Mise 4:3 - NQAARIIT NE ROOG

³ Xan a ref o ƭeeɗeg hate ndeer qeet mayu, a ref o qaaxaf no qeet cegu doole kaa ngoƭna. Xan a nqawin no laƥ ke den xa koŋko, soo na salma ke den, da njalin teen xa taaba. Saax leng inooxankatee saax gend um, too xire aqatooxkataand.

Mise 4:3 Referans Kwoze

Esayi 2:4

Xan a ref o ƭeeɗeg hate ndeer a saax ake, a ref o qaaxaf no qeet mayu. Xan a nqawin no laƥ ke den xa koŋko soo na salma ke den, da njalin teen xa taaba. Saax leng inooxankatee saax gend um, too xire aqatooxkataand.

Hoose 2:18

«A koom, xan a xoyaam ee: ‹O kor es›, too xoykatiraam ee: ‹Baal fee mi.› Mi o Yaal oxe layun.

A pi ake 17:31

yaam a dama bes fee ta hate’kaa adna fee fo o cofel, na pexey o kiin oxe ta jooxna. A lala wiin we yee keene booru yoo, ye ta xontooxnoorna o kiin oxeene a ndeer no xon we.»

Esayi 65:25

A teeteem ale fo o mbaal onqe xan a yoon a suufaa, njogoy ne a ñaamataa boob nen nqoox, soo fangool fee a ñoowtataa fo ut ole. Paaxeer mbaat yaq fa leng fi’kataand took o joong o tedu le mi boo ta xet.» Keene o Yaal oxe a layu.

A kim a tedu ke 98:9

mbaambir no Yaal oxe, yaam oxe garaa, ndax ta maadoox took lanq ke. Xan a maadooxanit adna fee o cofel, qeet ke, ta maadooxanit a den a ƭat.

A kim a tedu ke 96:13

mbaambir no Yaal oxe, yaam oxe garaa. Oxe garaa, ndax ta hate adna fee. Xan a maadooxanit adna fee o cofel, qeet ke, ta maadooxanit a den ngor um.

Mbeeñil 19:11

Cinj kaaga, ga’aam asamaan fee a wetoox, too pis bari a feeña. Oxe ŋaay’uuna koy Gor fo Ndigil a ne’e. O cofel a hate’taa, a maafriteel o ten.

Sakari 14:3

Maaga, o Yaal oxe xan a gomir fo qeet keene, a xire fa den ne ta mer’uuna fi’taa yaa fa xire.

Sakari 9:10

«Xan a fi boo a sareet-xire jegkatee kam Efrayim, a watin pis qire’ir ke kam Yeerusaleem, a qali ke nqire’toogeena a ƥolel. Xan a yegin qeet ke fop jam, a maadoox no ke xotitna na juwaam boo na fa lakas, a dalit no xuluɓ ole Ofrat boo no cat adna.»

Yowel 3:2

No ñaal kaaga, xam fudniid Yiif es took no faɗ we sax, goor fo rew.

Dañel 2:44

No camaane ke no maad weene, Roog fee na asamaan xan a dalin maat naa gefkaandeena boo muk, too ɓoxotkaand na xa ƥay no qeet lakas ke. Maat neene xan a duguñ maat keene fop, too xan a ref bo na moos boo moos,

Esayi 60:12

Saax le mbaat maat ne ndagooxkeeroonga xan a saŋkoox. A saax akeene xan a ngefel tuƈ.

Esayi 51:5

O cofel es a matiida, a muc es xan a feeñ, too o ɓay o mayu katil ole mi xan a hate qeet ke. A pimb ake xan a yaakaaraam, a ngooloox o ɓay es.

Esayi 25:3

Ten taxu xeet fa mayu katil fee a ƥoxotang o ndam, teeru ke na saax a yednu ke a saɗarong,

Esayi 9:7

O Yaal oxe a lulta o ñuxur na Yakoob, fa lay um a yen na Isra’el.

A kim a tedu ke 82:8

Wo Roog, inooxi hate adna fee, yaam wo jegu qeet ke fop

A kim a tedu ke 72:7

Na jamaane um, o cofel ole xan a xay, soo jam ee gañ, feek o nqool onqe xe maadaa.

A kim a tedu ke 46:9

Ngaryo nga a pi ake no Yaal oxe, com’andtu ke ta fi’aa took lanq ke.

1 Sami’el 2:10

We na siiknooraa fo o Yaal oxe, xan a ndiid. Xan o Yaal oxe a ɗuuɗit na asamaan, a saŋik a den. Ten refu oxe na hate’kaa adna fee fop, oxe na maadooxanaa xeet um, ta ci’in doole, soo o maad oxe ta ɗuumna, ta yoɗin took.»

A kim a tedu ke 72:3

Xa coong axe xan a ƥisiid xeet fee jam, soo a ñaang ake o cofel.

Sakari 8:20

Qeet can fo we ngenna no teeru mayu xan a ngarahin Yeerusaleem. Mi o Yaal oxe Hupna fop layun.

A kim a tedu ke 46:10

O ten na xafaa a ñoq ake boo no cat adna. Kaa duguñaa a qali ke, a ɓolaa a salma ke soo a raaɓaa a sareet-xire ke.

Hoose 2:20

A koom, xam dalnan a den ngiɓoor fo muumeen-a-koƥ ke fo tiiƭ ke fo ƥood ke no lanq ke. Xam ɓol kam saax le a qali le fo laƥ ne, ndax xire jibkatee, soo fi da ngen no yaadax.