Mise 2:7 - NQAARIIT NE ROOG

⁷ Ndax mbind Yakoob kaa salooxel? Ndax o Yaal oxe kaa jegatee o muñ? Ndax neene a fesooraa? Ndax fa lay um felee no we na ñaaƴtaa o cofel?»

Mise 2:7 Referans Kwoze

A kim a tedu ke 84:11

Ñaal leng no maax ole no Mbind of rek moƴanaxam ñaal juni kaa ndefeena o mbiñ o lakas. Um moof no ndokand ne no Mbind ne Roog es moƴanaxam o gen no ƭiif ke no soxodu we,

Yeremi 15:16

Fa lay of oxaa fadiid’aa me mi, kaam xamboogun. Kaa reeƭu na mi baneex fo o ɗaay xeeñ es, yaam kaam kesanel a wo, wo o Yaal oxe Roog fee Hupna fop.

A kim a tedu ke 15:2

Ten refu oxe jegeerna ƥanjel, a fi’aa cofu soo a layaa ndigil ne refna no xeeñ um doŋ.

Hoose 14:9

Efrayim reeratee dara fo pangool ke. Kaam jaɓaa a qeƭ um soo gayan. Xam ref no ten nen filaawo nequ, na mi xa tim um a ngataa.»

Esayi 50:2

Ye garuuma, xar taxu soƥiim meen o leng? Ye xoyuuma, xar taxu jaaɓaandeem? Ndax o ɓay es a raƥa raƥ boo waagee o mucil? Ndax kaa jegiim doole faa wattuuma? Aca i ndet boog! Kaam weernitaa o maag ole fa lay es, supit xa quluɓ axe a koƥ-a-ƥor boo liƥ ke a nqonaa fo a koɗom yaam ne foofi a ñakna soo a mbotaa.

Xa peƭit axe 28:18

Oxe na ñaaƴaa no cofel xan a gen no woor, oxe na ceek-ceeknaa na ƭat a ƭak o mat kaa yenaa na leng na den.

Xa peƭit axe 10:29

O Yaal oxe kaa ref saŋe no cofu xe, we na mbi’aa paaxeer o mat ta yaqaa a den.

Xa peƭit axe 10:9

Oxe na fi’aa qoolu kaa ñaaƴaa fo o woor, oxe genna na luq-luq o mat xan a mos o weej.

2 Timote 3:5

Xan a ne’ooxaa reereef a ƭat Roog, ndaa njaɓkee ke refna doole o reef a Roog. Yufi wiin nandu naaga!

2 Korint 6:12

Refee muk ee in mbeganu a nuun a qeeñ in, ndaa nuun o mat mbeganu a in ake nuun.

O leetar ole Pool a bindna GIMU WE NGENNA ROM 7:13

Yaaga boog, ndax ke faaxna na waraxam? Ha’aa o mat! Bakaad fee fi’un. O ten o mat wartaxam ke faaxna. Neene kebil ne a laltitu ke bakaad a refna no ndigil, soo a feeñil ne ta faaxaƭaritna tigi.

YEGIL MBAAX NE YEESU ne Saŋ a bindtuuna 8:39

A ndoonaan ee: «Abraham refu faap in fe!» Yeesu a laya yee: «Nu ndeeƭangaa xa ƥiy Abraham, nu saq a pi’oorooƭ Abraham.

Mace 3:8

Saqyo boog a pi akaa lalitna yee nu mbesa pakaad nuun a cinj.

Mise 3:9

Nuun kelfa ke no mbind Yakoob, nuun gelwaar we no mbind Isra’el, nan-gilooxyo kene: Kaa nu sib o cofel ole, ƭapaa fop ke refna a ƭat.

Yeremi 2:4

Nuun mbind Yakoob, nuun a qaw ake Isra’el fop, nan-gilooxyo fa lay fee no Yaal oxe.

Esayi 58:1

O Yaal oxe kaa tee: «Falalooxi a maak, fañ o waas. Fat o ñuxur of a nannoox koƭu nen fangax a luuƥ. Yegni xeet es njofaƭar den, andnoor we no mbind Yakoob pakaad den.

Xa peƭit axe 14:2

Oxe na ñaaƴaa no cofel kaa saɗar o Yaal oxe, oxe na xotaa a ƭat a quƴooxu ke mat kaa xeefin.

Xa peƭit axe 2:7

Kaa yaxandooxanaa jofu we baneex tigi, a ref pegoor no wiin wooru we.

A kim a tedu ke 119:65

O Yaal oxe, ne regtitanoona, fi’anaxamo paax, mi fee o tag of.

A lim ale 11:23

O Yaal oxe a doona a Moyiis ee: «Ndax a jega kaa xoxaxama? Ndiiki o ga, ndax ke layoonga xan a jeg mbaat jegkee.»

A kim a tedu ke 119:68

O Yaal oxe, kaa o faax too fi’aa paax, aqatinaam ke dalnoona.

A kim a tedu ke 18:26

O Yaal oxe, kaa o gore no xe gore’na too ŋañkiro oxe ñakna ŋañel.