Mise 2:13 - NQAARIIT NE ROOG

¹³ Oxe na halkaa a ƭat ale xan a adooxan a den. Xan a sex o gur, a ndeef no ndokand ne, a sutoox. O maad den xan a fodan a den mbaambir, o Yaal oxe xan a adooxan a den.

Mise 2:13 Referans Kwoze

Esayi 52:12

Nu sutoorkee ñofandax, too nu ndetitkee a kaat, yaam o Yaal oxe refu oxe na fodkaa a nuun mbaambir, Roog fee Isra’el na adinkaa a nuun itam.

Mbeeñil 17:14

Xan a song o Mbaal onqe, ndaa xan o Mbaal onqe a maaf a den, yaam ten refu o Yaal oxe no yaal we fo o Maad oxe no maad we. Ten fo we mbogna no ten, ndefna we nqoyeena fo we njileena fo we ngimna, xan a maafandoor a den.»

Mbeeñil 7:17

yaam o Mbaal onqe refna ndeer gamb no maad le na refkaa o Kaynaak den. Xan a ɗox a den na cur foofi le na ñoownaa, soo Roog a forit xa kooniit den.»

Hebre 6:20

Yeesu eetu o rok a in maaga, too in sax a rokanu nen o saasadax o maak oxaa na refkaa boo faw ne ta ɗaapit’eena na Melkisedek.

Sakari 10:12

Xam fi xeet es a njeg doole, a ñaaƴaa no gon es. Mi o Yaal oxe layun.»

Dañel 2:44

No camaane ke no maad weene, Roog fee na asamaan xan a dalin maat naa gefkaandeena boo muk, too ɓoxotkaand na xa ƥay no qeet lakas ke. Maat neene xan a duguñ maat keene fop, too xan a ref bo na moos boo moos,

Esayi 55:4

Fi’’aanum o seede no qeet ke, dalnin nen kelfa fo o yaal a saax ake.

Esayi 42:7

Xan o wet a kid no we mbuulna, wat we ndameena, soo we ngenna no niɓaan ole, o sut a den no ngupuus onqe da ndefna.

Hoose 13:14

Ndax xam suqit a den na katil fee jaaniif, wat a den na fa nqon fee? Cey fa nqon, taa taamaala of? Wo jaaniif, taa yaq fee wo? Kaam koon yirmande fee.

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

Esayi 51:12

«Mi yoo, mi refu oxe na yaalaa a nuun. An refo boo saɗaraa o kiin oxe na xonkaa, o ƥiy Aadama fee muj um a refkaa nen fee no daaƭ le?

Mise 2:12

O Yaal oxe kaa tee: «Nuun xa taan axe Yakoob, a woora yee xam fokat a nuun, nuun we yoqna na Isra’el, um koltirand a nuun, korolit a nuun nen paal kam ged, too xan saax nuun a may fo combol no wiin sawaru nen o suufand olaa mayna gañ fo paal fo pambe.»

Mise 3:1

Maaga, layaam ee: Nuun kelfa ke na xa taan axe Yakoob, nuun gelwaar we no mbind Isra’el, nan-gilooxyo! Mee ndax nuun mbaru and ke jofna!

A sutax ale 14:19

Malaaka fee Roog ñaaƴoogna mbaambir Ii-isra’el we a riƈatooxa, a fodik a cinj den. Eel le ɗoxoogna a den oo, a riƈatooxa, a fodik a cinj den,

Yosuwe 3:6

Yosuwe a laya saasadax waa yee: «Meeɓyo arka ne no ngiɓoor ne, adooxan xeet fee.» A ndalfooxa o meeɓ arka ne no ngiɓoor ne, a ñaaƴ, a adooxan xeet fee.

Hoose 2:2

Yudaa fa Isra’el xan a mbokatoor, a mbog o aa-adax o leng kut soo a ngame saax le, yaam ñaal ne Yisre’el xan a magin lool.

Mise 4:7

No we na laƴaa, xam sutit na den yoqatin laa ñufkeerna, no we pasareena, um sutit na den xeet fa njegu doole, too xam maadooxan a den took o joong ole Siyoŋ, mi o Yaal oxe, no kaa xotitna a koom boo kili.