Mise 1:4 - NQAARIIT NE ROOG

⁴ Xa coong axe kaa naayaa ɗuga a caf um nen likaañ kam fiɗel, a yulanq ake a ngasooxaa, nen maa foofi laa na caarooxaa na pudnand a gasna.

Mise 1:4 Referans Kwoze

Nahum 1:5

Xa coong axe kaa sendaa mbaambir um, a ñaang ake a sooyaa. Kaa yo’naa lanq ke, adna fa muum fo we ngenna teen fop.

A kim a tedu ke 97:5

Xa coong axe kaa naayaa nen a qef mbaambir no Yaal oxe, mbaambir no Xe jegna lanq ke fop.

Habakuk 3:10

Xa coong axe waa nga’ang rek, a sendaa, mbuyaam a deɓiid, juwaam fee a fangnaa o ñuxur um, a yoɗ a yag-ee-yag ake ten took,

Habakuk 3:6

A geenooxangaa, lanq ke a yo’noox, ta ɗeet, qeet ke a sendaa. Xa coong xa miñu xe kaa ngirdooxaa, a ñaang ake ndefna, yaa maam a ɗisaa a kid, a sooy, den we ndeeƭna a ƭat ale ta reefoogna yaaga.

Amos 9:5

O Yaal oxe na refkaa boo faw Hupna fop, kaa doonaa nqol um took lanq ke, fop a yo’noox, adna fa muum a njaañoox, lanq ke a kuf-kufin nen o maag o riñu, a ŋiisin nen o xuluɓ ole Misira.

Haahate we 5:4

O Yaal oxe, ye sutooriidoona Seyiir, ye inooriidoona na koƥ alaa Edoom, lanq ke a yo’nooxa, asamaan fee a yuuraa, a eel ake a ndeɓiid foofi.

Mbeeñil 20:11

Cinj kaaga, ga’aam gamb no maad maak ran fo xe moofna teen. Lanq ke fa asamaan fee a qicooxa boo a ngoƭ mukit um, nga’ataand boo xoo.

Sakari 14:4

A koom, xan a dak a caf um took o joong ole no taxar Oliiw ke jasnoorna fa Yeerusaleem te no batand, too o joong ole no taxar Oliiw kaa xan a qaacoox a ndeer, a xotit no batand boo a sip no mudand, a refat a yulanq a maak, soo a seek a leng ale a riƈatoox te no ɓemb-roog o janoon, a seek a lakas ale te no ɓemb-roog o ñamaak.

A kim a tedu ke 68:2

Roog oxaa inooxaa, fañ we ten a pasaroor, noon um a ngod o joor.

A kim a tedu ke 46:6

Roog oxey kam fee, sendkee muk. Kaa ƴufgan no ke xotitna no mbeet ne.