Mise 1:1 - NQAARIIT NE ROOG

¹ Keeke refu fa lay fee o Yaal oxe a daawinna a Mise fee gen’ina na teeru faa Moreset na jamaane Yotaam fa Ahas fa Hiskiya we maad Yudaa, ta ref mbeeñil naa jaginna na Samari fa Yeerusaleem.

Mise 1:1 Referans Kwoze

Yeremi 26:18

«Mise fee genna Moreset a yegnit’a padafuleer na jamaane Hiskiya fee o maad Yudaa too a layooga xeet fee Yudaa fop ee: ‹Keeke o Yaal oxe Hupna fop a layu: Siyoŋ xan a guurel a refat o qol, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.›

Esayi 1:1

Safe lene kaa fof ke Esayi fee o ƥiy Amoc a feeñleena no maat ne Yudaa fo na teeru fee Yeerusaleem, na jamaane Usiya fa Yotaam fa Ahas fa Hiskiya ndeeƭna maad Yudaa.

Hoose 1:1

Keeke refu fa lay fee o Yaal oxe a daawinna a Hoose fee o ƥiy Beeri na jamaane Usiya fa Yotaam fa Ahas fa Hiskiya we maad Yudaa fo na jamaane Yerobowam fee o ƥiy Yehowas, o maad Isra’el.

Amos 1:1

Safe leeke kaa wetandooxaa ke Amos a layna, ta war o dal a Isra’el. Amos feene koy na saate fee Tekowa a gen’u, a ref o kaynaak, Roog a feeñlin keene na jamaane fee Usiya a refaa o maad Yudaa, Yerobowam fee o ƥiy Yehowas a ref o maad Isra’el, ta ref xa kiid xa ƭaq mbaambrand a yo’nax alaa no lanq kaa.

Mise 1:5

Keene fop koy, tooñ ne Yakoob gartun, pakaad ke no mbind Isra’el! An ɓeku a Yakoob no tooñ neene? Mee ndax Samari yoo! An garu fo a ñaang a sadaxand ake Yudaa? Mee ndax Yeerusaleem oo!

Amos 6:1

«Ndaw sabab took nuun, nuun we na ñoowaa no yaadax kam Siyoŋ, nuun we mboogna yee o joong ole Samari ngenand mbooru yoo. Kaa nu mbi’oox a salma-koor kam saax le adooxanna qeet ke, bo tee mbind Isra’el sax nuun a mbi’u yaakaar.

Hoose 8:14

Isra’el a weecta o saasak um soo a maxin pind no maad, Yudaa a mayƭand teeru saƭku koŋ ke, ndaa xam hebliid fiɗel kam teeru ke den, soo ta raaɓ pind mosu ke den.»

Hoose 4:15

Wo Isra’el, o jimbooxangaa no njaga, baa Yudaa a xawnoor a xoox um, yaa ta fi’na leng kut ke. Ba nu ndet Gilgal, kaam ee ba nu ndet boo Bet-Awen, ndaaɓoorit maaga yee: «Ne ta wooritna yee o Yaal oxe xe ñoowaa!»

Esayi 7:9

Teeru fee Samari, Efrayim soom a waxooxu, soo o ƥeenqe Remaliya a ref kelfa Samari rek. Nu ngimangee, nu mbaagkee saƭik.› »

Habakuk 1:1

Keeke refu ke o tuleer Habakuk a feeñleena.

2 Piyeer 1:21

A ƭelem ake no duleer we Roog mosee o ngat no bug no kiin. Yiif Tedu le reeƭu oxe ɗoxoogna a den boo da layaa a ƭelem akaa inoorna na Roog.

2 Maad we 15:5

O Yaal oxe a xawta o maad Asariya a tik a maak, too ten a refit’u boo neen a xonu. No mbind naa sayooxna a gen’atu, soo Yotaam fee o ƥeem adooxan’ina mbind no maad ne a ɗoxaa xeet fee no saax le.

2 Maad we 15:32

No hiid o ɗikandeer ole no maat Peqah fee o ƥiy Remaliya kam Isra’el, Yotaam fee o ƥiy Usiya reeƭatu o maad Yudaa.

2 Maad we 16:1

No hiid xarɓaxay fo hiid o ɓetuu ɗikandeer ole no maat Peqah fee o ƥiy Remaliya kam Isra’el, Ahas fee o ƥiy Yotaam reeƭatu o maad Yudaa.

2 Maad we 18:1

No hiid o dadkandeer ole no maat Hoose fee o ƥiy Eela kam Isra’el, Hiskiya fee o ƥiy Ahas reeƭatu o maad Yudaa.

2 Caloori ke 28:1

Ahas a jeg’a xa kiid qarɓeen ƭik ye ta sogna refaa o maad. A maadooxa xa kiid xarɓaxay fo xa kiid ɓetaa fo leng kam Yeerusaleem. Fi’ee kaa faaxna na kid no Yaal oxe, ta guutatir fo ne o taan um Dawid a fi’it’uuna.

2 Caloori ke 29:1

Hiskiya a jeg’a xa kiid qarɓeen ƭik fo xa kiid xa ƥetaq ye ta sogna refaa o maad. A maadooxa xa kiid qarɓeen ƭik fo xa kiid ɓetaa nahaq kam Yeerusaleem. Ya um Abiya a ne’’e, a ref o ƥiy Sakari.

Esayi 7:1

Ye Ahas fee o ƥiy Yotaam refna o ƥiy Usiya a refaa o maad Yudaa, Resin fee o maad Araam a yoona fa Peqah fee o maad Isra’el reeƭna o ƥiy Remaliya, ndax da songik a Yeerusaleem, ndaa mbaag’iran o maaf.

Mise 3:9

Nuun kelfa ke no mbind Yakoob, nuun gelwaar we no mbind Isra’el, nan-gilooxyo kene: Kaa nu sib o cofel ole, ƭapaa fop ke refna a ƭat.

Esayi 1:2

Asamaan, nan-gilooxi, lanq ke, mbetyo nof nuun, yaam o Yaal oxe na layaa: «Yaraam xa teɓandoong, fi a den maak, ndaa a siiknoora fa mi.