Mise 2:4 - NQAARIIT NE ROOG

⁴ A koom xan nu naxoorteel, ngimaneel a kim a ƭomatax alene yee: «I ngefe tuƈ! Saax le na xeet es a cooxe lakas. A jaɓe na mi, fañ we a nqaajrandel lanq in.»

Mise 2:4 Referans Kwoze

Habakuk 2:6

«Kaa koy, xan qeet keene fop a naxooxaa a den, a nqaadnoortaa a den o feƭit ee: ‹Sabab took no xe na fokatanooxaa kalal kaa ta jegeerna, a geeraa kaasnit! Ndi neene boo a mban?

Mise 1:15

Nuun we ngenna Maresa, xam ɓisaniid a nuun oxaa na jaɓkaa saax nuun. We ndeeƭna qaaƴoor ke Isra’el xan a ƭasik taa no luf naa Adulaam.

Yeremi 9:10

O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»

Esayi 24:3

Lanq ke xan a mbes a pec, a seeƭel fop, yaam o Yaal oxe layu keene.

Esayi 6:11

Maaga, laamtaam ee: «O Yaal oxe, boo a mban neene?» A doonaxam ee: «Boo yaa teeru ke a ngefkeel tuƈ, a mbes a pec, pind ke a yoq o ƥor, soo xa saawit axe yee halit nen a koƥ-a-ƥor,

A cangatin ale 28:29

nu naƥnaa njoloor o mbuc nen yaa ta reeƭna no niɓaan ne o puul a naƥnitaa, too nu ƭaaykee no yuuƥ ke nuun. Xan nu toroxandeel ñaal nuu refna, njangaleel, too o leng ƴufgiidkee a nuun.

A lim ale 23:7

Balam a laya xa ƭelem axene: «Balak fee o maad Mowaab a intiidaxam Araam, a fudnitiidaam na xa coong axaa no batand ne yee: ‹Gari salooxanaam a Yakoob! Kaam ee gari halakanaam a Isra’el!›

Mark 12:12

Aa-adax we a mbaaƭooga naa da ndamtuuna, yaam a and’a xil ee den o mat taxu Yeesu a lay a naxax aleene. Kaa koy, kaa saɗar’u wiin mayu waa. Ten taxu a nqaƴaan, soo a ndet.

Sofoni 1:2

O Yaal oxe kaa tee: «Xam watin fop ke refna took lanq ke.

Mise 2:10

Inooxyo, ndet, yaam meeke refatee o ñootnooxand! Xan nu njeg xa ƭomel tigi, yaam ne nu nqoolaƭarandna a qoox nuun!»

Amos 5:17

A koom alaa um xaañkaa a ndeer nuun, xan xa paɗax a njibit no qol oluu refna.» O Yaal oxe layun.

Amos 5:1

«Nuun mbind Isra’el, nan-gilooxyo a ƭomatax es took nuun.

Yowel 1:13

Nuun saasadax we, nderooxyo xa saaku too naqadiloox! Nuun we saqna calel ke no sadaxand ole, ƭomatooxyo! Ngaryo mbe fo xa saaku xe, nuun we na njalanaa a Roog es, yaam sadax tuufe-duufe fa sadax biiñ ƥisiidataand no Mbind ne na Roog nuun.

Yowel 1:8

Ɗomatooxi nen o njaaƈ o ndoog onqaa derooxna o saaku, yaam ne o fes um a xonna.

Heseki’el 16:44

«Oxuu na laytaa xa peƭit xan a feranong o feƭit olene: ‹O ƥiy o ndew ya um a noonaa!›

Heseki’el 2:10

A dortaan mbaambir es, ta bindel na xa saax xa ƭaq axe. Kaa bind’el teen ee: «Ƭomatax, a coytax, xa iin.»

Yeremi 14:18

Um sutooxangaa na koƥ alaa, waa yenitna na xire doŋ um ga’aa, um rokiid kam teeru fee, ga’aa waa na nqonaa fo nqeex. O tuleer oxe fo o saasadax oxe sax owe mbidaa kam saax le, ndaa andee xar a ngelu o mbi.»

Yeremi 4:13

O pañ oxe xey a garaa nen a eel o ufang, a sareet-xire ke ten a nandtaa a und, pis ke ten a moƴ o ñof a canjiik. «Sabab took in, yaam i ngefe tuƈ.»

Esayi 14:4

xan o xaadnoox o maad oxe Babilon, gimanan ee: Nam keene a waagoortu? O ñaañagadil oxe a wata, kañaan um a ñuf!

Ke bindeena no xe ne’eena YOB 27:1

Yob a xoxtahina a xoox um ee:

2 Caloori ke 35:25

Yeremi a gimana a Yosiya a kim a mboy, giigim we fop, goor fo rew, a ngimana a Yosiya a kim a mboy akaa maadna o ngimeel boo no ñaal roog ne xaye, ne ta dalniteena kam Isra’el. A kim akeene kaa mbindel na kim a ƭomatax ake.

2 Sami’el 1:17

Maaga, Dawid a ferana a Sawul fa Yoonatan a kim a mboy aleeke

A lim ale 24:15

Maaga, Balam a laya xa ƭelem axene: «Mi Balam fee o ƥiy Bewoor, keeke refu ke um yegnitaa, mi o yaal o ga o xooɗu le.

A lim ale 24:3

Maaga, Balam a laya xa ƭelem axene: «Mi Balam fee o ƥiy Bewoor, keeke refu ke um yegnitiidaa, mi o yaal o ga o xooɗu le.

A lim ale 23:18

Maaga, Balam a laya xa ƭelem axene: «Wo Balak fee o ƥiy Sipoor, inooxi nan-gilooxaam a paax!

Yeremi 6:12

Pind den xan a ndaawnel wiin lakas, xa qol den fo rew den fop, yaam xan o ɓay es a dal took no we ngenna no saax le. Mi o Yaal oxe layun.

Yeremi 8:10

«Ten taxu, o Yaal oxe a laya yee: Xam coox rew den wiin jan, xa qol den, um coox a den we na njaɓkaa a den. Yaam no ke xotitna no xe moƴna o neew boo no xe moƴna o maak, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Mise 1:8

Xam lool soo ɗomatoox yaam taamaala feene, ñaaƴaa a caf a ƥor, yoq duŋ, faa’uund nen o ɓox-a-koƥ soo xirtooxaa nen a ba ake.

Yeremi 9:16

Keeke o Yaal oxe Hupna fop a layu: «Nqalaatyo a paax ke layuuma! Nqoyyo rew we na ƭomatooxaa, da ngar! Nqoyniidyo rew waane’u we!»