Mise 1:5 - NQAARIIT NE ROOG

⁵ Keene fop koy, tooñ ne Yakoob gartun, pakaad ke no mbind Isra’el! An ɓeku a Yakoob no tooñ neene? Mee ndax Samari yoo! An garu fo a ñaang a sadaxand ake Yudaa? Mee ndax Yeerusaleem oo!

Mise 1:5 Referans Kwoze

Amos 8:14

yaam kaa ndaaɓoortaa bakaad fee Samari yee: ‹Ndeer es fo xe na faɗooxeel Dan!› fo ‹Ndeer es fo o Cegu doole xe Beer-Seeba!› Ten taxu xan da yen, too inooxkatee muk.»

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

A ƭomatax ake 5:16

O ndip onqe no xoox in a yena! Sabab took in, yaam i mbakaada!

Yeremi 6:19

Lanq ke, nan-gilooxyo! Mi o mat na ɓisiidkaa took xeet fene taamaala fee a qalaat a paaxeer den a ndimna. Nan-gilooxee fa lay es too ngayee kebil es.

Yeremi 4:18

A pesoorooƭ of fo a pi of ngaru fo ke daloonga, wo Yeerusaleem. Kaa ref o rim ole no kañaan of. A woora yee kaa xaaɗ xut, too a roka boo kam xeeñ of.»

Yeremi 2:17

Ndax keene dalirang, yaam ne waasoona o Yaal oxe Roog of, ye ta ɗoxang a ɗox na ƭat ale sax oo?

1 Maad we 13:32

yaam no ndigil, o Yaal oxe daawnun ke ta yegnitna took o sadaxand ole Betel fo took fo mbiñ fo tedu ne na ñaang a sadaxand ake ndefna kam teeru fee Samari. Ke ta yegnitna xan a fadnoox.»

Amos 6:1

«Ndaw sabab took nuun, nuun we na ñoowaa no yaadax kam Siyoŋ, nuun we mboogna yee o joong ole Samari ngenand mbooru yoo. Kaa nu mbi’oox a salma-koor kam saax le adooxanna qeet ke, bo tee mbind Isra’el sax nuun a mbi’u yaakaar.

Hoose 7:1

wodand a Isra’el, tooñ ne Efrayim fo a pi a paaxeer ake Samari xan a mbeej. Kaa da maaɓaa, guuɗ we a ndokaa no pind ke, soo a yaj no yaayaq a pasaroor tafil.

Yeremi 5:25

Tooñ ke nuun o mat nootu keene fop, pakaad ke nuun a nqañ a nuun paax keene.

2 Caloori ke 34:3

No hiid o ɓetuu dadkandeer ole no maat um, a soƥ ta maad o refaa o ndeɓandoong, Yosiya a refa no waaƭaa o bug ole Roog fee Dawid fee o taan um. No hiid xarɓaxay fo ɗikandeer ole koy, a refa no xoolandaa a Yudaa fa Yeerusaleem na ñaang a sadaxand ake, na xa taaƴ xa lupe xe Asera, no nitaal ke no pangool cawne ke.

2 Caloori ke 34:4

Xa sadaxand axe Baaliin a njiƭte mbaambir um, ta gefin xa sadaxand cuuraay axe ndeeƭna took, soo xa taaƴ xa lupe xe Asera, fo nitaal ke fo pangool cawne ke, ta duguñ a den bo da mok. A mbufa mok-mok keene, a ƥaxin no poy ke no we ƥoxotoogna a den sadax.

Esayi 7:9

Teeru fee Samari, Efrayim soom a waxooxu, soo o ƥeenqe Remaliya a ref kelfa Samari rek. Nu ngimangee, nu mbaagkee saƭik.› »

Amos 7:9

A koom koy xan a ñaang a sadaxand ake no mbind Isaak a ngefel, pind roog ke Isra’el a njiƭtel, um inooxan mbind Yerobowam fo laƥ.»

Mise 1:13

Nuun we ngenna Lakiis, nguminyo pis ke na sareet-xire ke, yaam nu mbakaadnoora a Siyoŋ o ndoog onqe, siiknoor ne Isra’el a faqaqoor me nuun.

1 Maad we 11:7

Maaga, Salomo a maxa a ñaang a sadaxand took o joong olaa jasnoorna fa Yeerusaleem, a maxan a den a Kemos, roog fa sednooxu fee no Moomowaab we, fa Milkom, roog fa sednooxu fee no Aa-amon we.

1 Maad we 16:24

a jikta na Semer o joong olaa Samari no kilo qarɓeen ɓetuu fa leng fo kilo ɓetuu tadik xaaliis fa nqoolu. A maxa teeru took o joong olaaga soo a ne’in Samari, a reefandin na Semer fee jeg’uuna.

Yeremi 23:13

«Ke ga’uuma no duleer we Samari o fanxoy oo. Kaa njo’tanoogu a Baal soo a mo’andoogu a Isra’el fee xeet es.

Yeremi 23:14

Ke ga’uuma no duleer we Yeerusaleem koy moƴu o sednoox. Kaa seeqaa, a ngen na xa maaƥ, a saƭakinaa we na mbi’aa paaxeer, ndax o leng feskee kañaan um a cinj. Den fop kaa nandaam nen wiin we Sodoom, we ngenna Yeerusaleem a nandaam nen we Gomoor.»

Heseki’el 16:46

O maag of o tew oxe gartoonga no ɓemb-roog o janoon refu Samari fo xa ƥeem xa tew, soo o ndeɓ of o ndew onqe gartoonga no ɓemb-roog o ñamaak a ref a Sodoom fo xa ƥeem xa tew.