Mberaand 9:16 - NQAARIIT NE ROOG

¹⁶ A ñang-ee-ñang ale xan a feeñ na eel ake, um ɗeetan ndax um wetandoox ngiɓoor ne na refkaa boo faw a ndeer Roog fo pindel ke na ñoowaa fop took lanq ke.»

Mberaand 9:16 Referans Kwoze

Yeremi 32:40

Xam dalin fa den ngiɓoor naa na refkaa boo faw, neene feskatiim a den a cinj, ndaa xam fi’an a den paax, ɓek na qeeñ den o saɗaraam, ndax saytoorkatee fa mi.

2 Sami’el 23:5

Neene mbind es a nandu mbaambir Roog. A dalna fa mi ngiɓoor naa na refkaa boo faw, a saƭik too a woor. Ten na saxnaa a muc es fop fo o bug es fop.

Mberaand 17:19

Roog a doonaan ee: «Ha’aa! Xan Saara fee o teef a rimanong o ƥiy o ngoor too fat o ne’in Isaak. Xam dam ngiɓoor es fo ten, damin itam ndeer es fo xaa faqaqoorna no ten. Xan a ref ngiɓoor naa na refkaa boo faw ndeer es fo xa taan um.

Mberaand 17:13

Oxe rimeena no mbind of a ware o xuc, ten fo xe jiktoona xaaliis of. O anddiloor ole no ngiɓoor ne na refkaa boo faw no cer nuun a refkaa.

Hebre 13:20

Roog a xontooxnoora o Yaal in Yeesu a ndeer no xon we. O ten refu o kaynaak o maak oxe na gayaa paal um, yaam ne ta ɓoxotooxna nen sadax na pexey fo’oy um. Fo’oy leene o mat sinju ngiɓoor mbooru ne faafkeerna. Yaasam Roog fee mayna fa jam a ci a nuun doole faa nu mbi’taa paax, ndax nu mbadin ke ta bugna. Yaasam ta fi na in ke feluuna na pexey Yeesu Kiristaa. Kaam ee, yaasam o Yaal oxe Yeesu a ɓoxotel o ndam boo faw. Amiini.

Mberaand 17:7

Xam dam ngiɓoor ne a ndeer es fa wo, damin a ndeer es fo xa taan of axe na ndeefankang, reefandin no suk den. Xan a ref ngiɓoor naa na refkaa boo faw, naa um refkaa Roog of fo Roog na xa taan of.

Esayi 55:3

Ndungyo nof nuun too ngar me mi. Nan-gilooxyo, too xan xa laaw nuun a ñoow. Xam dalin fa nuun ngiɓoor naa na refkaa boo faw, ci a nuun yirmande es, ne regtit’anuuma a Dawid.

Mberaand 9:17

Roog a laya a Nowe yee: «Keene refu o anddiloor ole no ngiɓoor ne dalnuuma a ndeer es fo fop ke njegna njer too a ref took lanq ke.»

Heseki’el 34:26

Xam fi a den fo me widna ñaang le mi a cur barke. Xam hebliid a teƥ ale na waxtu um, too xan a ref a teƥ barke.

Heseki’el 37:26

Xam dalin fa den ngiɓoor jam naa na refkaa boo faw. Xam dalin a den maaga, mayƭand a den soo sip mbind tedu es a ndeer den boo faw.