Mise 1:6 - NQAARIIT NE ROOG

⁶ O Yaal oxe kaa tee: «Xam fi a Samari juum kefatin, ta refat o qol olaa waageena jimb taxar biiñ. Xam joor a ƥil ake ten kam a yulanq ale, xaƴ a per ake ten, da naang faŋ.

Mise 1:6 Referans Kwoze

Heseki’el 13:14

Xam gaak saŋe ne nu ƭuumna. Xam maafin junjang boo a per ake ten ee faŋ. Xan a yurdoox soo nu saŋkoox a ndeer den. Maaga, xan nu and ee mi refu o Yaal oxe.

Mise 3:12

Ten taxu xan Siyoŋ a guurel, a refat o qol yaam nuun, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.

A ƭomatax ake 4:1

Xar oo kene? Wurus fee a ñaka meleƈ um, wurus fa nqoolu fee a suptoox! A ƥil ake no mbiñ o tedu nqe a pasarooxa no kooñ ke no ped ke fop!

2 Maad we 19:25

Ndax andiro yee mi yuuɓ’u keene yaaga, ɗaapin no camaane miñu kaa? Ndiiki koy, kaam fadnan rek. Wo jagand’um, ndax o gef teeru cegu saŋe ke, yaq a den pic.

Mace 24:2

Maaga, Yeesu a laya a den ee: «Nu nga’a nga keene fop de? No ndigil, mexe layaa a nuun ee: Yoqkee muul leng took muul gend um laa yenkeerna.»

Habakuk 3:13

Kaa o sutoox ndax o mucil xeet of, ƴufig oxe ɗuumoona. Kaa o duguñaa kelfa fee no soxodu we, yaqit mbind um a lanq boo took. A maaf

Amos 5:11

Kaa nu ndak o toroxu xe suur, njang ñaamel ke ta yaakaar’ina. Ten taxu nuun wey maxaa pind saƭku, ndaa nu ngenkee teen. A ƭing taxar biiñ ake nu njimbna a neqa lool itam, ndaa ndefkee muud nuun,

Yeremi 51:37

Babilon xan a refat juum kefatin, ngenand xa ƥox-a-koƥ. Xan a refat o njaaxɗataand fo qaadnooxel, too o leng genkatee teen.

Yeremi 51:25

Mi yoo wo oo, o joong o yaayaq ole. Wo Babilon fee yaqoogna lanq ke fop, xan o ɓay es a dal took of. Xam berengtiidong took-ee-took a ƥil ake, fi’ong o joong olaa doxeena riw. Mi o Yaal oxe layun.

Yeremi 9:11

Oxum o kiin jegu yiif, ndax ta and kene? O Yaal oxe a feeñlangaan o ten, fat a tekit ke taxna saax le a fes a pec, a doxel nen a koƥ-a-ƥor, maa o leng a reefateerna?

Esayi 25:12

Xan a maaf soo a fudin saŋe ciig ke wo saƭikna koŋ, a naag a den junjang boo kam fo ut ole.

Esayi 25:2

Tasaa teeru fee, fi’in juum a ƥil, teeru fa njegu doole fee, o gefin tuƈ, saŋe ne no qeet can ke refatee teeru too maxatinkaand boo muk.

2 Sami’el 17:13

A laqooxangaa na teeru sax oo, Isra’el fop xan a ƥisaniid teeru faaga xa tiis, too xan i ƭooqin na yulanq ale boo yaa ɓil leng sax a yoqkateerna teen.»

Esayi 17:1

Ke na dalkaa a Damaas: Te paam rek, Damaas limitkataand no teeru ke, yaam xan a refat ƭaaq ƥor.

Yeremi 31:5

Xan o jimbahin a ƭing taxar biiñ took xa coong axe Samari. We na njimbkaa a den xan a ƥoor xa tim axe.

2 Maad we 18:9

No hiid o nahkandeer ole no maat Hiskiya, fodirna fodir fo hiid o ɓetuu ɗikandeer ole no maat Hoose fee o ƥiy Eela kam Isra’el, Salmanasaar fee o maad oxe Asuur kaa song’u a Samari, a widin o kurul-keƥ.

2 Maad we 18:10

Teeru fee a jaɓ’e a cinj xa kiid xa tadaq, ta fodir fo hiid o ɓetuu fa lengandeer ole no maat Hiskiya fo hiid o ɓetuu nahkandeer ole no maat Hoose fee o maad Isra’el.

Amos 6:8

Mi o Yaal oxe na refkaa boo faw, ref Roog fee Hupna fop, mexe daaɓoortaa a xoox es ee: «A magnandax ale Yakoob a feƭaraxam lool, too bugiim o doon a ngid pind ke saŋe a yetooxaa o mosel den. Ten taxu xam fi wiin jan a ngar, a njaɓ saax le fo ke refna teen fop.