Mberaand 9:15 - NQAARIIT NE ROOG

¹⁵ Maaga, xam wetandoox ngiɓoor es fa nuun fo pindel ke na ñoowaa fop, too poofi ke mbi’katee o jaɓ muk ndax da saŋik fop ke njegna njer.

Mberaand 9:15 Referans Kwoze

A cangatin ale 7:9

Fat nu and boog ee o Yaal oxe Roog nuun soom refu Roog. Kaa gore too a gayaa ngiɓoor um fo o paaxel um boo no suk cuni-cuni no we mbexuuna, a ngayaa kebil um.

Heseki’el 16:60

Kaa koy, mi o mat xam wetandoox ngiɓoor es fa wo ye fo ndeƥandoong of too xam dalin fa wo ngiɓoor naa na refkaa boo faw.

A kim a tedu ke 106:45

A wetandooxa ngiɓoor um fa den, ndax ta jiriiñ a den, too a yirma a den no mbeq o maak um.

1 Maad we 8:23

a xeɗ ee: «O Yaal oxe Roog fee Isra’el, jegee roog faa nandna fa wo, ta ref na asamaan mbaat took lanq ke. Kaa o gayaa ngiɓoor ne fo o paaxel of a ndeer of fo dag of we ndamooxna na wo na qeeñ den fop.

A sutax ale 28:12

Fat a ƥil akeene a mbi’el took xa kadoor axe no jamb ole, Aaroon a gadooxaa a den mbaambir es, ndax mi o Yaal oxe, um wetandooran xa ƥiy axe Isra’el.

YEGIL MBAAX NE YEESU ne Lik a bindtuuna 1:72

Neene o mat a yirmitu daan we in, a wetandoox ngiɓoor tedu ne ten,

Yeremi 14:21

Yaam gon of, ba o xeef a in, ba o niwaƭar uum-maamaad le no ndam of. Wetandooxi ngiɓoor ne dalnoona fa in, ba o ɗegin.

Nehemi 9:32

Ndiiki koy, wo Roog in, Roog fa maak fee mayna katil too a saɗarnoox, wo fee na gayaa ngor ne fo ngiɓoor ne, ba o ɗeet nen tig pooreer naqad ke i ngomna fop, in fo maad in, kelfa in fo saasadax in, duleer in fo daan in fa xeet of fop, no kaa xotitna na jamaane faa maad we Asuur a maadooxoogna boo no ñaal nene.

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

Mberaand 9:11

Dalnaam ngiɓoor es fa nuun. Njer nuu refna saŋkitkataand poofi ke no jaɓ ole, too o jaɓ jegkatee ndax ta yaq lanq ke.»

Mberaand 9:14

Yaa um fokatkaa a eel ake da yooroox lanq ke, xan a ñang-ee-ñang ale a feeñ na eel ake.

Mberaand 9:10

fo pindel ke ndefna fa nuun a ñoowaa, xotitna no tiiƭ ke boo no cegel ke fo muumeen ke fop took lanq ke fo fop ke sutoorna na kaal ale, muumeen ke no lanq ke fop.