Mise 2:3 - NQAARIIT NE ROOG

³ Ten taxu keeke o Yaal oxe a layu: «Nga’yo, mexe yuuɓanaa fiifi paaxeer nandu ne nuun taamaala. Nu ndaɗkee a qaw aleene, too nu ñaaƴkatee xa cok nuun took, yaam waxtu o njakad oo.»

Mise 2:3 Referans Kwoze

Amos 5:13

Ten taxu, oxuu jegna yiif xan a geekoox, yaam jamaane fee felee.

Yeremi 8:3

Fa nqon na moƴkaa yee o ñoow no fop we na yoqkaa na xeet fa ngañaanu feene, no fo mbiñ fo mbogreer ne um pasarkaa a den fop.» O Yaal oxe Hupna fop layun.

Yeremi 18:11

Ndiiki koy, layi wiin we Yudaa fo we ngenna Yeerusaleem ee: Keeke o Yaal oxe a layu: Mexe fexeyanaa a nuun taamaala, yuuɓanaa a nuun yuuƥ paaxeer. Fat oxuu refna na nuun a fes a ƭat a paaxeer um a cinj. Njagandatinyo a ƭat nuun fo a pi nuun.

Saak 2:13

Oxe yirmeerna o kend um, na bes faa na hate faa, Roog yirimkiran itam. Kaa koy, o yirmangaa wiin lakas we, saɗarkiro mbaambir no Kaahate xe.

A ƭomatax ake 5:5

Kaa i ngen no ñagadileel, too i nqijangaa sax oo, taxkee i nqaƴel ñootnoox.

A ƭomatax ake 2:17

O Yaal oxe a fi’a ke ta yuuɓ’ina. A fadna ke ta lay’ina, ke ta fosoox’ina, yaa o leng a andeerna: A yaqa too yirmee dara. A fi’a boo o pañ of a ɗaay, a ci ñaañagadil of o ndam.

Efees 5:16

Njiriiñoorityo o daaw oluu nu njegna, yaam jamaane fee i ndefna felee.

O leetar ole Pool a bindna GIMU WE NGENNA ROM 16:4

Weene a liil’a o ñis den no xoƥ nquƭ, ndax da mucil ole mi. Refee yee mi feeke soom na gidmaa a den, ndaa pokatax ke no gimu we ndefeerna Yaawuur fop sax kaa ngidmaa a den.

Mise 2:1

Sabab took no we na yuuɓaa paaxeer, a ƭaapaa njofaƭar, yaa da mbondooxna o yeng sax! Njeeƈ ne xaa wataa, da mbadnin, yaam a mbaagin.

Amos 2:14

O ƴiƴ sutkee teen o leng, doole ne’aand, njambaar a jalan.

A ƭomatax ake 1:14

O ɓay um a ŋaƭa kadoor ke no njofaƭar es. Kaa da laxasoor, a iroox no cok es. O Yaal oxe a leeƈa cer es fop, a ɓoxotaam na xa ƥay axaa waageeruuma o xuƈtoox.

Yeremi 43:2

Asariya fee o ƥiy Hosaya, Yohanan fee o ƥiy Kare’a fo goor felnooxu we fop a laya a Yeremi yee: «Ke o layaa jegee, o Yaal oxe Roog in lulirang o lay a in ee i mbaree o ndet Misira, ndax i laqook maaga.

Yeremi 36:23

A mbanuu Yehudi a jang’ina xa per xa tadaq mbaat xa nahaq, o maad oxe a seeltooga a den nduus ne no piibind oxe, a deɓ a den kam fiɗel le no taƭoor ke, boo neene o laxas safe le fop a sooyu.

Yeremi 34:17

Ten taxu, mi o Yaal oxe um lay a nuun ee: Nu nan-gilooxiraam, ndax oxuu refna na nuun a yegnit a bat ale no pog um fo no kend um. Yaaga koy, mi o Yaal oxe, mexe yegnitaa yee xam waas xire fee, piste fee fo biim le, da yen took nuun, ndax maat ke na adna fee fop a ndiid, yaa da nga’kaa a nuun.

Yeremi 27:12

Daawnaam deŋ a Sedekiya fee o maad Yudaa leng kut ke yee: «Njaɓyo ngadoox a kadoor ale o maad oxe Babilon a seraa a nuun, ndagooxin, ten fa xeet um, too yaaga xan nu ñoow.

Esayi 5:19

Kaa da layaa yee: «Fat a ñofand, fat a ñof o fi ke ta hebooxna, ndax i nga’in. Fat yuuƥ ne no Tedu xe Isra’el a fadnoox, ndax i mbaagin o njaɓ.»

Esayi 3:16

O Yaal oxe kaa tee: «Feek xa ƥiy xa tew axe Siyoŋ kaa nga’atinoox, a ñaaƴtaa jad o cok soo a ƭeettaa nga’yaamoo, a seŋeƈaa soo a mbangnaa a ƈang-a-caf den,

A cangatin ale 28:48

xan nu ndagooxaa fañ nuun we o Yaal oxe a ɓisaniidkaa a nuun. Xan nu nqeexel, ngoɗomel, ƥangdel, ñak fop. Xan o Yaal oxe a gadin a nuun kadoor njelem, boo yaa ta moocandkaa a nuun.

Amos 3:1

Nuun we xa taan Isra’el, o Yaal oxe a laya yee nu nan-giloox ke ta layna took nuun, nuun we ta sutitna no saax laa Misira.

Amos 3:2

Kaa tee: «Kaam ɗeet a nuun ndeer qeet adna, jil a nuun. Ten taxu xam xaw a nuun a qaw alaa moƴna o ɗom yaam njofaƭar nuun.»

Esayi 29:20

yaam o ñaañagadil oxe a wata meen, o qaaxaadnax oxe a sooƴ, soo fop we ƥerexoogna, ndax da mbi lakas we paaxeer, a saŋkel,