Mise 3:9 - NQAARIIT NE ROOG

⁹ Nuun kelfa ke no mbind Yakoob, nuun gelwaar we no mbind Isra’el, nan-gilooxyo kene: Kaa nu sib o cofel ole, ƭapaa fop ke refna a ƭat.

Mise 3:9 Referans Kwoze

Esayi 1:23

Kelfa ke wo andatee a ƭat, a ngiɓaa o ngir fo guuɗ we, a mbex o ngereel, a ƈufanaa neexil. Ƥoxotkee o waan ole ke refna wargal um too mbaritkee o ñaaw oxe.

Xa peƭit axe 17:15

Oxe na ɓoxotaa oxe tooñna ɓur fo xe na gadnaa a jaambuur fee tooñ, den ɗik fop, o Yaal oxe kaa sib a den.

A cangatin ale 27:19

‹Oxuu ɗapna hate took a bug o maaf o gataakoon mbaat o waan mbaat o ñaaw a halakooxa!› Fat xeet fee fop a ndoon ee: ‹Amiini!›

Mise 3:1

Maaga, layaam ee: Nuun kelfa ke na xa taan axe Yakoob, nuun gelwaar we no mbind Isra’el, nan-gilooxyo! Mee ndax nuun mbaru and ke jofna!

Hoose 5:1

Nuun saasadax we, nan-gilooxyo kene! Nuun mbind Isra’el, naangyo tek! Nuun mbind ne no maad oxe, ndungyo nof nuun! Nuun o mat ngel’e o layoor, yaam kaa nu ndeeƭu mbog kam Mispa, mbaal letne took o joong ole Taboor

Yeremi 5:28

a magin, a naag naluƈ. Kaa ngupal na pi a paaxeer. Naangee o ƥoxottaa ɓur, ɓur le no waan ole, too kaa texeyaa. A ƭat den yongee na wargal no ndool onqe.

A paɗax ale 26:15

nu mbasnooxangaa bargal es ke cooxtuuma, xan nu ƭeg ngiɓoor es fa nuun.

A sutax ale 3:16

Reti fokat maak we Isra’el fop too lay a den ee: O Yaal oxe refna Roog fee no daan we nuun, a ref Roog fee Abraham fa Roog fee Isaak fa Roog fee Yakoob, a feeñooxaxam. Kaa tee: ‹Ga’aam a nuun too andaam ke nu ndooneel Misira.

Xa peƭit axe 18:5

Farit oxe tooñna, gadin o cofu xe tooñ yaa fa hate, faaxee.

Xa peƭit axe 21:7

Ngiin fo’oy ne no soxodu we kaa maafnooraa a den, yaam kaa mbañaa o mbi ke jofna.

Heseki’el 44:23

Xan a njangin xeet es da njektirand ke tedna fo ke tedeerna, a andnoor a den njektir ne ndeer ke xoolna fo ke xoolaƭarna.

Mise 1:1

Keeke refu fa lay fee o Yaal oxe a daawinna a Mise fee gen’ina na teeru faa Moreset na jamaane Yotaam fa Ahas fa Hiskiya we maad Yudaa, ta ref mbeeñil naa jaginna na Samari fa Yeerusaleem.

Nehemi 13:17

Xasanaam garmi ke Yudaa, lay a den ee: «Xar paaxeer kene nu mbi’aa a refu, maasandaa bes fee na ñootnax ale?

Xa peƭit axe 17:23

O soxodu xe kaa jaɓaa nger na pet, a naɗaa a ƭat o cofel.

Amos 5:7

Kaa nu naɗ o cofel ole boo ta refat xa tim ndali, ngeleeroox ndakan.