Mise 1:2 - NQAARIIT NE ROOG

² Nuun qeet ke fop, nan-gilooxyo! Lanq ke fo ke refna teen, ndungyo nof nuun! O Yaal oxe na refkaa boo faw xan a layoor fa nuun, a inoortiid no Mbind tedu ne ten.

Mise 1:2 Referans Kwoze

Esayi 1:2

Asamaan, nan-gilooxi, lanq ke, mbetyo nof nuun, yaam o Yaal oxe na layaa: «Yaraam xa teɓandoong, fi a den maak, ndaa a siiknoora fa mi.

A kim a tedu ke 11:4

O Yaal oxe xey no Mbind tedu ne ten, uum-maamaad um a ref na asamaan. A kid um kaa nga’aa fop soo ta horooxaa wiin we.

Mbeeñil 3:22

Oxuu jegna nof, fat a nan-giloox ke Yiif le a layaa pokatax ke no gimu we.› »

Mbeeñil 3:13

Oxuu jegna nof, fat a nan-giloox ke Yiif le a layaa pokatax ke no gimu we.› »

Mbeeñil 2:7

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, xam ci’in ta ñaam no ndaxar ne no ñoow ole refna kam a ƭing ale Roog.› »

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Habakuk 2:20

Kaa koy, o Yaal oxe xey no Mbind tedu ne ten. Fat adna fa muum a naang cel mbaambir um!»

Yoona 2:7

Kaam ɗuuɗoox’u ɗuga xa coong axe, soo a kinglir ake jaaniif a mbegooraam boo kili. Kaa koy, wo o Yaal oxe Roog es, wo o mat ɗuqtitiidaxam fo o ñoow no duf-ee-duf laa jaaniif.

Yeremi 22:29

Saax le, saax le, saax le! Nan-gilooxyo fa lay fee no Yaal oxe.

A kim a tedu ke 50:7

«Xeet es, nan-gilooxi, jegaam kaa layoonga. Wo Isra’el, mexe jambang, mi fee Roog, refna ref Roog of.

Mbeeñil 3:6

Oxuu jegna nof, fat a nan-giloox ke Yiif le a layaa pokatax ke no gimu we.› »

Mbeeñil 2:29

Oxuu jegna nof, fat a nan-giloox ke Yiif le a layaa pokatax ke no gimu we.› »

Mbeeñil 2:17

Oxuu jegna nof, fat a nan-giloox ke Yiif le a layaa pokatax ke no gimu we: ‹Oxe na maafkaa, xam ci’in maan fa ƭasu. Xam ci’in itam ɓil ran fur. Took ɓil leene koy, gon xas a binde teen. Gon le o mat, o leng andiran a refangee oxe na daawkan.› »

Mbeeñil 2:11

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, ñimkee fa nqon fa ƭikandeer faa.› »

Malaki 2:14

Kaa nu laamtaa yee: «Yaam fa xar keene?» Yaam kaa o waas o teef, ke ta reeƭna reeƭ o yoon of fop oo fo o tew oxe hiɓoorit’oona. O Yaal oxe seede’’ong ndeer of fo o tew oxe dolniroona no ndeƥandoong of.

Yeremi 29:23

Yaam kaa da mbi o njombe kam Isra’el, ye da njimbooxna no ceeq fo rew no gend den soo a lay xa maaƥ no gon es. A soƥa koy ee hebliim a den dara. Andaam keene fop too mi fa xoox es seede’un. Mi o Yaal oxe layun.› »

Yeremi 6:19

Lanq ke, nan-gilooxyo! Mi o mat na ɓisiidkaa took xeet fene taamaala fee a qalaat a paaxeer den a ndimna. Nan-gilooxee fa lay es too ngayee kebil es.

A kim a tedu ke 50:12

Um xeex’ange, laykoogiroong o ten, yaam adna fee fop fo ke refna teen mi jegun.

A kim a tedu ke 50:1

A kim a tedu laa fogna na ke Asaf oo. Roog o Yaal katil oxe refna o Yaal oxe xe layaa soo a xoyaa adna fa muum, a xotit no batand boo no mudand.

A kim a tedu ke 28:2

Nan-gilooxi a qeƭax es, yaa um ƴufginooxang, yoɗaa xa ƥay es farna fo o mbiñ onqe wo moƴna o ted.

A kim a tedu ke 24:1

A kim a tedu laa fogna na ke Dawid oo. O Yaal oxe jegu lanq ke fo ke refna teen fop, a jeg adna fee fo we ngenna teen,

A cangatin ale 32:1

«Asamaan, rungi nof of no ke um layaa, lanq ke, nan-gilooxyo fa lay fee na sutooraa no don es.

Haahate we 11:10

Maak we Galaad a ndoona a Yefta yee: «I ndaaɓooxa o mbi ke layoona. Yaasam o Yaal oxe a ref o seede in!»

1 Maad we 22:28

Mikaya a doonaan ee: «O gatangaa fa jam de, o and ee o Yaal oxe layee fa mi.» A layahina yee: «Nuun qeet ke fop, nan-gilooxyo!»

2 Caloori ke 18:27

Mikaya a doonaan ee: «O gatangaa fa jam de, o and ee o Yaal oxe layee fa mi.» A layahina yee: «Nuun qeet ke fop, nan-gilooxyo!»

Esayi 18:3

Nuun fop we ngenna na adna fee, nuun we na ñoowaa took lanq ke, fat nu ƭeetaa, ndax boo a laay a anddiloor ale a sipeel took xa coong axe, nu nga’in, soo nan-gilooxaa, ndax boo a luuƥ ale a jibna, nu nanin.

Esayi 50:7

Kaa koy, o Yaal oxe na refkaa boo faw kaa dimle’aam, ten taxu maafaandeem. Kaam saƭkand mukit es nen gac, too andaam ee sedkiim.

Yeremi 42:5

A ndoona a Yeremi yee: «Fat o Yaal oxe a ref na in o seede ndigil fo o kore’u, a soƥangaa yee i ndeefee fa lay fuu o Yaal oxe Roog of a simkang o daawnin a in.

Xa peƭit axe 8:4

«Nuun wiin we um falalooxaa, o ñuxur es a jagin na xa ƥiy Aadama.

Yoona 2:8

O Yaal oxe, ye yoqɗooruuma fa nqon, wetandooxaaxoong, too ke xeɗoonga, a fadiida boo me wo, no Mbind tedu of.