqeene a ref taaw kam ƥasil maak.

Mace 25:40

Maaga, xan o Maad oxe a lay a den ee: ‹No ndigil, mexe layaa a nuun ee: Ke nu mbi’anna o leng oxe moƴna o neew no fog es wene fop, mi nu mbi’anun.›

Mace 12:50

Yaam oxuu na fi’aa ke Faap es fee na asamaan a bugna, o ndeɓ es o ngoor oo, o ndeɓ es o ndew oo, ya es oo.»

Mise 6:14

Xan nu ñaamaa, too nu ngiñkee, biim le a gen fa nuun. Xan nu yaxandoox, ndaa maadkee o feet, too a jegangaa kaa nu ƭanginna teen sax oo, xan xire fee a yaqin.

Yeremi 31:1

O Yaal oxe kaa tee: «No camaane kaaga, xam refat Roog fee no ƥasil ke Isra’el fop, too xan a ndefat xeet es.»

Esayi 11:11

A koom, xan o Yaal oxe a letnahin o ɓay um, ndax ta wat yoqatin we na xeet um na muckaa Asuur fa Misira fa Patros fa Kuus fa Elam fa Sine’aar fa Hamat fo na pimb ake no maag ole.

2 Caloori ke 30:7

Ba nu nand fo daan nuun mbaat fo fog nuun we ngore’aƭar’ina no Yaal oxe Roog fee no daan den boo ta xaƴ a den da yaqel ne nu nga’oodtuuna.

1 Maad we 14:16

Xan o Yaal oxe a deɓ xeet fee Isra’el, yaam ne Yerobowam a bakaadna soo a bakaadnoor a den.› »

Amos 5:15

Kaam ee, nu sib paaxeer, mbex paax, ñaaƴin o cofel no xeloorand ole. Yaaga o Yaal oxe Roog fee Hupna fop a waaga yirimkaa a nuun, nuun yoqatin we no mbind Yoseef.»

Mise 5:7

We yoqna na xa taan axe Yakoob ndeer a saax ake, a ndeer qeet mayu, xan a ndef nen njogoy kam puufuɗag lakas ke, nen njogoy njanglax kam ged. Yaa ta songkaa mbuufuɗag um, xan a dak, a lisit, too o leng suqitkiran no ten.

Mise 5:8

«Fat o ɓay of a dal took no fañ of, da moocandel, den fop!»

A kim a tedu ke 67:3

ndax a ƭat um a andel took lanq ke, a muc um a ndeer qeet ke fop.

Esayi 49:6

kaa tee: «O ref o tag es, ndax o inatin a carind ake Yakoob soo nomtiid yoqatin we Isra’el, deyee na wo. Kaam dodong a qoolaand no qeet ke, ndax a muc es a xay boo no cat adna.»

Yeremi 23:5

O Yaal oxe kaa tee: «Nga’yo, ñaal key a ngaraa, kaa um sutitkaa no kurcala le Dawid dugatin jofu. Xan a maadoox fo o xool yiif, a ñaaƴnaa a ƭat fo o cofel kam saax le.

Heseki’el 34:16

Xam waaƭik njegel ne mo’na, xuriid ne jaqooxna, ne ɓolooxna um jongin, ne jirna um waadnin, ndaa ne giñna o mat, a jeg doole, xam saŋkin. Xam gayit a den o cofel.»

Mise 4:4

A koom, oxuu refna xan a yongaa na jam ɗuga ndaxar biiñ um fo ɗuga ndun um, too o leng jom’andkatee a den. Keene no don no Yaal oxe Hupna fop a hatu.

Sakari 10:6

Xam saƭkand mbind Yudaa, mbind Yoseef, um watin, nomtiid a den no saax den, yaam xam yirim a den. Xan a ndefat nen waa moseeruuma o deɓ yaam mi refu o Yaal oxe Roog den too xam jaɓ a qeƭ den.