Mise 4:8 - NQAARIIT NE ROOG

⁸ Wo ñaang le Siyoŋ na yetooxaa xeet fee nen taax-took yetooxand, xan o jegatin sañ-sañ fee wo yaaga. Yeerusaleem xan a refatin teeru fa maak fee no maat ne.»

Mise 4:8 Referans Kwoze

Esayi 1:26

Xam fi boo haahate we wo a nand nen we yaaga, soo aa-as we wo, um fi da nand fo we no camaane miñu kaa. Cinj kaaga, xan o xoyeel ‹Teeru fee no cofel ole› fa ‹Teeru fa ngore’u fee.› »

Sakari 9:10

«Xan a fi boo a sareet-xire jegkatee kam Efrayim, a watin pis qire’ir ke kam Yeerusaleem, a qali ke nqire’toogeena a ƥolel. Xan a yegin qeet ke fop jam, a maadoox no ke xotitna na juwaam boo na fa lakas, a dalit no xuluɓ ole Ofrat boo no cat adna.»

Mbeeñil 22:5

O yeng jegkatee, too wiin we soxla’katee a qoolaand o jam mbaat ale no njeeƈ ne, yaam o Yaal oxe Roog xan a fudin took den a qoolaand um, da maadooxaa boo faw.

Sakari 9:12

Nuun faɗ we njegna yaakaar, nomtooxyo no mbiñ o mbooru nqe nuun! Xaye sax mexe layaa a nuun ee xam rabid a nuun coono nuun boo a caf a ƭak.

Abjaas 1:21

Waawat weene xan a ŋaay took o joong ole Siyoŋ, a ngame took xa coong axe Esawu, too o Yaal oxe na refkaa o maad den.

Mberaand 35:21

Isra’el a reta a sip ƭiif um kaltaa Migdal-Edeer.

Efees 1:21

Maaga, na asamaan, Kiristaa kaa dalnel took sañ-sañ fuu refna fo maat nuu refna fa katil fuu refna fo ngelfa nuu refna. Kiristaa kaa dalnel itam took gon lakas luu waageena o ne, refee soom na adna fene, ndaa no camaane ke na ngaraa itam.

Mark 12:1

Cinj kaaga, Yeesu a refa no naxooxaa a den ee: «O yaal mbind a jimba a ƭing taxar biiñ, a ɗingin, soo a waq kam faa o nirir. A maxa taaga o yetooxand. Maaga, a doxnaan xooxoox, da nar o nqaajran fo ten, soo a ñaaƴik no saax jan.

Dañel 2:44

No camaane ke no maad weene, Roog fee na asamaan xan a dalin maat naa gefkaandeena boo muk, too ɓoxotkaand na xa ƥay no qeet lakas ke. Maat neene xan a duguñ maat keene fop, too xan a ref bo na moos boo moos,

2 Sami’el 5:7

Pañtee koy Dawid a jaɓa saŋe naa Siyoŋ ne’’ateena a Ƥak ale Dawid.

A lim ale 24:19

Xan o ndaan Yakoob a maaf fañ um, soo a saŋik we na ndaɗitkaa no teeru ke.»

Mace 21:33

«Nan-gilooxyo a naxax a lakas. Kaa jeg’u jeg o yaal mbind oxaa jimbna a ƭing taxar biiñ. A ɗingaan, soo a waq kam faa o nirir. A maxa taaga o yetooxand. Maaga, a doxnaan xooxoox, ndax da nqaajran fo ten, soo a ñaaƴik no saax jan.

Dañel 7:18

Kaa koy, xan tedu we no xe Took-ee-took a ndaaw maat ne too xan a njegin boo faw, bo na moos boo moos.›

Esayi 5:2

A jiqta lanq ke maaga, a watin a kac ake soo a jimb teen taxar biiñ pelu. A maxa a ndeer ee ndeer ale o yetooxand soo a waq kam faa o nirir. Kaa yaakaaroogu yee a ƭing ale xan a rim xa tim biiñ xa safu, ndaa koy, ke ta rimna jaɓee no don.

Esayi 10:32

No ñaal leng kut naaga, xan o pañ oxe a geenoox Noob, a ɗaayan o joong ole Siyoŋ o ndoog onqe o kurpeeñ. Kaam ee xan a ɗaayanin ƴoong le Yeerusaleem.

A kim a tedu ke 48:3

kaa yoɗooxaa, a mos bo soo a ɗaaynooraa adna fa muum. Siyoŋ refu o joong ole Roog a xetteel, teeru fee no maad o maak oxe.

A kim a tedu ke 61:3

Kaam falaloortang no cat adna, yaam xeeñ es kaa naqadiloox. Yoɗaam took ɓil le hupaxama took.

Mise 2:12

O Yaal oxe kaa tee: «Nuun xa taan axe Yakoob, a woora yee xam fokat a nuun, nuun we yoqna na Isra’el, um koltirand a nuun, korolit a nuun nen paal kam ged, too xan saax nuun a may fo combol no wiin sawaru nen o suufand olaa mayna gañ fo paal fo pambe.»

Nehemi 3:25

Palal fee o ƥiy Usay a jalooga me jasnoorna fo Kooñ ne fo taax-took ne moƴna o jigid, sutooxna saŋe ne no ke xotitna no mbind ne no maad oxe, paam o maax ole na kaso fee. Kaltaa um, Pedaya fee o ƥiy Paros a jalooga.

A kim a tedu ke 24:7

Xa ton-maax axe, liitooxyo took, tokand miñu ke, yoɗooxyo, ndax o maad o cegu ndam oxe a rokiid!

A kim ale na kim ake 4:4

O cok of kaa jigid nen taax-took ne Dawid, maxteena o waane. Pegoor juni key teen a lokel, ƥonax ke na salma-koor ake fop.

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.