Mise 5:2 - NQAARIIT NE ROOG

² Ten taxu xan o Yaal oxe a xaƴ xeet um boo no camaane kaa o tew oxe na fudkan a ñootkaa rek. Maaga, we na yoqkaa no fog um we pasaroox’ina xan a nomtooxiid me no Ii-isra’el lakas we.

Mise 5:2 Referans Kwoze

Mace 2:6

‹Wo Betleheem, no lanq ke Yudaa, a woora yee moƴiro o neew na saax a maak ake Yudaa, yaam na wo o kelwaar oxe na gaykaa a Isra’el fee refna xeet es a sutoorkaa.› »

YEGIL MBAAX NE YEESU ne Saŋ a bindtuuna 7:42

Kaa a Pind a Tedu ke layee yee Kiristaa fee no kurcala Dawid a hatkaa? Kaa ndoonee teen ee Betleheem fee refna teeru faa Dawid a waru o inoor?»

A kim a tedu ke 90:2

Yaaga xa coong axe njegafulee, yaaga sax sakafuliro lanq ke fa adna fee, yaaga boo fa ndiik wo refu Roog, too wo na refkan bo na moos boo moos.

Esayi 11:1

Xan dugatin a sutoor no fanq le Isay, saqit a hat na paƴ um.

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

Mberaand 49:10

O samb o ɗoxir ole sambirkee fa Yudaa, too o anddiloor kelfa le goƭkee a caf um, boo yaa oxe jeguuna a garkaa, oxe qeet ke fop a nanankaa.

Kolos 1:17

Ten adooxu fop, too kuu jegna, no ten a saxu.

Mbeeñil 19:16

No ndoki ne ten fo na ñaal ale ten gon lene a binde: «O Maad oxe no maad we fo o Yaal oxe no yaal we.»

1 Sami’el 17:12

Dawid koy, o ƥiy Isay, o Ee-efrata xe gen’ina Betleheem fee Yudaa a reeƭu. Isay a jeg’a xa ƥiy xa koor ɓetaa tadaq, too na jamaane Sawul a soƥ’a ta nogoyat lool.

Mberaand 48:7

Ye inooruuma Padan, Rakel a xonta Kanaan na kid es, a soƥ i mbaambnoox a Efrata. Gasaanum maaga Betleheem, refna ref na ƭat ale Efrata.»

1Saŋ 1:1

In we mbindaa a nuun no kaa farna no kaa reeƭna no mberaand naa, ta ref fa lay fee no ñoow ole. Kaa i nanin, nga’in fo a kid in, ngorooxin, soo nduqin fo xa ƥay in.

Hebre 13:8

Yeesu Kiristaa o leng kut oo: Ten refu oxe faak, a ref oxe xaye, too ten na refkaa boo kili.

Mace 28:18

Yeesu a matiida a den, a lay ee: «Ci’eem sañ-sañ fuu refna na asamaan fo na adna.

Ruut 4:11

Xeet faa fop ndeeƭna maaga fo maak waa a laya yee: «In o mat seede’u keene! Yaasam o Yaal oxe a fi o tew oxe na rokiidaa no mbind of a nand nen a Rakel fa Leya we ndimna xeet fee Isra’el. Yaasam o jeg halal na qaw ale Efrata, gon of a siw kam Betleheem,

Mberaand 35:19

Rakel a xona, soo a gasel paam a ƭat ale Efrata, refna ref Betleheem.

Hebre 7:14

Ke woorna refu yee o Yaal in no kurcala le Yudaa a rimte, too Moyiis ne’ee o kurcala leene ye ta layaa kaa farna no saasadax we.

Amos 9:11

«A koom koy, xam difi o ɗaakaand ole Dawid, yoɗin, ke gefna teen, um xendandin, boo ta dakoox naa ta reeƭna,

Yeremi 30:21

Kelfa den xan a hat na den, o kelwaar den a sutoor teen. Xam ci’in ta matiidaam, too xan a ɓeriid farna fa mi. Ndi an waagkoogu fi keene too ɓoxotee o ñis um, a refangeerna mi xoyun? Mi o Yaal oxe layun.

Esayi 53:2

A yoɗooxa mbaambir no Yaal oxe nen dugatin, nen saqit laa na sutooraa no ƭak. Saq’ee njer mbaat o mosel olaa waagna o yul a kid in. Dara fel’ee a in no mem um.

1 Sami’el 10:19

Ndiiki koy, nuun oo weene ndeɓa a Roog nuun fee mucilna a nuun no taamaala ke fo no naqad ke nuun, soo lay ee: ‹Dalnani a in o maad!› Yaaga koy, fat a carind ake fop fo a qaw den fop a ndalit mbaambir no Yaal oxe ne da ndeepatiritna.»

YEGIL MBAAX NE YEESU ne Lik a bindtuuna 23:38

Keeke bind’e took a kurwaa le, a yoorooxin: «Oxene refu o maad oxe no Yaawuur we.»

YEGIL MBAAX NE YEESU ne Lik a bindtuuna 23:2

Maaga, den fop a ndefa no njamban ee: «Kaa i soƥ o koor oxene a hoƥatrandaa xeet in, a yaqanaa wiin we da ndabid a Kesaar fee a bateer, kaa layooxaa yee ten refu Kiristaa fee, o maad oxe.»

1 Caloori ke 5:2

A carind ale Yudaa moƴ’atu o jeg doole a ndeer a carind ake no fog faap we ten, too no ten oxe na refkaa o maad Isra’el a inooru, ndaa a las taaw ale o mat Yoseef jeg’un.

