Mise 3:11 - NQAARIIT NE ROOG

¹¹ Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

Mise 3:11 Referans Kwoze

Yeremi 6:13

Yaam no ke xotitna no xe moƴna o neew boo no xe moƴna o maak na den, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Esayi 1:23

Kelfa ke wo andatee a ƭat, a ngiɓaa o ngir fo guuɗ we, a mbex o ngereel, a ƈufanaa neexil. Ƥoxotkee o waan ole ke refna wargal um too mbaritkee o ñaaw oxe.

Mise 3:5

Keeke o Yaal oxe a layu no duleer we na mo’andaa xeet es: «Kaa yegnitaa jam, yaa a ñiiñ den a njegna kaa da ƈaxna, we loginkeerna a den tig, da yegin a den xire.

Yeremi 7:4

Ba nu ngooloox fa lay fa maamaaɓ fene: Mene Mbind ne no Yaal oxe a refu, Mbind ne no Yaal oxe, Mbind ne no Yaal oxe o mat oo.

Tiit 1:11

Weene koy, waraa o lal a den a ƭat, da naang cuxus. Kaa ndef taatas ƥasil, halal a tax da ndok na gaci boo a njangnataa kaa waraandeena o jangin.

Mise 7:3

Xa ƥay den kaa mbaane no fi paaxeer, o kelwaar oxe a sertaa nger, o kaahate xe a laacaa ndabid, soo wiin maak we a laltaa o wat den, den fop da yekoorin.

Esayi 48:2

Nuun we na nqoyooxaa ‹We na teeru fa tedu fee›, nuun we ndamlooxna na Roog fee Isra’el, oxe gon um a refna ‹O Yaal oxe Hupna fop›, nan-gilooxyo boog kene:

Yeremi 8:10

«Ten taxu, o Yaal oxe a laya yee: Xam coox rew den wiin jan, xa qol den, um coox a den we na njaɓkaa a den. Yaam no ke xotitna no xe moƴna o neew boo no xe moƴna o maak, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

1 Sami’el 8:3

Xa ƥiy xa ƭaq axe Sami’el koy, ndeef’ee o jaf um. Kaa mbex’u xaaliis bo ta hup, a njaɓ o ngerel soo a ngate’taa naa jofeerna.

A lim ale 16:15

Moyiis a fuuxa tigi too a laya o Yaal oxe yee: «Ba o jaɓ sadax den. Mosiim o jang na den dara, refee o faam o leng sax, too mosiim o tooñ o leng na den.»

Yudaa 1:11

Ndaw sabab took den, yaam kaa ndeef a ƭat ale Kayin, a ndeɓoox na ƭat a naanax ale Balam yaam xaaliis, too xan a saŋkoox, yaam kaa mbañoogu a Roog nen a Koora.

1 Timote 3:3

Waree koy o ref o yeeyer o say mbaat ta may balu-balu, ndaa kaa war o lewet, a bug jam fa jam, a fañ o buge.

Amos 9:10

Baabakaad we na xeet es fop, xan laƥ a fand a den, boo no we na layaa yee: ‹O njakad garkee too dalkee o leng na in.› »

Hoose 4:18

Den fa ƈuteeru a yer rek, yaqanu da njimboox no njaga, too gaci moƴanu a den o niwel.

Esayi 56:11

Xa ƥox xa say a ndefu itam, axaa mbaageerna o ngiñ, ke da ndefna gaynaak fop oo! Dara refee na qoox den, a yuxum a qoox den soom a ndeefaa, oxuu refna na den o njiriiñ xoox um a waaƭaa.

Mace 3:9

Ba nu mboog ee nu mbaaga o lay na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

Malaki 1:10

Ke moƴna o leng na nuun a weg begax ke no Mbind Roog ne, ndax nu ngeƥandiidkatee na kasaara fiɗel no sadaxand ole mi. O Yaal oxe Hupna fop kaa tee: Kaa nu soofaam, too sadax ke nu ƥoxotaxam mbeliraam.

Sofoni 3:3

Kelfa ke ten kaa ndef cogoy kaa na mbumbaa, haahate we ten a ndef a teeteem o yeng akaa ngeekankeerna o feet tus.

Heseki’el 22:27

Gelwaar we ten kaa ndef kam um nen a teeteem akaa na listaa mbuufuɗag den. Kaa ƥaxaa fo’oy, a mo’andaa xa laaw axe, ndax da njegit halal no qooleer.

Heseki’el 22:12

Me wo, ker ke kaa njaɓeel, ndax fo’oy a ɓaxel. Kaa o rawnitaa took ndimand ngupalu. Kaa o jaɓaa o jeg no kend of took o hup doole, soo mi o mat o weecaam. Mi o Yaal oxe na refkaa boo faw layun.

Xa peƭit axe 17:23

O soxodu xe kaa jaɓaa nger na pet, a naɗaa a ƭat o cofel.

Esayi 5:23

Kaa mbartaa oxe tooñna yaam a qaf, soo o cofu xe, da nqañtin wargal um.

Yeremi 23:17

Kaa ngen no layaa we nqeefaxama yee: ‹O Yaal oxe kaa tee: Xan nu njeg jam.› Kaa layaa fop we na ndeefaa o saƭik xoox ole den ee: ‹Paaxeer leng dalkee a nuun.›

Yeremi 26:7

Saasadax we, duleer we fa xeet fee fop ndeeƭna maaga a nana Yeremi a yegnitaa fa lay feene kam Mbind ne no Yaal oxe.

Heseki’el 34:2

«Wo fee o ƥiy no kiin, jo’tanaam, jo’tanaam a den, den ɗooɗox we Isra’el ee: Keeke o Yaal oxe na refkaa boo faw a layu: Sabab took ɗooɗox we Isra’el na ƭoxaa a qoox den! Ndax ɗooɗox we mbar’ee o ƭoxaa o siir ole?

Hoose 4:8

Sadax fa mbaasnoor bakaad fee na xeet es a ñoowtaa, ten taxu da mbug xeet fee a moƴ o mudaa na bakaad.

Amos 5:14

Naaɓyo paax, paaxeer nu ƈufin! Nu mbi’angaan, xan nu ñoow, too o Yaal oxe Roog fee Hupna fop xan a ref fa nuun, ne nu mboogtuuna.

Malaki 2:9

Mi koy, xam xeefnoor a nuun soo fudin a nuun na kid no xeet fee fop, yaam nu ndeefee a ƭat es soo samtirandaa wiin we, yaa nu njangnaa a den!»

A lim ale 22:7

Maak we Mowaab fo we Majan a ndeta maa Balam, a ƥislooxin su’nit. Ye da mbadiidna me ten, a ndaawnaan xa ƭelem axe Balak.

Yeremi 5:12

Xeet fee no Yaal oxe a nqaña o Yaal oxe, a ndamtin ee: «Roog jegee! Taamaala dalkee a in, too i nga’kee xire mbaat biim.

Sofoni 3:4

Duleer we ten andee ke warna a den, a ndef goor hoohod, saasadax we ten a nqoolaƭarand ke kesaneena a Roog soo a ƭap kebil um.