Mise 2:1 - NQAARIIT NE ROOG

¹ Sabab took no we na yuuɓaa paaxeer, a ƭaapaa njofaƭar, yaa da mbondooxna o yeng sax! Njeeƈ ne xaa wataa, da mbadnin, yaam a mbaagin.

Mise 2:1 Referans Kwoze

A kim a tedu ke 36:4

Ke ta layaa fop xa maaƥ fo naanaxir oo, cagu fo o fi paax, ta waas a den pelek.

Esayi 32:7

O naanax oxe ƥonax qaƥu a jegu. Kaa ɗaapaa yuuƥ paaxeer, ndax ta gefit o ndool onqe xa maaƥ soo a xañtin ɓur um.

Nahum 1:11

Na wo Niniif, oxe yuuɓanna o Yaal oxe paaxeer a sutooru, oxe saq’ina yuuƥ caree tus.

O leetar ole Pool a bindna GIMU WE NGENNA ROM 1:30

Kaa da yaqraa ƭool a ndeer den, a mbañ a Roog, a yarwaƭar, a magnandoox, a kañooxaa, a saɗ no mbexeyaa paaxeer, a mbañ o njaɓan we ndimna a den.

Yeremi 18:18

Maaga, a jega waa layna yee: «Ngaryo i yuuɓan a Yeremi yuuƥ paaxeer, yaam i ñakee saasadax waa njangnitna kebil ke, yaal-o-and waa cooxna a in xa as fo duleer waa ndaawnitna fa lay fee Roog. Ngaryo i yaq ƭool um, too ba a ƭat in a yong no fop ke ta layaa a in.»

Esayi 59:3

yaam xa ƥay nuun kaa yedin, qol nuun a ndoɗig yaam tooñ, too nu yaƥatangaa, xa maaƥ taxun mbaat njofaƭar.

Xa peƭit axe 4:16

Wiin weene ƭaankee muk, a refangee kaa mbi paaxeer. Sagkee a ngid, too maafee o kiin.

Xa peƭit axe 3:27

Dimle’i oxe refna na soxla, yaa waaganoona.

Mberaand 31:29

Jegaam sañ-sañ o fi a nuun a pi laƥ, ndaa Roog fee na faap ofiin a layaxam faak ee: ‹Wootooxi o lay a Yakoob tig!›

A pi ake 23:12

Yaa a kid akaa a nqoolna, Yaawuur leng-leng a ƭaapa pexey, too a ndaaɓooxa yee a refangeerna kaa mbar a Pool, ñaamkatee, yerkatee.

YEGIL MBAAX NE YEESU ne Saŋ a bindtuuna 19:11

Yeesu a doonaan ee: «Jegkoogiro sañ-sañ fa leng na mi, Roog a coox’angirang o ten. Ten taxu, oxe ɓoxotaxama a ndeer xa ƥay of a fi’a bakaad faa moƴna o magin fee wo.»

A cangatin ale 28:32

Xan xa ƥiy nuun xa koor fo xa tew a ƥoxotel na xa ƥay no qeet lakas ke na kid nuun, nu ƈooklooxaa a den ñaal oo ñaal, too nu mbaagkee teen tig.

A pi ake 23:15

Ndiiki boog, nuun fo Mal maak ne, nqeɗyo a kelfa fee no xiixire juni we, ndax ta ɓisiidin mbaambir nuun, nen yaa ta soƥ’ina yee kaa nu mbug’u ƭeet mbir um a qool qac. Yaam in o mat, i njagandooxa ndax i mbarin boo ta helko fo fadiidaa.»

Xa peƭit axe 12:2

O kiin oxe faaxna felu o Yaal oxe, oxe mayna fo naanaxir o mat kaa gadneel tooñ.

YEGIL MBAAX NE YEESU ne Lik a bindtuuna 20:19

Jaajangin waa no kebil ke Moyiis fo saasadax maak waa a and’a a paax ee den taxu Yeesu a laytaa a naxax alaaga. Ten taxu kaa mbaaƭoogu maa da ndoonitna a Yeesu o ɓay na waxtu faaga sax sax ta layoogna, ndaa kaa saɗar’u xeet faa.

Mark 15:1

No nqes naa, yaa mbeet naa a xoolaa, saasadax maak waa a mbokatoora fo maak waa fo jaajangin waa no kebil ke fo Mal maak ne fop, ndax da ƭaap pexey den. Yaa da ngumna a Yeesu boo a ƈut, a ƥisaan, soo a ƥoxotin a Pilaat.

