Mise 3:1 - NQAARIIT NE ROOG

¹ Maaga, layaam ee: Nuun kelfa ke na xa taan axe Yakoob, nuun gelwaar we no mbind Isra’el, nan-gilooxyo! Mee ndax nuun mbaru and ke jofna!

Mise 3:1 Referans Kwoze

Hoose 5:1

Nuun saasadax we, nan-gilooxyo kene! Nuun mbind Isra’el, naangyo tek! Nuun mbind ne no maad oxe, ndungyo nof nuun! Nuun o mat ngel’e o layoor, yaam kaa nu ndeeƭu mbog kam Mispa, mbaal letne took o joong ole Taboor

Esayi 1:10

Nuun kelfa ke Sodoom, nan-gilooxyo fa lay fee no Yaal oxe! Nuun xeet fee Gomoor, mbetyo nof nuun, nan a cangin ale Roog in!

1 Korint 6:5

Andaa yee kaaga gaci yoo na nuun de! Yaam kaa nand nen jegee o leng na nuun oxaa jegna yiif, a waag o hate gimu ɗik waa ndaawirna.

Amos 4:1

Moxolaare ke Samari, naangna suquƈ nen xa pi naak axe Basan, nuun we na ñagadilaa we toroxna, jegeer we nu ngefaa den, soo ngeleeroox, lay gor nuun ee: «Langinyo xa moon axe i yer!»

A kim a tedu ke 14:4

Weene fop na mbi’aa cofaƭaru njegee o and o leng, den we na listaa xeet es ne mbuuru a listiteel too ƈufginooxkee o Yaal oxe muk.

A cangatin ale 16:18

«Fat nu ndalin haahate fo kelfa kam teeru ke o Yaal oxe Roog nuun a ci’kaa a nuun fop, da ngate’aa wiin we na carind ake nuun fo o cofel.

Heseki’el 9:9

A doonaxam ee: «Tooñ ne no mbind Isra’el fa Yudaa kaa magin lool. Saax le oxe muut fo boom, teeru fee a naag gañ fo njofaƭar, yaam kaa da layaa yee: ‹O Yaal oxe kaa waas saax le pelek, ga’ee dara.›

Heseki’el 34:2

«Wo fee o ƥiy no kiin, jo’tanaam, jo’tanaam a den, den ɗooɗox we Isra’el ee: Keeke o Yaal oxe na refkaa boo faw a layu: Sabab took ɗooɗox we Isra’el na ƭoxaa a qoox den! Ndax ɗooɗox we mbar’ee o ƭoxaa o siir ole?

Mise 2:13

Oxe na halkaa a ƭat ale xan a adooxan a den. Xan a sex o gur, a ndeef no ndokand ne, a sutoox. O maad den xan a fodan a den mbaambir, o Yaal oxe xan a adooxan a den.

Nehemi 13:17

Xasanaam garmi ke Yudaa, lay a den ee: «Xar paaxeer kene nu mbi’aa a refu, maasandaa bes fee na ñootnax ale?

Esayi 10:2

ndax da nqañit fo mboƭomsogor ne nqeloor, rool we na xeet es, da nqañit a den wargal den, a ñoowtaa ke ñaaw we a njegna soo a njaɓaa ke xa baan axe a yaakaarna.

Heseki’el 22:6

Gelwaar we Isra’el owey: Oxuu refna kaa laltaa doole um me wo, ndax ta ɓax fo’oy.

Heseki’el 34:3

Kaa nu ñaamaa neebam fee, ñiroortaa a biil ake den, mbaraa cegel ke moƴna o ngiñ, too nu ngayee paal ke.

Amos 6:1

«Ndaw sabab took nuun, nuun we na ñoowaa no yaadax kam Siyoŋ, nuun we mboogna yee o joong ole Samari ngenand mbooru yoo. Kaa nu mbi’oox a salma-koor kam saax le adooxanna qeet ke, bo tee mbind Isra’el sax nuun a mbi’u yaakaar.