Mise 3:2 - NQAARIIT NE ROOG

² Kaa koy, kaa nu sib paax ke, soo mbex paaxeer. Kaa nu ƭoltaa ƭool no kiin, listit cer ke na xa kiiƈ axe.

Mise 3:2 Referans Kwoze

Heseki’el 22:27

Gelwaar we ten kaa ndef kam um nen a teeteem akaa na listaa mbuufuɗag den. Kaa ƥaxaa fo’oy, a mo’andaa xa laaw axe, ndax da njegit halal no qooleer.

Xa peƭit axe 28:4

We na ƭapaa kebil ke kaa ndif’aa soxodu we, we na ngayaa kebil ke mat a mbuuxanaa a den.

A kim a tedu ke 53:4

Fop kaa ngoƭ a Roog soo a mbokatoor, a laawoox. Jegee oxaa na fi’aa paax, jegee o leng sax.

O leetar ole Pool a bindna GIMU WE NGENNA ROM 12:9

O mbeq waree o jeg luq-luq fa leng. Fat nu mbañ ke faaxeerna, soo saaƭoox no fop ke faaxna.

Esayi 3:15

An ci’u a nuun nu nduguñaa xeet es soo nduutaa toroxu we? Mi o Yaal oxe na refkaa boo faw Hupna fop layu keene.»

2 Caloori ke 19:2

O ƭeet Yehu fee o ƥiy Hanani a xetooxiidaan, a layin ee: «Ndax soxodu we o bugko dimle’aa, soo fex we mbañna o Yaal oxe? O Yaal oxe kaa fuuxanong koy yaam ke fi’oona.

1 Maad we 21:20

Ye Ahab a ga’na a Eliya, a layaan ee: «Ey! O pañ oxe mi, garahinaa de!» Eliya a doonaan ee: «Ii, garahinaam moos, yaam kaa o jikooxaa a xoox of, ndax o fi paaxeer na kid no Yaal oxe.

2 Timote 3:3

a ñak o liir, a mbañ o mbaasantaa, a ƥanjaa lakas we. Mbaagkee o ngarin a qoox den, a yedin, a mbañ ke faaxna.

O leetar ole Pool a bindna GIMU WE NGENNA ROM 1:32

A anda toox de hate fee Roog, ta ref ee we na mbi’aa tig nandu neene, a saŋkax a hela a den, den fop. Refee soom ee kaa da maadin o mbi’aa, ndaa kaa soobaa lakas we, da mbi’an itam.

YEGIL MBAAX NE YEESU ne Saŋ a bindtuuna 18:40

Maaga, a mbuuqa yee: «Ba xaƴin, xaƴi a Barabaas!» Barabaas koy, a cuut a maak a maak a reeƭu.

YEGIL MBAAX NE YEESU ne Saŋ a bindtuuna 7:7

Adna fee mbaagee o sib a nuun. Mi koy, mbaagiraam o ñak o sib, yaam kaam seede’anaa a den a qool qac ee ke da mbi’aa faaxee.

YEGIL MBAAX NE YEESU ne Lik a bindtuuna 19:14

Kaa koy, we ngen’ina fo ten kaa sib’un, too a lula wiin a cinj um, ndax da lay ee: ‹I mbugee oxene a dodel o maad in.›

Sofoni 3:3

Kelfa ke ten kaa ndef cogoy kaa na mbumbaa, haahate we ten a ndef a teeteem o yeng akaa ngeekankeerna o feet tus.

Heseki’el 34:3

Kaa nu ñaamaa neebam fee, ñiroortaa a biil ake den, mbaraa cegel ke moƴna o ngiñ, too nu ngayee paal ke.

A kim a tedu ke 15:4

Kaa sibaa oxe deyeena o sib, a niw oxe saɗarna o Yaal oxe, too a daaɓooxangaa tig, a bug oo maƭarkan, ndaa dakooxkee teen a cinj.

Esayi 57:12

Kaa koy, xam yegnit o cofel of fo a pi of mbatkeeroonga o njiriiñ o leng.

Heseki’el 11:7

Ten taxu keeke o Yaal oxe na refkaa boo faw a layu: Xa tal axe nu nqaƴna kam teeru fee ndefu a tegeƴ ake soo teeru fee fa xoox um a ref a kaleera le, ndaa nuun, xan nu sutel teen.

Heseki’el 24:4

Yipi teen xa ƭeg a tegeƴ axe moƴna mbaax, a ñaal ale fo a kand ale, mayƭandin fo xa kiiƈ axe moƴna mbaax.

Mise 2:8

Kaa koy, o Yaal oxe a doona a nuun ee: «Kaa nu mbañraa fa xeet es, mbolaa sabadoor no xe refna no yaadax xalaateerna o ñoxorel muk.

Mise 7:2

O kiin jam oxe a mooca no saax le, o cofu jegatee a ndeer no wiin we. Wiin we fop kaa ƥeng, ndax da ƥax fo’oy, oxuu refna a fogaa o kend um.

Mise 7:3

Xa ƥay den kaa mbaane no fi paaxeer, o kelwaar oxe a sertaa nger, o kaahate xe a laacaa ndabid, soo wiin maak we a laltaa o wat den, den fop da yekoorin.

Esayi 5:20

Sabab took no we na nqoyaa paaxeer ke paax, soo paax, da nqoyan paaxeer. Kaa njangit o niɓaan ole a qoolaand, soo a qoolaand ale, da njangtin o niɓaan. Qaaɗu ke kaa ref na den pelu, soo pelu ke a ref qaaɗu.

Amos 4:1

Moxolaare ke Samari, naangna suquƈ nen xa pi naak axe Basan, nuun we na ñagadilaa we toroxna, jegeer we nu ngefaa den, soo ngeleeroox, lay gor nuun ee: «Langinyo xa moon axe i yer!»

Amos 5:15

Kaam ee, nu sib paaxeer, mbex paax, ñaaƴin o cofel no xeloorand ole. Yaaga o Yaal oxe Roog fee Hupna fop a waaga yirimkaa a nuun, nuun yoqatin we no mbind Yoseef.»