Mberaand 9:21 - NQAARIIT NE ROOG

²¹ A yera biiñ boo a way, soo a yoq o ƥor kam ƭiif um.

Mberaand 9:21 Referans Kwoze

Xa peƭit axe 20:1

Biiñ kaa ɓekaa o kiin no nqaadnax, a yer a qaaɗu a riñan no may fa lay. Oxe da adinna jegee yiif.

Tiit 2:2

Jangni a koorgi ke da ƥuuɓ, a njar o niwel, a mbod na pi den, a saq o ngim o nqoolu, a njeg o mbeq, a ndef wiin muñu.

Galati 5:21

A naanga o siisraa itam, too a yeraa a yer a maamu, a ñaamaa kupu, a mbi’aa lakas kaa nandna fo keene. Mexe layaa a nuun ne layit’anuuma a nuun yaaga yee: We na mbi’aa tig nandu neene lamkee Maat ne Roog.

1 Korint 10:12

Ten taxu, fat oxe foogna yee kaa geenoox jing a wootoox, yaam ndik ta yen.

O leetar ole Pool a bindna GIMU WE NGENNA ROM 13:13

Fat i ñaaƴit o jof, yaam in wey na qoolaand ale. Ba i yer a yer a maamu mbaat i ñaam kupu. Ba i seeqaa mbaat i mbi’aa a pi a parƴu fo cer in. Ba i nqasir, too ba i siisraa.

O baawaare xe 7:20

A woora kañ ee jegee took lanq ke o kiin o cofu xaa na fi’aa paax doŋ too bakaadkee.

Mberaand 6:9

Keeke refu a kon ake na xa taan axe Nowe. Nowe kaa reeƭu o kiin o cofu o cegee ŋañel na jamaane um, too a ñaaƴooga fa Roog.

Mbeeñil 3:18

Kaam asang koy, o bugangaa o ref o yaal halal, jikti na mi wurus faa naayneena na fiɗel. O bugangaa o ɗasin cer ƥor of yaam o fañaa gaci, jikti na mi tikoorik tan kaa o rokooxaa. O bugangaa o waag a ka, jikti na mi tuuf naa o ɗuumaa na kid of.

Mberaand 9:20

Nowe a refa no xooxaa lanq ke, soo a jimb a ƭing taxar biiñ.