Mise 3:6 - NQAARIIT NE ROOG

⁶ ‹Ten taxu, nuun duleer we, xan nu ndef no yeng, too nu mbeeñooxkataand! Xan nu ndef no niɓaan, too nu ƭeetkatee!› Xan njeeƈ ne no duleer weene a mud, ñaal den a ref o niɓaan.»

Mise 3:6 Referans Kwoze

Esayi 29:10

yaam o Yaal oxe kaa ɓek na nuun yiif ɗaaɗaan, a fuulin a kid nuun ndefna duleer we soo a muur xoox nuun refna ɗeet we.

Esayi 59:10

Kaa i kasaƥ-kasaƥnaa nen o puul oxaa na lernooxaa tabax, njuxɓaa nen waa njegeerna a kid. Kaa i tolofaa njoloor o mbuc nen waa na ñaaƴaa na kid-a-caɓru. Ke i mbodna mbod fop oo, i moƴanee xon we.

Yeremi 15:9

Yaay fee rim’ina xa ƥiy xa koor ɓetaa ƭaq a ŋeesooxa, a ososaa. Njeeƈ um a muda njoloor. A seda ɓot soo a seeƈaar. We yoqna na xeet fee koy, xam ɓoxot a den da saŋkitel laƥ na kid no fañ den.» O Yaal oxe layun.

Yeremi 13:16

Ƥoxotyo o Yaal oxe Roog nuun o ndam boo ta helko fo niɓaanaa, soo nu tolof na xa coong axe na kid-a-caɓru ke. Xan nu cungaa a qoolaand ale, ndaa xan a suptin o niɓaan, a fi’in a sisaaƥ.

A kim a tedu ke 74:9

Xa anddiloor comlaand nga’ataand, duleer njegatee meen, too o leng na in andee boo a mban neeke.

Heseki’el 7:26

O njakad kaa reef took o njakad, o nan o feleer fo o gend um a ndeepatir. Kaa da ƭeetnooxaa me no tuleer, ndaa a cangin a katu no saasadax a naaga mes, o as o inooru na koorgi a ɓoow jang.

Amos 8:11

Ñaal ke um fudinkaa biim took saax le owey a ngaraa, refee koy biim le na riñaa o kiin no homaa ñaamel, joqooyooxaa maa foofi farna, ndaa biim le na riñaa no homaa fa Lay fee no Yaal oxe fo hoɗomel o nan paru no ten. Mi o Yaal oxe na refkaa boo faw layun.

Mise 2:6

A jega waa na layaxam ee: «Ba o lay xa ƥaral! Baa padafuleer nandu neene a yegnitel! Gaci faaga dalkee a in muk!

Yeremi 18:18

Maaga, a jega waa layna yee: «Ngaryo i yuuɓan a Yeremi yuuƥ paaxeer, yaam i ñakee saasadax waa njangnitna kebil ke, yaal-o-and waa cooxna a in xa as fo duleer waa ndaawnitna fa lay fee Roog. Ngaryo i yaq ƭool um, too ba a ƭat in a yong no fop ke ta layaa a in.»

Heseki’el 13:9

O ɓay es xan a dal took duleer we peeñil den a ndefna xa koɓong soo maƭak den a ndef xa maaƥ. Mbogkee no mal maak ne na xeet es, mbindkaand no mbokatax ne no mbind Isra’el, too ndokkee no fiisel ole Isra’el. Maaga, xan nu and ee mi refu o Yaal oxe na refkaa boo faw.