Mise 2:11 - NQAARIIT NE ROOG

¹¹ A jeg’angaa oxaa na yegnitaa xa koɓong, a maaɓaa a nuun ee: «Biiñ fo a yer a qaaɗu xan a naang gañ», oxeene waagkoogu refan xeet fene o tuleer.

Mise 2:11 Referans Kwoze

Yeremi 5:31

Duleer we kaa yegnitaa xa maaƥ xa ƥor, saasadax we a ƈufanaa ke faaxna na den soom, soo xeet es a yoon no keene. Ndi xar nu mbi’kaa, yaa keene a faafkaa?»

Yeremi 28:15

Cinj kaaga, Yeremi a laya o tuleer Hananiya yee: «Nan-gilooxi a paax Hananiya: O Yaal oxe lulirang, soo wo, o riñ xeet fene no ngooloox xa maaƥ.

Yeremi 23:32

Yooniim fo we na yegnitaa xa ƭaaɗ-a-qaamiit, a mbetandooxaa a den soo a mo’andtaa xeet es xa maaƥ den fo a magnandax den. Mi koy, luliim a den, hebliim a den dara, too njeganee xeet fene o njiriiñ o leng. Mi o Yaal oxe layun.»

Yeremi 23:25

«Mi o Yaal oxe, nanaam ke duleer we na yegnitaa xa maaƥ no gon es a layna. Kaa ndamtin ee: ‹Ɗaaɗaam, ɗaaɗaam!›

Yeremi 23:17

Kaa ngen no layaa we nqeefaxama yee: ‹O Yaal oxe kaa tee: Xan nu njeg jam.› Kaa layaa fop we na ndeefaa o saƭik xoox ole den ee: ‹Paaxeer leng dalkee a nuun.›

Yeremi 23:14

Ke ga’uuma no duleer we Yeerusaleem koy moƴu o sednoox. Kaa seeqaa, a ngen na xa maaƥ, a saƭakinaa we na mbi’aa paaxeer, ndax o leng feskee kañaan um a cinj. Den fop kaa nandaam nen wiin we Sodoom, we ngenna Yeerusaleem a nandaam nen we Gomoor.»

Yeremi 14:14

Kaa koy, o Yaal oxe a layaxam ee: «Xa maaƥ xa ƥor duleer weene a yegnitaa no gon es. Luliim a den, roxondiim a den tig, too layiim a den tus. Peeñil cegeer, yegnit koɓong fo naanaxir ke na qeeñ den a yegnaa a nuun.

1 Maad we 22:6

O maad oxe Isra’el a dalfooxa o fokat duleer we ndeeƭna ngap teemeed nahik, soo a laamit a den ee: «Ndax waraam o xire’ik, ndax um jangatin a Ramot kam Galaad, ndi kaam warin o xaƴ rek?» Duleer waa a ndoonaan ee: «Reti, too xan o Yaal oxe a ɓoxotin na xa ƥay of.»

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

Filip 3:19

A saŋkax na cungaa a den. O fud refu Roog den, o ndam den da ƥekin no ke na gaci’nooraa a den. Tig adna soom a nqalaataa.

O leetar ole Pool a bindna GIMU WE NGENNA ROM 16:18

Yaam wiin nandu neene, refee yee Kiristaa fee o Yaal in a ndagooxaa, ndaa xa pud den sax sax a ndagooxaa. Kaa ƈiƴtitaa a yiif no gimu we fa lay fa mbelu fa naanaxir.

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

Mise 3:5

Keeke o Yaal oxe a layu no duleer we na mo’andaa xeet es: «Kaa yegnitaa jam, yaa a ñiiñ den a njegna kaa da ƈaxna, we loginkeerna a den tig, da yegin a den xire.

Heseki’el 13:22

Yaam ne nu mboosɗandtaa xeeñ le no cofu xe xa maaƥ, yaa gooyɗandaneeruuma mi fa xoox es fo yaam ne nu saƭkandaa xa ƥay no soxodu xe, ndax nu yaqanin ta fes a ƭat a paaxeer um a cinj soo a ñoow,

Esayi 9:15

Ɗooɗox we na xeet fene kaa mo’and’un, soo a nduuxnoor a den a koƥ.

1 Maad we 13:18

O tuleer o nogoyu xe koy a xoxa, a layin ee: «Mi itam o tuleer refum nen a wo. Malaaka a daawnaxam fa lay feeke no Yaal oxe yee: ‹Ɓiseen no mbind of, ndax ta ñaam soo a yer.› » No keene fop koy, kaa ta maaɓoogun.

Ke bindeena no xe ne’eena YOB 31:5

Ndax kaam gen no maaɓaa juumaa, ƴiƴtaa wiin we, retaa?

Xa peƭit axe 25:14

Oxe na ga’atinooraa ci’it too cooxitkee a den, kaa nand nen o ufang.

Esayi 28:7

Den wene itam kaa njayang-njayangnaa yaam biiñ, soo a yer a qaaɗu xut ake a ngulmandaa a den: Saasadax we fo duleer Roog we kaa tifil-tifilnaa yaam a yer a qaaɗu ke, a njaxasoox yaam biiñ fee. A yer a qaaɗu ke kaa ngulmandaa a den, da tiipaa, yaa da njo’tanaa a Roog soo a layaa xa ƥaral, yaa da ngate’aa.

Hoose 7:14

Ƈufginooxiraam fo a qeeñ den fop, yaa da ƭomatooxaa took cong den. Kaa ñaasooxaa, yaa da nqeɗaxam bele fa biiñ soo a ngoƭaam.

A ƭomatax ake 2:14

Duleer we wo peeñil naanaxir fo tefee ndigil a njegu na wo. Ngultee njofaƭar of, ndax da mbinqanong muj fa mbaaxeer of. Ke da yegnoonga xa maaƥ fo naanaxir ƥor oo.