Mise 5:1 - NQAARIIT NE ROOG

¹ O Yaal oxe kaa tee: «Wo Betleheem fee Efrata, wo fee moƴna o neew na qaw ake Yudaa, na wo um sutitkaa oxe na maadooxankaa a Isra’el! Oxe faqaqoora no camaane kaa yaaga, too o leng andee mberaandoong um.»

Mise 5:1 Referans Kwoze

A ƭomatax ake 3:30

Fat a letin o ɗek um oxe na ɗatan paƭ, a jaɓ a ben ake,

Ke bindeena no xe ne’eena YOB 16:10

Wiin we kaa yaƥatanaam xa ton, a mbenaxam, a ngefaxam paƭ soo a mbokatooranaam den fop.

2 Korint 11:20

Nu njaɓa o ndamel mbaƭ, njaɓ o ŋalel, njaɓ o nguytel, njaɓ o njambel andaƭar, boo njaɓ sax o ngefel paƭ na mukit.

A pi ake 23:2

Anañaas fee reeƭna o saasadax o maak oxaa a hebla waa ngeenoox’ina paam Pool da keɓe’in.

YEGIL MBAAX NE YEESU ne Saŋ a bindtuuna 19:3

a ngaraa boo paam um a layaa yee: «Daali maad no Yaawuur we, walid!» Naaga, kaa muqoogun paƭ.

YEGIL MBAAX NE YEESU ne Saŋ a bindtuuna 18:22

Took a ƭelem akaaga, o leng no alkaati kaa reeƭna maaga a ranjaan mbaƭ, a layin ee: «Neene o doonitkaa o saasadax o maak oxe?»

Mace 26:67

Maaga, a nduxdaan na tagid, a unin tiq, a mbeelin paƭ, too a lay ee:

Esayi 33:22

O Yaal oxe refu o Kaahate in, o ten na ɗoxaa a in. O Yaal oxe refu o Maad in, o ten na muclaa a in.

A cangatin ale 28:49

Xan o Yaal oxe a inantiid a nuun koƭu no cat adna xeet faa na dalitkaa took nuun nen a canjiik. Xeet feene xan a ndef xeet faa nu nankeerna lak den,

Mace 27:30

A nduxdooga took um, soo a njang o kangafaan ole da coox’uuna, a mbadan o ten no xoox.

Mace 5:39

Mi koy, mexe layaa a nuun ee: Ba nu ndabdinoor fo xe na fi’aa a nuun ƭomu. O kiin a faɗangaang no ɗek o ñamaak, cooxeen o ɗek o janoon ole itam.

Habakuk 3:16

Nanaam yo’in leene, soo kam es a jaxasoox, muuceek es a ndaprapnaa, cer es a ŋeesoox, um sendaa ne fodeema fop. Yaqanee koy, um cungaa ñaal ne na naqad fee, ñaal neene na betkaa xeet fee na toroxandaa a in.

Habakuk 1:6

Mi, xam riñ Kaakalde we, da ngariid, xeet feene neegna too a ñak yirmande, a maƥaa a saax ake, a jaɓaa kenand kaa ta jegeerna.

Amos 2:3

Xam saŋik o kaahate xe genna Mowaab, war aa-adax we ngeennuuna fop.» Keene o mat o Yaal oxe a layu.

Heseki’el 24:2

«Wo fee o ƥiy no kiin, bindani a xoox of ke o nqool onqe a jegna xaye, bind bes fene sax. Xaye sax o maad oxe Babilon a song a Yeerusaleem.

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.

Yeremi 4:7

Njogoy ne a suqtoora no ngus um, o yaayaq oxe no qeet ke a xot a ƭat, a sutoor no sanand um, ndax ta gef saax nuun tuƈ. Teeru ke nuun xan a tasel, a mbes a pec.

Esayi 10:6

Ɓoxotaanum xeet fa njofaƭaru fee, ɓakandin farna fa xeet feene na fuuxnooraxam, ndax ta jofnoox no yaqin soo a jaɓ paax ke den, a duutin nen lopopooƈ le no ped ke.

Esayi 8:9

Nuun qeet ke, nu mbug oo njibnaa xa buuq xire, ndaa xan nu ndiid boo sendaa. Nuun we ngenna no cat adna, nan-gilooxyo! Nu mbug oo njagandooxan a ñoq ale, ndaa xan nu ndiid boo sendaa. Kaam ee nu mbug oo njagandooxan a ñoq ale, ndaa xan nu ndiid boo sendaa.

2 Maad we 24:2

Maaga, o Yaal oxe a hebliida a yaj no yaayaq, da njangal a Yoyakim. A ndeeƭa Baababilon fo Aa-araam fo Moomowaab fo Aa-amon. A ngara, a song maat ne Yudaa, ndax da moocandin, ne o Yaal oxe a layit’uuna, a reefandin no duleer we dag um.

1 Maad we 22:24

Ndak fo ndak, Sedekiya fee o ƥiy Kenaana a matiida a Mikaya, a faɗin soo a layin ee: «Nam Yiif le no Yaal oxe a sutoortu na mi soo a gar a lay fa wo?»

Mberaand 35:19

Rakel a xona, soo a gasel paam a ƭat ale Efrata, refna ref Betleheem.

Mberaand 49:10

O samb o ɗoxir ole sambirkee fa Yudaa, too o anddiloor kelfa le goƭkee a caf um, boo yaa oxe jeguuna a garkaa, oxe qeet ke fop a nanankaa.

A cangatin ale 33:27

Roog fee na refkaa boo faw refu njaɓnooxand of, a naax ake na ndefkaa boo kili a ndeegooxong. Ten na raxaa fañ we mbaambir of soo a heblong o moocand a den.

Haahate we 17:7

A jeg’a koy, o fes o Leelewi laa genoogna Betleheem fee fogna na carind ale Yudaa.

Xa peƭit axe 8:23

Kaam dalnel yaa leng a andeerna, no mberaandoong naa, yaaga lanq ke mberafulaand.

Esayi 9:5

Yaam i ndimane o ndeɓandoong, i ci’e o ƥiy o ngoor! A gadooxa sañ-sañ, too kaa xoyeel: o Aa-as, Com’andtu, Roog, o Cegu Doole, Faap fee na refkaa boo faw, o Kelwaar Jam.

Heseki’el 21:32

Kefatin took kefatin na refkaa meen. Ten um fi’kaa. Fop a suptooxa boo a ƴut, a kar ale no xe na ɗegaa hate fee, too um ɓoxotkan o ten na cungateel.»

Dañel 9:25

Andi kene boog: Ke xotitna no ke layeena yee xan Yeerusaleem a nomtel ne ta reeƭna, a maxatinel boo na kar ale na Kelfa fee na ɗuumkeel, xa kiid ɓetaa ƭaq boo a caf ɓetuu ƭik a refkaa. Cinj kaaga, teeru fee fo saŋe ke ten xan a maxatineel xa kiid ɓetaa ƭaq boo a caf qarɓeen ɓetuu fa leng fo a caf a ƭak, ndaa a pe a ƭomu a jopirkaa.