Mise 4:12 - NQAARIIT NE ROOG

¹² Kaa koy, andee a qalaat no Yaal oxe, yuuƥ ke ten a kunpa a den. Andee yee kaa o Yaal oxe a fokat a den nen a kusax no cukand.

Mise 4:12 Referans Kwoze

Esayi 55:8

«A qalaat es mbogree fo a qalaat nuun, too a ƭat nuun a nguutatira fo ake mi.» Keene o Yaal oxe a layu.

Yeremi 29:11

Yaam mi o Yaal oxe andaam ke yuuɓanuuma a nuun. Jam yuuɓanum a nuun, yuuɓaniim a nuun paaxeer, ndax um ci a nuun muj fa mbaax fo yaakaar.

YEGIL MBAAX NE YEESU ne Lik a bindtuuna 3:17

A saqa o lang no ɓay um, too xan a fees bele fee ten soo a geek pep ke. Xan a dox ñaax le kam fiɗel laa ñufkeerna boo muk.»

Esayi 21:10

Wo xeet es fee mokandeena nem nen mbep no unand, yegnaam a nuun ke nantuuma no Yaal oxe Hupna fop, a ref Roog fee Isra’el.

A kim a tedu ke 147:19

Kaa daawnaa mbind Yakoob fa lay um, bargal um fo kebil um, ta andnoor a den a Isra’el.

A kim a tedu ke 147:20

Fi’anee keene a xeet fa leng fa lakas, too andee a den. Haleluyaa!

Esayi 10:7

Kaa koy, o ten ga’tiran neene, too yiif um xalaattiran neene. Ke ta yuuɓna no xeeñ um kañ refu yaq soo ñuf qeet mayu.

Esayi 29:7

A yaj ake na saax ake na nqire’kaa fa Ari’el fo we na songkan, a mbidin o kurul-keƥ soo a mbugin o ngef tuƈ, den fop xan a ñuf nen o ƭaaɗ, kaam ee xan a sooƴit nen o ƭaaɗ o paaxeer.

Yeremi 51:20

O Yaal oxe kaa tee: «Wo Babilon, kaa o reeƭu na mi o leede, ƥonax nqire’ir. Wo mokandtum a saax a mayu, yaqtong maat.

Yowel 3:2

No ñaal kaaga, xam fudniid Yiif es took no faɗ we sax, goor fo rew.

Yeremi 51:33

Keeke o Yaal oxe Roog fee Isra’el Hupna fop a layu: «Babilon kaa nand fo cukand, yaa ta duuteel. A yoqa o ndik rek, waxtu fee na saxad ale a gar no ten.»