Mise 3:3 - NQAARIIT NE ROOG

³ Kaa da listaa cer ke na xeet es, a ƭoltaa ƭool um soo a nduguñaa xa kiiƈ um. Kaa ƭegan teɓ-reɓ nen kaa na jaweel na kaleera, nen a tegeƴ kam o xuɗoox.

Mise 3:3 Referans Kwoze

A kim a tedu ke 14:4

Weene fop na mbi’aa cofaƭaru njegee o and o leng, den we na listaa xeet es ne mbuuru a listiteel too ƈufginooxkee o Yaal oxe muk.

Heseki’el 11:3

Kaa da layaa yee: ‹Refee yee taa mbaambir naa pind a maxkeel! Teeru fee refu a kaleera le, soo i ndef a tegeƴ ake.›

Sofoni 3:3

Kelfa ke ten kaa ndef cogoy kaa na mbumbaa, haahate we ten a ndef a teeteem o yeng akaa ngeekankeerna o feet tus.

A kim a tedu ke 27:2

Boo fiifi paaxeer a ƥerexiidaa paam es ndax da lisit cer es, fañ es fo noon es weene o mat na tolofkaa soo a yen.

Esayi 3:14

A refa no hate’aa maak we fo kelfa ke na xeet um ee: «Nuun o mat mbiitnu a ƭing taxar biiñ ale, ngeer no pind nuun ke nu njaɓitna no rool we.

Heseki’el 24:4

Yipi teen xa ƭeg a tegeƴ axe moƴna mbaax, a ñaal ale fo a kand ale, mayƭandin fo xa kiiƈ axe moƴna mbaax.

Mise 2:8

Kaa koy, o Yaal oxe a doona a nuun ee: «Kaa nu mbañraa fa xeet es, mbolaa sabadoor no xe refna no yaadax xalaateerna o ñoxorel muk.

Xa peƭit axe 30:14

Sabab took no we a ñiiñ den a ndefna laƥ, a kaaɓaaɓ den a ndef capil, da listaa toroxu we no lanq ke, a moocand rool we a ndeer no wiin we.»

Esayi 3:15

An ci’u a nuun nu nduguñaa xeet es soo nduutaa toroxu we? Mi o Yaal oxe na refkaa boo faw Hupna fop layu keene.»

Amos 8:4

«Ndiiki koy, nuun we na toroxandaa o ndool onqe, toroxu we nu mbaltaa onqe da njegna, nan-gilooxaamoo!