Heseki’el 11:2

O Yaal oxe a layaxam ee: «Wo fee o ƥiy no kiin, goor weene ndefu we na yuuɓaa paaxeer soo a cooxtaa xa as xa paaxeer kam teeru fee.

Esteer 9:25

Kaa koy, yaa o maad oxaa a yegna kaaga, a bindnoora kebil nqas, soo paaxeer ke Haamaan a yuuɓan’ina Yaawuur we, a sagoox took um, soo ta rokel o ƥaak no cok, a lokel no reex laa, ten fo xa ƥeem.

Esteer 5:14

O teem Serek fo qaariit ke fop a layaan ee: «Fat reex jiig laa o cigdel ole a fi’kaa xa noonoong qarɓeen ƥetik a sipel, soo o feet nqes o xeɗ o maad oxe, ndax Mordokay a rokel o ƥaak no cok soo a lokel teen. Neene, xan o waag o yoon o maad oxe fo o ɗaay no mbumbaay naa.» Pexey naaga a fel’a a Haamaan, soo ta sipin reex le.

Esteer 3:8

Haamaan a laya o maad Asuwerus ee: «Daali maad, kaa jeg xeet faa ndefna xeet a qoox den, a pasaroox kam xa cegel axe no maat of fop. Kebil den kaa njektir fo ke no qeet lakas ke fop, too ndeefkee muk bargal of. Refkee ngoora of, yaa xaƴoona a den fo njaambuur den.

Ke bindeena no xe ne’eena YOB 24:14

O baawar oxe kaa inooxaa lanq ƥutu, a war o ndool o ñaatu nqe, a ɓeedaa no yeng ole.

Xa peƭit axe 14:22

Ndax we na yuuɓaa paaxeer naangee mo’aa? We na yuuɓaa paax o mat xan a ndaaw o mbeq fo ngor.

Esayi 29:20

yaam o ñaañagadil oxe a wata meen, o qaaxaadnax oxe a sooƴ, soo fop we ƥerexoogna, ndax da mbi lakas we paaxeer, a saŋkel,

Heseki’el 33:26

Kaa nu ngooloox laƥ nuun, mbi’aa cednooxu, oxuu refna na nuun a rokaa no tew no kend um, soo koy nu mbug o ndef we njegna saax le!

Heseki’el 38:10

Keeke layum, mi o Yaal oxe na refkaa boo faw: A koom xan a qalaat a inoor no xeeñ of soo o fof yuuƥ mbaaxeer

Heseki’el 46:18

O kelwaar oxe koy, waree o jaɓ kaa oxaa fogna na xeet fee a jegna, tee kaa suqtaa o jeg um. Ke ta cooxkaa xa ƥeem nen lam, xan a xottin no ke ta jegna, ndax o leng na xeet es ñakkee o jeg um.»

Mise 6:12

Wo Yeerusaleem, yaal kalal ke wo wiin fo’oy a ndefu, we ngenna me wo a layaa xa maaƥ xa ƥor, ɗelem den a ref naanaxir.

Sakari 7:10

Ba nu toroxand o ñaaw oxe mbaat o waan ole, o gataakoon ole mbaat o ndool onqe, too ba nu yuuɓanir paaxeer. Mi o Yaal oxe Hupna fop layun.

1 Maad we 21:7

Maaga, Isebel fee o teem a layaan ee: «Ndax kaa refatee yee wo na maadooxaa kam Isra’el! Inooxi ñaam too felakinoox, mi o mat na cooxkang a ƭing taxar biiñ ale Naboot fee genna Yisre’el.»

Ke bindeena no xe ne’eena YOB 15:35

Oxe na fudaa paaxeer, sabab a ñootaa, too o rim um naanaxir ƥor oo.»

A kim a tedu ke 36:5

Yuuƥ mbaaxeer um, no njong um a waajtan, a reefaa a ƭat a cageer ale, a fañ o waas paaxeer.

A kim a tedu ke 58:3

Muk! Kaa nu ndiy mbi’aa njofaƭar, oraa o njakad kam saax le.

Esayi 3:14

A refa no hate’aa maak we fo kelfa ke na xeet um ee: «Nuun o mat mbiitnu a ƭing taxar biiñ ale, ngeer no pind nuun ke nu njaɓitna no rool we.

Esayi 5:8

Sabab took no we na siiseeraa pind soo a saltirandaa o qol fo o gend um boo yaa o lakas a jegkateerna maa ta genna, a refangee den soom.