1 Caloori ke 4:4

cinj kaaga Penu’el fee sinjna a Gedoor, soo Eseer fee sinjna a Husa. Weene ndefu xa ƥiy axe Xuur fee refna taaw Efrata too a sinj a Betleheem.

A sutax ale 18:21

Jili ndeer xeet fee fop wiin deyu waa saɗarna a Roog, a saɗ ndigil, a mbañ oxaa gerna a den. No wiin juni wuu ndefna fo no wiin teemeed wuu ndefna fo no wiin qarɓeen ƥetik wuu ndefna fo no wiin xarɓaxay wuu ndefna, dodi o leng no weene jiloona, ta adooxan a den.

Mbeeñil 21:6

Naaga, a doona teen ee: «Fop a fadnooxa! Mi refu Alfa fa Omega, mberaandoong ne fo muukandoong ne. Oxuu hoɗomeena, xam ci’in no fud o letu ta yer na cur foofi le na ñoownaa.

Mbeeñil 2:8

«Bindanaam a malaaka fee na yetooxaa mbokatax ne no gimu we kam teeru faa Ismir ee: ‹Fa lay feeke kaa inoor no xe refna o eetaand oxe fo o palakaand oxe, a ref oxe xon’ina, a xontoox.

A kim a tedu ke 132:6

I nanta Efrata paru no arka ne no ngiɓoor ne, too i soƥaan na xa saawit axaa Yaar.

1 Caloori ke 2:54

Xa taan axe Salmoon ndefu: wiin we Betleheem fo we Netofa fo we Atrot-Bet-Yowab fa genwal fee no wiin we Manahat fo Soosora we.

1 Sami’el 23:23

Ngorooxyo xa ƭasand axe ta waagna o jaɓnoox fop, cinj kaaga nu ngar, layaam qoolu, too xam yoon fa nuun. A refangaa kam saax le, xam waaƭ no ruq oluu refna kam o fiisel ole Yudaa, ndax um ga’in.»

1 Sami’el 17:18

Ɓislooxi itam xa foromaas xarɓaxay oxe adooxanna a qaaj no xiixire juni we da mbogna. Fat o laamit boo and, ndax maag we wo owaay na jam maa da ndefna, too fat o ɓisiid o anddiloor olaa lalitna yee dara damee a den.

A cangatin ale 1:15

Maaga, xotaam we adooxan’ina a carind ake nuun, da ndef wiin jegu o and too a andel. Dalnaam a den, da adooxan a nuun, wene a adooxan wiin juni, wene wiin teemeed, wene wiin xarɓaxay, da ndef kelfa na carind ake nuun.

1 Sami’el 8:12

Xan a xotit na xa ƥiy xa koor axe nuun aa-adax no xiixire juni fo aa-adax no xiixire qarɓeen ƥetik. Xan a jil itam na den waa na nqooxanan xa qol um, a saxadanan fo waa na njalanan ƥonax fo fop ke a sareet a yoontaa.

A sutax ale 18:25

Maaga, Moyiis a jila wiin deyu, a dod a den da adooxan xeet fee: wiin juni wuu ndefna fo o aa-adax den, wiin teemeed wuu ndefna fo o aa-adax den, wiin qarɓeen ƥetik wuu ndefna fo o aa-adax den, soo wiin xarɓaxay wuu ndefna fo o aa-adax den.

Mace 2:1

Yaa Yeesu a rimteena Betleheem no lanq kaa Yudee, a jopir Herood a refaa o maad, yaal-o-and a inoora no batand, a ngar Yeerusaleem, too a lay ee:

Mberaand 35:16

Yakoob fo ƥasil um a inoora Betel, a ndet. Ne da maad’ina o ngoƭaa a Efrata, Rakel a ñoota o ƥiy o ngoor. Ñoot ne ten a yoonit’a coono ƭomu.

Haahate we 17:7

A jeg’a koy, o fes o Leelewi laa genoogna Betleheem fee fogna na carind ale Yudaa.

Ruut 1:1

No camaane ke haahate we a maadooxaa kam Isra’el, a jeg’a biim maak kam saax laa. O koor a inoora Betleheem, no lanq kaa Yudaa, ten fo o teem fo xa ƥeem xa koor xa ƭaq, a ngenik na xa saawit axaa Mowaab.

Esayi 55:4

Fi’’aanum o seede no qeet ke, dalnin nen kelfa fo o yaal a saax ake.

Hoose 6:3

Fat i mbaaƭ maa i anditna o Yaal oxe, a kar um kaa woorit nen mbeet. Xan a gar na in nen mbuyaam, nen a teƥ ndiig ale na xuƥandaa lanq ke bo dee sap.»

Sakari 13:7

«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.

Esayi 7:14

Ten taxu o Yaal oxe fa xoox um xan a ci a nuun o anddiloor. Xan o toog oxaa andeerna adna a ref fo fud, too xan a ñoot o ƥiy o ngoor onqaa ta ne’kaa Imanu’el tekitna Roog oxey fa in.

Mise 4:10

Wo Siyoŋ, o ndoog onqe, coono’i too iin nen o tew oxaa na gaajooxaa, yaam ndiiki kañ xan o sutoox teeru fee, dalaa na koƥ ale. Xan o ret boo Babilon, ndaa koy, maaga o muclitkeel. Maaga mat o Yaal oxe a watitkang na xa ƥay no fañ of.