Mise 1:7 - NQAARIIT NE ROOG

⁷ Nitaal roog ke ten fop xan a nduguñel, tabid qoolaƭaru ke ten a ndoxel. Xam fiitin pangool ke ten fop ta waaƭitna tabid ke no njaga ne ten, da ndefatinik tabid njaga lakas.»

Mise 1:7 Referans Kwoze

A cangatin ale 23:18

«Ba o leng no Ii-isra’el we, ta ref o koor mbaat o tew, a rok no njaga ne ɗeeteena nen tedu.

Hoose 2:12

Ndiiki koy, xam wolin ƭuc na kid na xa pes um, too o leng yaqankiraam o fi’in.

Mbeeñil 18:3

A yerna qeet ke fop biiñ fee ten refna ceeq. Maad we na adna fee fop a seeqa fo ten, soo jiijikax we na adna fee sax a njegit halal no neq um.»

Hoose 8:6

O nqeel onqe Isra’el a inooru, too refee Roog. O kiin o baane’u rek jalun. Ten taxu o nqeel onqe Samari xan a fi’el xa ƥek xa ƥek.

Mbeeñil 18:9

Maad we na adna fee seeqna fo ten, a neqit no ten, xan a naang ciic a lool, a ƭomatoox yaam saax leene, yaa da nga’kaa fo suun ole no dox ole ten.

Yowel 3:3

Xam lalit comlaand na asamaan fee fo took lanq ke, ta ref po’oy fo fiɗel fo fo suun olaa fi’na a eel.»

Hoose 2:5

Mbaat toox xam wolin ƭuc, fi’in nen bes faa ta rimeena, nandandin fo a koƥ-a-ƥor ale. Xam fi’in ta refat nen lanq beeru koroŋ, a xonaa fo a koɗom.

Esayi 27:9

Keene na refkaa a bateer tooñ ne Yakoob, too keeke a baasan tooñ um a rimkaa: A ƥil ake na xa sadaxand axe fop xan a mokandel, ne jaagal a moxoñteel, too a teex a lupe ke Asera fo toxir qeeñe-xeeñe ke ngeenooxatinkee muk.

2 Caloori ke 31:1

A cinj xew fee, Ii-isra’el we fop ndeeƭna maaga a ndeta kam teeru ke Yudaa, a ngef a ƥil a sexe ke, a seɓ xa taaƴ xa lupe xe Asera, a ngirid a ñaang a sadaxand ake soo a njiƭit xa sadaxand axe fop kam Yudaa fa Bensame fo itam kam Efrayim fa Manaase. Cinj kaaga, Ii-isra’el we fop a nomtooxa no teeru ke den, oxuu refna no mbind um.

A cangatin ale 9:21

Jangaam o nqeel onqe garit’ina bakaad fee nuun, doxin riw, duguñin, mokandin bo tee rip soo ɓax ndaw ke na ƈufnand alaa na fudoortiidaa no joong ole.

A paɗax ale 26:30

Xam yaq a ñaang a sadaxand ake nuun, maaf toxir qeeñe-xeeñe ke nuun, fokat xa tal nuun took ƭaaq ke no pangool ke nuun, too xan nu mbasaam.

1 Sami’el 5:4

No feet olaa ƥiiɓ teel, wiin waa a yokooxa, a ngarahin, a soƥ Dagon a yenahin ƭaasin mbaambir arka ne no Yaal oxe. Xoox le Dagon fo xa ƥay axe fop kaa ƭeg’u, a ndef no peg ne no don-maax ole, ta yoqɗat o fimb ole doŋ.

Esayi 2:18

too pangool ke fop xan a ñuf.

Esayi 23:17

A cinj xa kiid qarɓeen ɓetuu ƭik axeene, xan o Yaal oxe a wetandoox a Tiir, too xan a daawatinaa ndabid um no njaga ne ten soo a jaga’aa fo maat ke na adna fee fop.

Heseki’el 6:6

Muu nu mbaagna o ngen, teeru ke nuun xan a mbes a pec soo a ñaang a sadaxand ake nuun a luƈtel. Neene, xan xa sadaxand axe nuun a yaqel, a mbaytel, nitaal ke nuun a ngefel soo a mooc, toxir cuuraay ke nuun a nduguñel, soo ke nu njalna a sooƴ.

Hoose 2:14

Xam fiitin a ƭing taxar biiñ ake ten fo tun ke ten, ta layoogna yee: ‹Ndabid ne xa pes axe mi a cooxaxama yoo.› Xam supit a den suungaan, soo muumeen-a-koƥ ke a nduudin a den.

Hoose 8:5

Nuun Saasamari we, ndeɓ o nqeel wurus onqe moƴ’u na nuun. Fuux es a biltooxana a nuun. Kaa nu nqoolaƭarkaa boo a mban?