Mise 1:16 - NQAARIIT NE ROOG

¹⁶ Nuun we ngenna Yeerusaleem, nduusooxyo, mboy wiil nuun, naqadiloox yaam xa ƥiy axe nuun nu mbexna mbex! Meelinyo a qoox nuun nen a tud, yaam xan xa ƥiy nuun a ƥisel gilaa saax took o hup doole, maa goƭna a nuun.

Mise 1:16 Referans Kwoze

Esayi 22:12

A koom, o Yaal oxe na refkaa boo faw Hupna fop kaa sim’u a nuun nu lool, ƭomatoox, nduusoox soo nderoox xa saaku,

Yeremi 7:29

Nuun xeet fee Yudaa, nduusyo a biil a ciig ake nuun na laltaa a ƥoxotax nuun no Yaal oxe, ndeɓ a den! Yoɗyo a kim a ƭomatax took xa coong axe naangna halit, yaam o Yaal oxe kaa sib too a deɓ suk ne mbuuxnooruuna.

Ke bindeena no xe ne’eena YOB 1:20

Maaga, Yob a inooxa, a faar sabadoor ne ten, a ruusoox ɓula, a gung a lanq

Amos 8:10

A koom, xan toofeen nuun a suptel njaañ, a kim baneex nuun a ndef xa paɗax, oxuu refna a deroox o saaku, fop a nduusoox a ƥula yaam naqad. Kaam ee, a koom saax le a mbi nen kaa mbind oo mbind a nqoniɗ o dimbaane, fop a muukoor nen ñaal o njombe.

Yeremi 16:6

Kam saax lene, yaal kalal oo rool oo xan a nqon. Ngaskaand, mboykaand, too o leng ñaasooxkee mbaat ta xanqoox, ndax ta lalit naqad um yaam den.

Yeremi 6:26

O Yaal oxe a laya yee: «Nuun xeet es, nderooxyo xa saaku, mbirkiloox kam ndaw. Ñaawooxyo nen oxaa na ñaawooxaa o ƥeem o ngoor o leng kut, ƭomatoox boo nqij, yaam o yaayaq oxe xe garaa a bet a in.»

Esayi 15:2

We ngenna Diibon owe ŋaayaa na ñaang a sadaxand ake, ndax da loolit maaga. Mowaab oxe ɗomatooxaa yaam teeru fee Nebo fa fee Medeba. A qoox ake fop a nduuse, xa taatam axe fop a mboyel.

2 Maad we 17:6

No hiid ɓetuu nahkandeer ole no maat Hoose, o maad oxe Asuur a jaɓa a Samari soo a ɓis Ii-isra’el we ngen’ina teen kam Asuur took o hup doole. A dalna a den no jegel olaa Halah fo paam a ƈufnand alaa Haboor no jegel olaa Gosaan fo kam teeru ke no saax laa Medi.

A cangatin ale 28:41

Xan nu njeg xa ƥiy xa koor fo xa tew, ndaa xan nu ñak a den, yaam xan a ƥisel gilaa saax took o hup doole.

Yeremi 47:5

We Gaasa a nduusooxa a ƥula, a ndef no ñaawax, Askalon a naag yereŋ. Nuun yoqatin we na yulanq ale den, kaa nu mbugko ñaasooxaa boo a mban, ndax nu lalit naqad nuun?

Amos 7:11

yaam kaa lay ee: ‹Xan Yerobowam a wartel laƥ, Ii-isra’el we a ndefik faɗ no saax jan.› »

Amos 7:17

Keeke o Yaal oxe a layu: ‹Xan o teef a jaga’ik kam teeru fee, xa ƥeef a mbartel laƥ, o qol of a ɗegrel, wo fa xoox of o xontik a koƥ, Ii-isra’el we a ndefik faɗ no saax jan.› »

Yeremi 4:8

Ten taxu, nderooxyo xa saaku, ƭomatoox soo iin, yaam fuux ɗomu le no Yaal oxe waasee a in.

A ƭomatax ake 2:19

Inooxi, jibin xa iin no ndokand ne na yetax ake no yeng ole! Caari ke refna kam of nen foofi mbaambir no Yaal oxe! Letni xa ƥay of farna fo ten yaam o ñis na xa ƥeef xa tutuuñ axe na nqonaa fo nqeex no kooñ ke no ped ke fop!