Mise 2:12 - NQAARIIT NE ROOG

¹² O Yaal oxe kaa tee: «Nuun xa taan axe Yakoob, a woora yee xam fokat a nuun, nuun we yoqna na Isra’el, um koltirand a nuun, korolit a nuun nen paal kam ged, too xan saax nuun a may fo combol no wiin sawaru nen o suufand olaa mayna gañ fo paal fo pambe.»

Mise 2:12 Referans Kwoze

Heseki’el 36:37

Keeke layum, mi o Yaal oxe na refkaa boo faw: Xam xaƴahin Ii-isra’el we da ƈufginooxaam too xam jaaɓ a den yaa um mayƭandkaa a den boo nen ged.

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.

Mise 7:14

O Yaal oxe, gayti xeet of o loq o gayir ole wo, o siir ole jegoodoona, kesooxna kam lanq maasu ke ndeer a ƭing ake! Fat da suuf kam Basan fo kam Galaad, nen camaane kaa yaaga!

Mise 5:7

We yoqna na xa taan axe Yakoob ndeer a saax ake, a ndeer qeet mayu, xan a ndef nen njogoy kam puufuɗag lakas ke, nen njogoy njanglax kam ged. Yaa ta songkaa mbuufuɗag um, xan a dak, a lisit, too o leng suqitkiran no ten.

Amos 1:12

Xam fudin fiɗel took Temaan, ta raaɓ pind no maad ke Bosra.»

Heseki’el 37:21

Cinj kaaga, fat o lay a den ee: Keeke o Yaal oxe na refkaa boo faw a layu: Xam sutit Ii-isra’el we a ndeer qeet ke da ndet’ina, fokat a den soo nomtiid a den no lanq ke den.

Heseki’el 34:31

Nuun paal es, paal ke no siir ole mi, wiin nu ndefu, soo mi um ref Roog nuun. Mi o Yaal oxe na refkaa boo faw layun.»

Heseki’el 34:22

xam mucil paal es, ndax mbalitkataand, too xam hate ndeer mbaal fo ngend um.

Heseki’el 34:11

Keeke layum, mi o Yaal oxe na refkaa boo faw: No ke xotitna ndiiki, mi fa xoox es na bugko topatooxaa paal es, gayaa a den.

Yeremi 23:3

Mi fa xoox es xam fokatit onqe yoqna no paal ke mi na saax ake fop rax’uuma a den, nomtiid a den na xa suufand den, maa da ndimatiritkaa soo a may gañ.

Esayi 34:6

Laƥ ne no Yaal oxe kaa siidaa fo fo’oy, a neƥaa fa neebam, ta ref fo’oy le no fo mbaal ne fo le na suk pambe ke, neebam fee na qisiil ake na suk paal ake, yaam o Yaal oxe a fi’ane sadax kam Bosra, a bar a ƭomu kam saax le Edoom.

Esayi 27:12

A koom, xan o Yaal oxe a bac xa yaƥ axe, no kaa xotitna no xuluɓ ole Ofrat boo na ƈufnand alaa Misira, soo nuun Ii-isra’el we, nu ngiseel o leng o leng.

Esayi 11:11

A koom, xan o Yaal oxe a letnahin o ɓay um, ndax ta wat yoqatin we na xeet um na muckaa Asuur fa Misira fa Patros fa Kuus fa Elam fa Sine’aar fa Hamat fo na pimb ake no maag ole.

Yeremi 3:18

A koom, we Yudaa xan a soƥik we Isra’el, soo den fop da yoonandoortiid no saax le no ɓemb-roog o janoon, a njagin no saax le ci’uuma daan nuun nen lamatir.»

Mberaand 36:33

Bela a xona, soo Yobaab fee o ƥiy Serax fee genna Bosra a rondandin no maat naa.

Esayi 5:17

Paal ke xan a suufaa no piitnatin ke na teeru fee nen xa suufand den, soo fo mbambe ne na yableel a mbaaƭtaa teen ñaamel den.

Mise 2:13

Oxe na halkaa a ƭat ale xan a adooxan a den. Xan a sex o gur, a ndeef no ndokand ne, a sutoox. O maad den xan a fodan a den mbaambir, o Yaal oxe xan a adooxan a den.

Mise 4:8

Wo ñaang le Siyoŋ na yetooxaa xeet fee nen taax-took yetooxand, xan o jegatin sañ-sañ fee wo yaaga. Yeerusaleem xan a refatin teeru fa maak fee no maat ne.»

Mise 5:8

«Fat o ɓay of a dal took no fañ of, da moocandel, den fop!»

1 Caloori ke 1:44

Ye Bela a xonna, Yobaab fee o ƥiy Serax, too a gen’u Bosra, a rondandaan.

Heseki’el 34:13

Xam sutit a den a ndeer qeet ke, fokatit a den na saax a pogreer ake. Xam gay a den took xa coong axe Isra’el fo kam a nap ake na xa quluɓ axe fo no fo mbiñ ne na ngeneel no saax le fop.

Sofoni 3:20

Na jamaane faaga, xam fokat a nuun, nomtiid a nuun, fi nu njeg gon, simateel a ndeer qeet ke no lanq ke fop, yaa um supitkaa o roxanqol ole nuun na kid nuun. Mi o Yaal oxe layun.»