Mberaand 9:22 - NQAARIIT NE ROOG

²² Xaam fee faap Kanaan a ga’a o ƥor ole faap um a yoqna, soo a ret tafil a laykin fog faap we ten.

Mberaand 9:22 Referans Kwoze

Xa peƭit axe 30:17

Oxe na xaadnooxaa a faap um, a saganit o nanan ole helna a ya um, a tooq ake na ƈufnand ake xan a yul a kid um, soo xa ñeek axe na canjiik ale a listir a den.

Galati 6:1

Fog we, nuun we andoona yee kaa Yiif le Roog a ref na nuun, a soƥangaa yee nu mbeta o kiin ta fi’aa kaa jageerna, fat nu lalin a ƭat yoonandtin o ɓuuɓ. Kaa koy, fat nu mbootoox a paax, yaam nuun oo nu mbaaga yenkaa na bakaad.

1 Korint 13:6

Kaam ee njofaƭar ɓekkiran no sawar, cofu kañ na cooxan o ɗaay.

Mace 18:15

«O pog of a bakaadangaa, reti asin maa nu ndefna nuun ɗik soom. A nan-gilooxangaang, muclaa o pog of.

A kim a tedu ke 70:3

Fat we mbugna njang o ñis es a seeƈaar soo a lupandoox. Fat we mbuganaxama taamaala a ndiƈatoox soo a naang ɓot a sed.

A kim a tedu ke 40:15

Fat fop we na mbaaƭaa maa njangitna o ñis es a seeƈaar soo a lupandoox. Fat we mbuganaxama taamaala a ndiƈatoox soo a naang ɓot a sed.

Mberaand 10:6

Xa ƥiy axe Xaam ndefu: Kuus, Misira, Puut fa Kanaan.

Xa peƭit axe 25:9

Xoxti a xoox of mbaambir no kend of, ndaa ba o caar o mbeeƭ no lakas,

1 Caloori ke 1:8

Xa ƥiy axe Xaam ndefu: Kuus, Misira, Puut fa Kanaan.

Mberaand 9:25

Maaga, a laya yee: «Kanaan a salooxe, fat a ref no maag we ten o paɗ oxe moƴna o hees!»

Mberaand 9:23

Maaga, Seem fa Yafet a nqota sabadoor, a mbi’in na kand den, a ñaaƴtaa o jiijing soo a ndokin a faap den. Kaa nquun’u boo nga’ee o ƥor ole faap den a yoq’ina.

Habakuk 2:15

Sabab took no xe na yernooraa o kend um biiñ fee no ndog onqe no fuux le ten, ndax ta waynoorin boo a waag o xeefnoorin yaam ta yoq o ƥor!