Mise 4:9 - NQAARIIT NE ROOG

⁹ Ndiiki koy, xar taxu o jibnaa xa paɗax? Xar taxu o ɗomeel nen o tew oxaa na gaajooxaa? Ndax ne jegateeroona o maad soo ñak aa-as we wo taxun?

Mise 4:9 Referans Kwoze

Yeremi 8:19

Xa buuq xa ƈufginoor axe na xeet es a nannoortiida muu refna kam saax le: «Ndax kaa o Yaal oxe refatee Siyoŋ? Ndax kaa Siyoŋ jegatee o maad?» O Yaal oxe a doona yee: «Xar taxu da mbuuxnoortaam nitaal sexe ke den, tig cegee njiriiñ ke ngatna a ngenareem?»

Hoose 10:3

Maaga, xan a lay ee: «I njegatee o maad, yaam i saɗaree o Yaal oxe. I njeg’angaa o maad sax oo, xar a fi’ankoogu a in?»

Hoose 3:4

Ii-isra’el we xan a moof a pe a miñu kaa da njegkeerna o maad fo o aa-adax, sadax fo a ƥil akaa da mbaɗooxaa, o jamb fo nitaal pangool ke.

A ƭomatax ake 4:20

Oxe i ngaɗ’ina o ñoow in no ten, o maad oxe o Yaal oxe a ɗuumna, a naage nuus kam gamb le den, ten oxe i layoogna yee: «Xan i ñoow no yook um a ndeer qeet lakas ke.»

Yeremi 50:43

O maad oxe Babilon oxaa daawaa o nan oleene rek, xa ƥay um owaa leeƈooxaa, naqad a damin, ta ɗomeel nen o tew oxaa na gaajooxaa.

Yeremi 22:23

Wo fee ngenand of a nandna fa Libaŋ, ndut of o fi’in kam taxar seedar ke, xan o iin tigi yaa a ƭomaand ake a ndalkang, o lañtooxaa nen o tew oxaa na gaajooxaa.»

Yeremi 4:21

Ndi boo a mban um bugko ga’aa a laay xire le soo nanaa fangax le na luuƥ ale?

Esayi 26:17

O Yaal oxe, kaa i nand’u mbaambir of nen o bodeer oxaa na gaajooxaa, a lañtooxaa yaam a ɗomeel soo a wuuqaa.

Esayi 21:3

Ten taxu naqad oxe lifaxam, um ɗomeel nen o tew oxaa na gaajooxaa. Ke nanuuma kaa firɓandaam, ke ga’uuma a diidlandaam.

Esayi 13:8

Kaa da ndiidlandel, ɗom fa naqad a ndal a den, da lañtooxaa nen o tew oxaa na gaajooxaa. Kaa da mbadir a kid fo o njaaxɗataand o maak, mukit den a nandtaa fiɗel.

YEGIL MBAAX NE YEESU ne Saŋ a bindtuuna 16:21

O tew a naagangaa o gaajooxaa, kaa ɗomeel lool, ndaa boo andoona yee a muca, wetandooxkatee dara no ƭomel ole, yaam o ɗaay ole ta jegna no ƥeem.

Mbeeñil 12:2

Kaa reeƭu na pe um, soo a foygooxaa, yaam ne ta gaajooxoogna.

Yeremi 48:41

Keriyot a jaɓe, saŋe ke a luƈtel. A koom, xeeñ le na salma-koor ake Mowaab xan a nand fo le no tew oxaa na gaajooxaa.

Hoose 13:13

Xa ƭomel gaaj xan a ngar took um, ndaa kaa nand nen o ƥiy onqaa andoona yee, na hap um sutooxee no fud ya um.

Mise 5:3

Xan a inoox soo a gayit a den doole fee no Yaal oxe fo o magnel ole no gon le no Yaal oxe Roog um. Xan a ngenaa no yaadax, yaam xan a ɓoxotel o ndam boo no cat adna.

Yeremi 4:31

Yaam kaam nanaa xa buuq nen axe no tew oxaa na gaajooxaa, xa buuq o ƭomel nen axe no tew oxaa na ñootaa taaw um. O ñuxur ole Siyoŋ oo. Kaa iinaa, a dek xa ƥay ee: «Sabab took es! Kaam xonaa yaam a qaw ale no waawar we!»

Yeremi 30:10

O Yaal oxe kaa tee: «Wo Yakoob fee o tag es, ba o saɗar, ba o firiɓ, wo Isra’el, yaam mexey muclitang no lanq koƭu, muclit xa taan of no saax le da ƥiseena took o hup doole. Xan Yakoob a nomtooxiid, a ñoowaa na jam fo o yaadax, too o leng jom’andkatiran.