Mise 1:13 - NQAARIIT NE ROOG

¹³ Nuun we ngenna Lakiis, nguminyo pis ke na sareet-xire ke, yaam nu mbakaadnoora a Siyoŋ o ndoog onqe, siiknoor ne Isra’el a faqaqoor me nuun.

Mise 1:13 Referans Kwoze

2 Maad we 18:17

O maad oxe Asuur a foda na teeru fee Lakiis, a lul Yeerusaleem maa no maad Hiskiya a buumi um fa farɓa fa maak fee ten fa jawdiin um, da yoon fo a yaj no xiixire maak. Ye da mbadiidna na teeru fee, a ndala paam a ƥaaxaand ale no mbalka-took ne na ƭat ale no qol ole no qaaxaaɗ oxe.

2 Caloori ke 32:9

Cinj kaaga, Sanxerib fee o maad oxe Asuur a lula parɓa ke ten Yeerusaleem, a soƥ ta wid teeru fee Lakiis o kurul-keƥ, ten fo a yaj ake ten fop. A luliida a den me Hiskiya fee o maad Yudaa fo me no wiin we Yudaa fop ndeeƭna Yeerusaleem ee:

Yosuwe 10:3

Keene tax’u Adoni-Sedek a hebil duleer maa Hohaam fee o maad Hebron, maa Piram fee o maad Yarmut, maa Yafiya fee o maad Lakiis fo maa Debir fee o maad Eglon, ndax ta xeɗ a den ee:

Mbeeñil 2:20

Kaa koy, a jega kaa ɗomaxama na wo: Kaa o waas o tew oxe ne’eena Isebel na layooxaa o tuleer Roog, soo a naxaa dag we mi. Kaa jangnaa a den ee da seeqaa, soo a ñaamaa a tegeƴ akaa sadaxeena pangool.

Mbeeñil 2:14

Kaa koy, a jega onqaa ɗomaxama na wo: Ten refu yee kaa o jeg meene wiin waa ndamooxna na cangin ale Balam. Kaa jangnoogu a Balak yaaga, ta sip a panq alaa na baɓaa Ii-isra’el we, a maafnooraa a den na bakaad yaa ta koocaa a den da ñaam a tegeƴ a sadaxte akaa ne’teena pangool, soo a seeqaa.

Mise 1:5

Keene fop koy, tooñ ne Yakoob gartun, pakaad ke no mbind Isra’el! An ɓeku a Yakoob no tooñ neene? Mee ndax Samari yoo! An garu fo a ñaang a sadaxand ake Yudaa? Mee ndax Yeerusaleem oo!

Heseki’el 23:11

«O ndeɓ um Oholiba a ga’a keene, soo a moƴin o samar na yuxum um. Njaga ne ten a hupa njaga ne no maag um.

Yeremi 4:29

Teeru fee fop a ngoda o joor no fangax le no ŋaaŋaay pis we fo xaaxaƴ a qali we. Xa kus axe we njaɓnooxeel, a ƥil ake a ñayooxeel. Teeru fee fop a waase, too o leng genatee teen.

Yeremi 3:8

Ke raxuuma rax a Isra’el fa ngore’aƭaru fee fop oo yaam ceeq ke ten soo cooxin a kayit a pinde laa lalitna yee waasaanum, ga’aam ee o pog um o tew Yudaa fa ngoohod fee saɗaree keene too a jaga’ka ten itam.

Esayi 37:8

Jawdiin fee no maad oxe Asuur a nana yee o yaal mbind um a inoora Lakiis, ndax ta songik a Libna, soo ta soƥkin maaga.

Esayi 10:31

Madmena xan a god o joor, soo we ngenna Gebim a mbaaƭaa ndaɗand.

2 Caloori ke 11:9

Adorayim, Lakiis, Aseka,

2 Maad we 8:18

A reefa o jaf no maad we Isra’el, ne mbind Ahab a mbi’it’uuna. Kaa gilig’u o ƥiy o ndew Ahab, soo a fi kaa faaxeerna na kid no Yaal oxe.

1 Maad we 16:31

Ten koy, bakaad fee Yerobowam ta laalna deyiran boo ta gilig sax a Isebel fee o ƥiy Et-Baal fee o maad no Siisidoŋ we soo a doon teen a gungaa mbaambir Baal fee da mbi’’ina roog den, ndax ta faɗooxin.

1 Maad we 14:16

Xan o Yaal oxe a deɓ xeet fee Isra’el, yaam ne Yerobowam a bakaadna soo a bakaadnoor a den.› »

Yosuwe 15:39

Lakiis, Boskat, Eglon,

A sutax ale 32:21

Cinj kaaga, Moyiis a faambra fa Aaroon, a layin ee: «Xar xeet fee mbi’ong boo o xaƴ a den da mbi bakaad fa magnitu nene?»

Mberaand 19:17

Cinj ye goor ɗik we a sutna a den, o leng na den a laya yee: «Ƴufti o ñis of too ba o wiƈaqiloox. Ba o geenoox na xa saawit axene fop. Sagi farna fo xa coong axaa yaam ndik o saŋkoox.»

2 Maad we 14:19

Amatsiya a hiɓante o ngir Yeerusaleem, a ƴuf Lakiis, ndaa a daabe soo a wartel maaga.

Esayi 36:2

O maad oxe Asuur a foda Lakiis, a luliid a jawdiin um Yeerusaleem me no maad Hiskiya. A yoonandit’aan a yaj no xiixire, ta adooxan a den. A ndala paam a ƥaaxaand alaa no mbalka took naa na ƭat alaa no qol ole no qaaxaaɗ oxe.

Ke bindeena no xe ne’eena YOB 39:10

Ndax waagaano humin, xooxtikin o qol of? Ndax xan a reefanong, a jiqtaa lanq kam a yulanq ale?

Yeremi 34:7

Kaa jopir’u xiixire we no maad oxe Babilon a ñoxoraa fa Yeerusaleem fo teeru lakas cegu saŋe ke Yudaa maad’ina o nqoxaa, ndefna Lakiis fa Aseka doŋ.