Mise 4:13 - NQAARIIT NE ROOG

¹³ «Wo Siyoŋ, o ndoog onqe, inooxi, sug a den. Xam fi xa can of a ndef njelem, xa poxos of a ndef xanjar. Xan o duguñ qeet mayu soo kesan o Yaal oxe ke da njaɓna, halal den, o geekanin o Yaal oxe jegna lanq ke fop.»

Mise 4:13 Referans Kwoze

Dañel 2:44

No camaane ke no maad weene, Roog fee na asamaan xan a dalin maat naa gefkaandeena boo muk, too ɓoxotkaand na xa ƥay no qeet lakas ke. Maat neene xan a duguñ maat keene fop, too xan a ref bo na moos boo moos,

Esayi 23:18

Kaa koy, ke ta bugko jegaa teen fo ndabid um xan a kesanel o Yaal oxe. Fokatkaand mbaat ta geekel, ndaa xan a ref ñaamel teyu fo toki mosu no we ngenna mbaambir no Yaal oxe.

Esayi 18:7

Na jamaane faaga, xan sadax a ƥisiidel o Yaal oxe Hupna fop, a ngat no cool keene, cer den a telelaa, na xeet feene saɗareena mene fo me goƭna, no saax leene jegna doole, a duutaa fañ um fop, too xa quluɓ axe a qicran. Xan a ƥisiid ci’it den took o joong ole Siyoŋ, me gon le no Yaal oxe Hupna fop a genna.

1 Korint 16:2

Na bes diiboor fuu refna, fat o kiin oo kiin na nuun a geek podu naa doole um a daawna. Nu mbi’tangaa neene, ta moƴ o faax, yaam waaj yaaga moƴu nu cung boo um gar, soo o ndimle nqe a sog o ƴufaneel.

Sakari 6:5

Malaaka fee a doonaxam ee: «Den ndefu qeñ nahik ke na asamaan na sutooraa me da ndeeƭna mbaambir no Yaal oxe jegna lanq ke fop.»

Sakari 4:14

Maaga a layaxam ee: «Den ndefu ɗik we ƭuumeena, ngeenooxna mbaambir no Yaal oxe jegna lanq ke fop.»

Yeremi 51:33

Keeke o Yaal oxe Roog fee Isra’el Hupna fop a layu: «Babilon kaa nand fo cukand, yaa ta duuteel. A yoqa o ndik rek, waxtu fee na saxad ale a gar no ten.»

A kim a tedu ke 68:29

Wo Roog, lalti katil of, doole of fee fi’anna a in caaku,

Yosuwe 6:19

Xaaliis fee fop fa wurus fee fo ke fi’teena xanjar mbaat njelem fat a kesanel o Yaal oxe soo a ƥekel na halal fee ten.»

Esayi 5:28

A kas ake den kaa lakel, a qali ke den a ŋaaynel. Xa poxos axe no pis ke den kaa naang koŋ nen ɓil saƭku, soo a caf ake na sareet ake den a mbangoortaa nen a und.

A kim a tedu ke 72:10

Maad we Tarsis fo we na pimb ake xan a ƥisiidin ci’it, maad we Saba fo we Seeba a ƥoxotin a bateer.

A cangatin ale 33:25

A kinglir ake ten xan a ndef celem fa xanjar, too doole um xan a ref fo ten no ñoow o ñis um fop!»

Esayi 21:10

Wo xeet es fee mokandeena nem nen mbep no unand, yegnaam a nuun ke nantuuma no Yaal oxe Hupna fop, a ref Roog fee Isra’el.

Yeremi 51:20

O Yaal oxe kaa tee: «Wo Babilon, kaa o reeƭu na mi o leede, ƥonax nqire’ir. Wo mokandtum a saax a mayu, yaqtong maat.

Hoose 10:11

Efrayim fi tolooxu na doole um, laa fexna o sugaa a reeƭu. Mi koy, doonaam kadoor no cok o sooxu le ten, humin a Efrayim, Yudaa xan a jiqtik lanq ke, Yakoob a guurik.

Habakuk 3:12

Kam fuux of kaa o duutaa lanq ke, kam ngañak of o sug qeet ke.

A kim a tedu ke 24:1

A kim a tedu laa fogna na ke Dawid oo. O Yaal oxe jegu lanq ke fo ke refna teen fop, a jeg adna fee fo we ngenna teen,

Mise 5:7

We yoqna na xa taan axe Yakoob ndeer a saax ake, a ndeer qeet mayu, xan a ndef nen njogoy kam puufuɗag lakas ke, nen njogoy njanglax kam ged. Yaa ta songkaa mbuufuɗag um, xan a dak, a lisit, too o leng suqitkiran no ten.

Sakari 12:3

A koom, xam fi Yeerusaleem a ref gac meɗu laa ɓoowna qeet ke fop. Den fop xan a mbokatooranin, ndaa oxe na jeemkan o yoɗ xan a gaañoox ƭomu.

Sakari 12:6

A koom koy, xam fi kelfa ke Yudaa a ndef nen gaagaañ fiɗel ndeer o joc, a ndef nen o jam olaa na kaƥaa ndeer a keeg, a ndaaɓaa o saax oo saax qeet ke mbiduuna fop, we ngenna Yeerusaleem o mat a moof me da ndefna, kam teeru fee den.»