Mise 4:10 - NQAARIIT NE ROOG

¹⁰ Wo Siyoŋ, o ndoog onqe, coono’i too iin nen o tew oxaa na gaajooxaa, yaam ndiiki kañ xan o sutoox teeru fee, dalaa na koƥ ale. Xan o ret boo Babilon, ndaa koy, maaga o muclitkeel. Maaga mat o Yaal oxe a watitkang na xa ƥay no fañ of.

Mise 4:10 Referans Kwoze

Esayi 48:20

Sutooxyo Babilon, ñofyo inoox no saax le no Kaakalde we. Yegnityo fo o ɗaay o nan olene boo no cat adna. Yegniteenoo, lambnin too lay ee: «O Yaal oxe a wata a Yakoob fee o tag um.»

Hoose 13:13

Xa ƭomel gaaj xan a ngar took um, ndaa kaa nand nen o ƥiy onqaa andoona yee, na hap um sutooxee no fud ya um.

Hoose 2:14

Xam fiitin a ƭing taxar biiñ ake ten fo tun ke ten, ta layoogna yee: ‹Ndabid ne xa pes axe mi a cooxaxama yoo.› Xam supit a den suungaan, soo muumeen-a-koƥ ke a nduudin a den.

Esayi 45:13

Kam o cofel es, mi hebliidu oxeene nu andna. No kuu ta rokna, xam yooɓandanin o ten. Ten na maxatinkaa a Yeerusaleem fee teeru es, a xaƴ wiin es we ndameena mbaƭ da nqaad, too laamitkee a bateer den mbaat nger.» Keene o Yaal oxe Hupna fop a layu.

Esayi 43:14

Keeke o Yaal oxe refna o baawat nuun, a ref o Tedu xe Isra’el a layu: «Took o fex a nuun, heblaam o kiin Babilon, ndax ta ɓol a kinglir ake fop. Maaga, xa ƈeel axe no Kaakalde we xan a suptoox ƭomatax.

2 Maad we 20:18

Xan leng-leng na xa taan of ŋaƈit sax a ƥisel, a njalanaa o maad oxe Babilon kam mbind no maad ne ten.› »

Mbeeñil 12:14

Maaga, o tew oxe a dufane a nafir a ƭak ake inoorna na canjiik a maak ale, ndax ta yetaa maa ta ñoowitkaa boo xa kiid xa tadaq fa genwal kam a koƥ-a-ƥor alaa. Neene, o tew oxe a goƭata a Mbangool.

Yeremi 15:21

Xam muclong no ɓay no soxodu we, watong no ɓay no wiin fo’oy we.»

A kim a tedu ke 106:10

A mucla a den no we sib’ina a den, a suqit a den no ɓay no pañ oxe.

2 Caloori ke 36:20

Nebukadnesaar a ɓisa kam Babilon we ƥostoox’ina boo mbaraand, da ndefik faɗ um fo faɗ na xa taan um boo na jamaane fee no maat ne Persi.

2 Caloori ke 33:11

Maaga, o Yaal oxe a inaniida a den aa-adax we no xiixire we no maad oxe Asuur. A ngara a ndam a Manaase, a njengin, a mbeñtin ceen xanjar soo a ƥisin Babilon.

2 Maad we 25:4

o gur a sexe no saŋe ne na teeru fee. O maad oxe fo xiixire we fop a ƈufa no yeng ole, a ndeef na ƭat ale no ndokand ne refna ndeer saŋe ƭik ke paam a ƭing ale no maad oxe, a soƥ Baababilon we a mbid teeru fee o kurul-keƥ. Ƴuuƴuf we a nqota a ƭat ale jaginna no xuluɓ olaa Yordaan.

Yeremi 29:20

Nuun koy, nan-gilooxyo fa lay fee no Yaal oxe, nuun fop we ƥiseena took o hup doole, nuun we o Yaal oxe a sutit’ina Yeerusaleem, a ɓis a nuun Babilon.

Yeremi 48:41

Keriyot a jaɓe, saŋe ke a luƈtel. A koom, xeeñ le na salma-koor ake Mowaab xan a nand fo le no tew oxaa na gaajooxaa.

Yeremi 52:27

O maad oxe Babilon a xawnoora a den soo a warnoorit a den Ribla no saax laa Hamat. Neene, xeet fee Yudaa a ƥise gilaa saax took o hup doole maa goƭna mbaafaap den.

Mise 5:3

Xan a inoox soo a gayit a den doole fee no Yaal oxe fo o magnel ole no gon le no Yaal oxe Roog um. Xan a ngenaa no yaadax, yaam xan a ɓoxotel o ndam boo no cat adna.

2 Caloori ke 36:23

«Keeke refu ke Kiirus fee o maad Persi a layna: O Yaal oxe Roog fee na asamaan a ɓoxotaxam maat ke na adna fee fop. A heblaxam um maxanin Mbind Yeerusaleem kam Yudaa. Oxuu fogna na xeet um na nuun, yaasam o Yaal oxe Roog um a ref fo ten, ta nomtoox Yeerusaleem.»

Yeremi 4:31

Yaam kaam nanaa xa buuq nen axe no tew oxaa na gaajooxaa, xa buuq o ƭomel nen axe no tew oxaa na ñootaa taaw um. O ñuxur ole Siyoŋ oo. Kaa iinaa, a dek xa ƥay ee: «Sabab took es! Kaam xonaa yaam a qaw ale no waawar we!»

Yeremi 13:4

«Jangi o kumnoor ole jikoona too o humnooxin no ndet of, inoox ret no xuluɓ olaa Ofrat soo ɗasnin maaga no waaƥ ɓil.»

Mise 5:2

Ten taxu xan o Yaal oxe a xaƴ xeet um boo no camaane kaa o tew oxe na fudkan a ñootkaa rek. Maaga, we na yoqkaa no fog um we pasaroox’ina xan a nomtooxiid me no Ii-isra’el lakas we.