Mberaand 9:6 - NQAARIIT NE ROOG

⁶ O kiin oxuu ɓaxna fo’oy no kend um, xan o lakas a ɓax fo’oy um, yaam Roog kaa sak o kiin ta ref nitaal um.

Mberaand 9:6 Referans Kwoze

A paɗax ale 24:17

Oxuu warna o kiin, fat a warel.

Mace 26:52

Maaga, Yeesu a layaan ee: «Nomti laƥ ne no xool um, yaam we na njangkaa laƥ, laƥ na warkaa den.

Mbeeñil 13:10

Oxuu jagandaneena mbaƭ, xan a ref o paɗ. Oxuu jagandaneena o wartel laƥ, xan a wartel laƥ. Ten taxu we mbogna na Roog a mbara o lalit o saƭkel fo o ngim.»

A lim ale 35:33

Nu mbaree o nqoolaƭarand saax le nu ngenkaa. Fo’oy fo ɓaxooxu kaa xoolaƭarandaa saax le, too boo o kiin a wareena, saax le waagaand o ɓogdit lakas a refangeerna fo’oy no baawar oxe.

Saak 3:9

Kaa i niwaa o Yaal oxe Faap in fo ɗelem in, ndaa kaa i layanaa wiin lakas we paaxeer fo ɗelem leng le itam. Yaag oo toox de, Roog saku a den no nand um.

Mberaand 5:1

Keeke refu safe le na kon ake na xa taan Aadama: Ye Roog a sakna o kiin, a fi’aan ta nand fa Roog.

O leetar ole Pool a bindna GIMU WE NGENNA ROM 13:4

Roog o mat doxnu a den calel keene yaam jam of. Boo andoona yee paaxeer o fi’aa, fat o saɗar, yaam refee yee o ƥor o ƥor taxu da ndeegoox laƥ ne. Roog o mat dalnu a den, ndax da laltaa fuux um took no we na mbi’aa paaxeer.

Mberaand 4:14

Xaye woxey raxaxam lanq kene, xam ret maa goƭoonga, joqooyooxaa no lanq ke, soo oxuu xetna fa mi a waraam.»

A kim a tedu ke 51:4

Ɓogaam qac no tooñ es, xoolandaam na bakaad es.

A lim ale 35:25

Fat mbokatax ne a mucil oxe warna no ɓay no taarabdinax oxe, a nomtin na teeru fa njaɓnooxand fee ta jaɓnook’ina. Fat a yoq maaga boo yaa o saasadax o maak oxe ɗuumeena diwliin fa tedu fee a xonkaa.

A paɗax ale 17:4

too ɓisiran boo no ndokand naa no Ƭiif ne, ndax ta ɓoxotin o Yaal oxe nen sadax mbaambir Ngenand tedu ne ten, xan fo’oy le a gadnel o kiin oxeene. Fat oxeene kiin a sutel xeet um yaam fo’oy le ta ɓaxna na pet.

1 Korint 11:7

O koor waree o muxloox, yaam ten refu nitaal fo o ndam Roog, o tew o mat a ref o ndam no koor.

Mberaand 42:22

Ruben a laya a den ee: «Ndax lay’iim a nuun ee ba nu mbi o goor olene paaxeer? Kaa nu mbañ’aam o nan-giloox. Ndiiki koy, fo’oy um a yena took in.»

A sutax ale 20:13

Warkiro o kiin.

A cangatin ale 5:17

Warkiro o kiin.

Haahate we 9:56

Neene, Roog a rabda a Abimelek paaxeer ke ta fi’ina a faap um, ye ta warna fog faap qarɓeen ɓetuu ƭik we ten.

1 Sami’el 15:33

Sami’el a layaan ee: «Ne laƥ of a sambranditna rew fo xa ƥiy den, neene ya of a sambranditkeel itam fo o ƥeem.» A ɗega a Agag teɓ-reɓ mbaambir no Yaal oxe kam Gilgal.

2 Maad we 11:16

A ndeƈ-ndeƈnaan boo no mbind ne no maad oxe, a ndeefnin no Ndokand ne no pis ke. Maaga mat a mbartun.

Xa peƭit axe 28:17

Oxe warna o lakas kaa ƴufanaa fa nqon um. Ba o leng a xañtin o ten.

O baawaare xe 3:3

hap o war fo hap o wodand, hap o bayit fo hap o max,

A lim ale 35:16

Kaa koy, a jegangaa oxaa xawitna o kend um kaa fi’teena njelem boo a warin, oxeene kiin o baawar oo, too kaa warel o war.

A cangatin ale 19:11

A soƥangaa koy ee o kiin kaa saqan o kend um o njaaku kam, a fogan soo a yen took um, a xawin bo ta xon, oxe warna a ƴufangaa na fa leng no teeru keene sax,

2 Sami’el 4:11

Yaaga boog, nam warum o saɗgit saasaay kaa mbaritna o koor o cofu no mbind um, took-ee-took njong um? Ndiiki koy, xam laamit a nuun fo’oy um, moocand a nuun took lanq ke.»

1 Maad we 2:9

Ndiiki koy, ba o ñakin o xaw. Wo fee refna o kiin o cegu yiif, andaa ne waroona o fesoorit fo ten. Ke ta fuumna fuum fop oo, fat o fi boo ta xaad jaaniif.»

2 Maad we 11:1

Ye Ataliya fee ya no maad Ahasiya a yegna yee o ƥeem a xona, a inooxa, a saŋik ƥasil no maad ne kam Yudaa fop.

2 Maad we 11:20

Xeet faa no saax laa fop a mbelakinooxooga, soo teeru faa a yeeɓooxat. Ataliya o mat, a warit’e laƥ kam mbind ne no maad oxe.

2 Caloori ke 33:24

Parɓa ke ten a ngiɓanaan o ngir soo a mbartin kam mbind um.