Mise 4:11 - NQAARIIT NE ROOG

¹¹ Ndiiki sax qeet mayu a mbokatooranaang, a ndamtin ee: «Fat i ngef a Siyoŋ, a kid in a mbuudaa yaq fee ten!»

Mise 4:11 Referans Kwoze

Abjaas 1:12

Wo xeet fee Edoom, ba o sawar no njom ne no fog of, felakinoox ye fa yaq fee no Yuuyudaa we, xaadnoox a den, yaa da njegna naqad!

Mise 7:10

Xan fañ in a nga’in soo a may fa gaci, den we layoogna a in ee: «Taa o Yaal oxe Roog nuun?» Maaga, xan i mbuudaa a den, da nduuteel nen lopopooƈ le no ped ke.

Yeremi 52:4

Maaga, no hiid o ɓetuu nahkandeer ole no maat Sedekiya, no ñaal xarɓaxayandeer ne no nqool xarɓaxayandeer onqe, Nebukadnesaar fee o maad oxe Babilon a garana a Yeerusaleem, ten fo xiixire um fop. A sipa saŋe den mbaambir teeru fee soo a mbi a uum lanq a songir me widuuna fop.

A kim a tedu ke 129:5

We sibna a Siyoŋ fop xan a sed, a ndiƈatoox den fop.

Esayi 10:7

Kaa koy, o ten ga’tiran neene, too yiif um xalaattiran neene. Ke ta yuuɓna no xeeñ um kañ refu yaq soo ñuf qeet mayu.

Esayi 17:12

Ey! Fangax le na saax a cegee hap ake na jibtaa nen fangax le na xa maag axe. Ŋurŋur le no qeet ke na nandtaa ŋurŋur le na yag-ee-yag a cegu doole ke.

Esayi 29:7

A yaj ake na saax ake na nqire’kaa fa Ari’el fo we na songkan, a mbidin o kurul-keƥ soo a mbugin o ngef tuƈ, den fop xan a ñuf nen o ƭaaɗ, kaam ee xan a sooƴit nen o ƭaaɗ o paaxeer.

Heseki’el 26:3

Ten taxu keeke layum, mi o Yaal oxe na refkaa boo faw: Xam inooxanong wo Tiir. Xam ɓakandiid took of qeet pagkatar ne o maag ole a yoɗtaa a yag-ee-yag ake ten.

A kim a tedu ke 83:5

a ndamtin ee: «Acayo i moocandik xeet feene, ndax gon le Isra’el wetandooxkataand muk.»

Heseki’el 38:17

Keeke layum, mi o Yaal oxe na refkaa boo faw: Ndax wo ne’oogum yaaga, reefandin no duleer we Isra’el ndefna dag es, andoona yee no ñaal kaaga, ngap xa kiid xa kiid, a njo’it’a yee xam songnoorong xeet es?

Sakari 12:3

A koom, xam fi Yeerusaleem a ref gac meɗu laa ɓoowna qeet ke fop. Den fop xan a mbokatooranin, ndaa oxe na jeemkan o yoɗ xan a gaañoox ƭomu.