Mberaand 9:20 - NQAARIIT NE ROOG

²⁰ Nowe a refa no xooxaa lanq ke, soo a jimb a ƭing taxar biiñ.

Mberaand 9:20 Referans Kwoze

O baawaare xe 5:9

Oxe fexna xaaliis waagiran o deyƭoox, too oxe fexna halal deyƭooxkee muk no ke ta rimaa. Keene kasaara a refahinu.

Xa peƭit axe 24:30

Reefaam paam o qol feeñaak, paam a ƭing taxar biiñ no koor o ñaku xoox,

Xa peƭit axe 12:11

Oxuu xooxna o qol um a jeg ñaamel teyu, oxe na ƴufanaa xa koɓong o mat kaa ñak-xoox.

Xa peƭit axe 10:11

O don no cofu xe kaa ref a cur o ñoow, soxodu we mat kaa ƭasnaa a pi a yednu kam fa lay den.

A cangatin ale 28:30

O leng na nuun a jegangaa o toog, xan o koor o lakas a gignin. Xan nu max pind, ndaa nu ngenkee a den. Xan nu njimb taxar biiñ, ndaa nu muudoorkee a den.

A cangatin ale 20:6

Ndax a jega oxaa jimbna a ƭing taxar biiñ too ñimafulee xa tim axe? A soƥangaa yee a jega, fat a nomtoox no mbind um, yaam ndik ta xonit na xire faa, soo o lakas a ɓoor xa tim biiñ axe.

Mberaand 5:29

A ne’aan Nowe, a lay ee: «Oxene na yaalkaa a in no coono ke, no calel ƭomu ke lanq ke o Yaal oxe a salooxna a ndoonna a in.»

Mberaand 4:2

A dakooxa o rok o fud, soo a ñoot a Abel fee o ndeɓ Kayin. Abel a refa o kaynaak cegel, Kayin a ref o qooxoox.

Mberaand 3:23

O Yaal oxe Roog a raxta a den na ƭing alaa Edeen, ndax da nqooxik lanq ke da ngatna.

1 Korint 9:7

No xiixire we, an na inooxaa, a ñoowaa no njiba um? An mosu o duuf a ƭing biiñ, too moɗee na xa tim axe? Nu mosa o nga o kaynaak oxaa xañteena a qaf fo sis no naak ke ta gayaa?

A kim ale na kim ake 1:6

Ba nu mbuudaam, yaam ne njeeƈ ne a doxaxama boo um ɓalig. Jamin es a mbuuxanaxam, a mbi’aam o yeeyetax a ƭing taxar biiñ ake den, too a ƭing ale jegooduuma yetooxinum.

Mberaand 9:19

Xa ƥiy xa tadaq axeene na Nowe axu qeet ke na adna fee fop.

Mberaand 9:21

A yera biiñ boo a way, soo a yoq o ƥor kam ƭiif um.