Mise 4:4 - NQAARIIT NE ROOG

⁴ A koom, oxuu refna xan a yongaa na jam ɗuga ndaxar biiñ um fo ɗuga ndun um, too o leng jom’andkatee a den. Keene no don no Yaal oxe Hupna fop a hatu.

Mise 4:4 Referans Kwoze

Sakari 3:10

A koom, xan nu nqurraa ɗuga ndaxar biiñ ne fo ɗuga ndun ne. Mi o Yaal oxe Hupna fop layun.»

Heseki’el 39:26

Maaga, xan a mbeecit o ñiwaƭarel den fo ngore’aƭar ne da mbi’na na mi ye da ngenaa no woor kam o fiisel den, too o leng jom’andkatee a den.

Esayi 1:20

Kaa koy, boo nu mbañna, nqox sup, xan laƥ a ñaam a nuun.» Neene a refkaa, yaam no don no Yaal oxe a hatu.

Esayi 54:14

Xan o saƭkandtel o cofel, laqel ñagadil nuu refna, too jegkatiro dara kaa o saɗaraa. Kaa na diidlandaa faambnooxkatirang, matkatirang a mat sax.

Heseki’el 34:28

Qeet lakas ke mbalitkatee a den, too ƥaaɓaan ke no saax le lisitkatee a den. Xan a ngen no woor, too jegkatee o leng oxaa na gal’andaa a den.

Esayi 58:14

xam refat a cur o ɗaay of. Mi o Yaal oxe, xam jaabnong took xa cul axe moƴna o ngoƭ took soo ñoowdandtong lam ne no taan of Yakoob.» Keene no don no Yaal oxe a hatu.

Esayi 40:5

O ndam onqe no Yaal oxe xan a feeñ, too o kiin oo kiin xan a ga’in. Neene a refkaa, yaam no don no Yaal oxe a hatu.»

Heseki’el 38:11

ee: ‹Xam inooxan saax laa naagna faŋ, songik wiin yaadooxu waa ndefna no woor me da ngenna den fop kam teeru kaa njegeerna saŋe mbaat a kinglir mbaat begax.

Heseki’el 34:25

Xam dalin fa den ngiɓoor jam too xam ñuf no saax le ƥaaɓaan ke. Xan a ngen no woor kam a koƥ-a-ƥor ale, soo a ƭaanaa a ndeer a suungaan ake.

Esayi 26:16

O Yaal oxe, ye i ndeeƭna no njaaxɗataand, i mbaaƭoogaang. I ƈufginooxaang na qeƭ, ye a qaw ale wo a dalna took in.

A paɗax ale 26:6

Xam fi jam a maadoox no saax leene, too dara yaqankee a nuun o ƭaan. Xam sut teen ƥaaɓaan ke, too xire nankaand teen.

Ke bindeena no xe ne’eena YOB 11:19

Xan o letnoox, too o leng jom’andkirang, mayu a mbaaƭaa o njegir fa wo.

A kim a tedu ke 72:3

Xa coong axe xan a ƥisiid xeet fee jam, soo a ñaang ake o cofel.

Esayi 17:2

Teeru ke ta waxooxna xan a nqaƴel boo faw, a ƥoxotel xa siir axe na mbugko suufaa teen, too o leng fiiqilkee a den.

Esayi 22:25

O Yaal oxe Hupna fop kaa tee: «A koom, o reng ole daaƴeena no mbiñ o saƭku xan a fuuroox, a yen, soo ndoq ne lok’eena teen a naag bup, a yaqoox. Keene o mat o Yaal oxe a layu.»

Esayi 36:16

Ba nu nan-giloox a Hiskiya, yaam keeke o maad oxe Asuur a layu: ‹Njamsa’ooryo fa mi, ƥoxotoox na mi, too yaaga oxuu refna na nuun xan a ñaamaa o rim ole na ƭing taxar biiñ um fo o rim ole no ndun um, a yeraa foofi mband um itam,

Yeremi 30:10

O Yaal oxe kaa tee: «Wo Yakoob fee o tag es, ba o saɗar, ba o firiɓ, wo Isra’el, yaam mexey muclitang no lanq koƭu, muclit xa taan of no saax le da ƥiseena took o hup doole. Xan Yakoob a nomtooxiid, a ñoowaa na jam fo o yaadax, too o leng jom’andkatiran.

1 Maad we 5:5

Wiin we Yudaa fo we Isra’el fop, no ke xotitna Dan boo Beer-Seeba a ngenooga no woor, oxuu refna a xooxaa a ƭing taxar biiñ um fo tun um na jam no ñoow Salomo fop.

Xa peƭit axe 3:25

Saɗarkiro a qufil akaa mbetna mbaat song laa inoorna no soxodu we.

Esayi 32:17

O cofel ole xan a rimaa jam, a gartaa a ñootnax fo o woor boo faw.

Yeremi 23:4

Xam sutan a den gaynaak waa na ngaykaa a den. Saɗarkatee, ndiidkatee muk. O leng na den yoqandkatee. Mi o Yaal oxe layun.»

Mise 5:3

Xan a inoox soo a gayit a den doole fee no Yaal oxe fo o magnel ole no gon le no Yaal oxe Roog um. Xan a ngenaa no yaadax, yaam xan a ɓoxotel o ndam boo no cat adna.

Sofoni 3:13

We na yoqkaa na Isra’el mbi’katee njofaƭar leng, maaɓkatee, too naanaxir hatkatee na xa ton den. Xan a suufaa, a kooraa, too o leng jom’andkee a den.»