Mise 4:5 - NQAARIIT NE ROOG

⁵ Ke qeet ke fop a ñaaƴaa ñaaƴ no gon roog den fop oo, in o mat kaa i ñaaƴaa no gon no Yaal oxe Roog in ndiiki bo na moos boo moos.

Mise 4:5 Referans Kwoze

Sakari 10:12

Xam fi xeet es a njeg doole, a ñaaƴaa no gon es. Mi o Yaal oxe layun.»

Kolos 3:17

Kuu nu mbi’aa itam mbaat nu layan, fat a ref no gon no Yaal oxe Yeesu, soo ngidmaa a Roog Faap fee no gon um.

Yosuwe 24:15

Nu mbugangee o mbaɗoox o Yaal oxe koy, njilyo xaye oxe nu mbugna o mbaɗoox, ta ref roog ke daan nuun a mbaɗooxoogna kaltaa Ofrat mbaat roog ke no Aa-amori we nu ngenna no saax den, ndaa mi fo ƥasil es o mat, o Yaal oxe i mbaɗooxkaa.»

Esayi 2:5

Nuun we xa taan Yakoob, ngaryo i ñaaƴ na qoolaand ale no Yaal oxe.

A kim a tedu ke 48:14

Ngorooxyo saŋe ke ten, ƭeet a paax pind no maad ke ten, ndax nu mbetandoox suk ne na garaa yee:

Kolos 2:6

Neene boog, ne nu njaɓna a Kiristaa Yeesu nen o Yaal nuun, ñoowyo fo ten.

Esayi 26:8

Wo o Yaal oxe, wo i yaakaaru na ƭat ale no kate ke wo. Ke xa laaw in a mbugna, refu o ne’aa gon of, a ƈufginooxang.

2 Maad we 17:34

Boo no ñaal ne xaye itam xa taan axe den kaa ndeefaa fo mbaax ne yaaga. Mbaɗooxee o Yaal oxe ne waritna, too naangee o ndeefaa bargal ke fo a paɗax ale da ndaawna. Ndeefee itam a cangin ale fo kebil ke o Yaal oxe a daawin’ina xa taan axe Yakoob fee ta ne’’atna Isra’el.

2 Maad we 17:29

Kaa koy, fuu refna no qeet ke kaa mbi’’u roog den, a ƥekin kam pind ke na ñaang a sadaxand ake Saasamari we a max’ina. Qeet ke no teeru ke Samari fop a mbi’a keene.

Mberaand 17:1

Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!

A kim a tedu ke 71:16

Katil of na garnooraxam, wo o Yaal oxe na refkaa boo faw, too o cofel of soom um laytaa.

A pi ake 14:16

No camaane ke mbaafna, Roog feene kaa xaƴ’u qeet ke fop da ndeefaa a ƭat a qoox den.

Esayi 26:13

O Yaal oxe Roog in, yaal lakas tefee wo a njeg’a a in. Ndiiki koy, gon of soom i ƈufginooraa.

A cangatin ale 27:10

Fat nu nanan boog o ñuxur ole no Yaal oxe Roog nuun too ngay kebil ke ten fo bargal ke ten um cooxaa a nuun xaye.»

A kim a tedu ke 20:6

Maaga, xan i soroxole yaam o ndam onqe jegoona, yoɗ a laay ale no gon le Roog in. Yaasam o Yaal oxe a fadin a qeƭ of fop!

Yeremi 32:40

Xam dalin fa den ngiɓoor naa na refkaa boo faw, neene feskatiim a den a cinj, ndaa xam fi’an a den paax, ɓek na qeeñ den o saɗaraam, ndax saytoorkatee fa mi.